عرض مشاركة واحدة
قديم منذ /09-28-2011, 06:29 PM   #1

AHMED SEVEN

دوستويفسكي

 

 رقم العضوية : 63879
 تاريخ التسجيل : Dec 2010
 الجنس : ~ رجل
 المكان : القاهرة
 المشاركات : 2,025
 الحكمة المفضلة : لا احد يستطيع ان ينقذك سوى نفسك
 النقاط : AHMED SEVEN is just really niceAHMED SEVEN is just really niceAHMED SEVEN is just really niceAHMED SEVEN is just really nice
 درجة التقييم : 387
 قوة التقييم : 1

AHMED SEVEN غير متواجد حالياً

إرسال رسالة عبر Yahoo إلى AHMED SEVEN

أوسمة العضو
الحلقة الرابعة *** من * برنامج (( المجااااادل )) حلقة غير كل الحلقات وضيفة رائعة ومحبوبة جدااااااا




بكل سعادة اتكلم عن عضوة من العضوات المثاليات فى هذا المنتدي الكبير تبذل مجهود رائع دائما فى رفعة المنتدي ولحبها الشديد لهذا البيت الذي يضم الكثير من المواهب والثقافات المختلفة .. العضوة الى معانا عضوة متميزة جدااا لها اسلوبها الخاص .. عضوة كتير محبوبة .. هي العضوة الغالية
** همسة الجوارح **&..
فلنرحب بها ولنستمتع باجاباتها على الاسئلة المطروحة اليها ..





الاسم؟

هدى الهوارى

تاريخ الميلاد ؟ برجك ؟

تاريخ ميلادى 8\11\1991 برج العقرب

المدينة ؟

القاهره

الهواية ؟

القرأه الادبيه وكتابه الخواطر

مميزات وعيوب همسة الجوارح ؟انا احب اكون ديما فى حالى يعنى بحب الاختصار مع نفسي شويه

حتى فى علاقتى ماليش اصدقاء قوى كله للزماله فقط يعنى لو دورت ع صديقه انتيم قوى ليا مش تلاقى

لانى بحب امورى تكون داخل نفسي بصراحه بجد لكل واحد

اوجاعه مش ناقص اوجاع غيره


اكتر الاقسام المقربة لقلبك ؟ولماذا؟

انا بحب الاقسام الادبيه بجد فيها متعتى من الزملاء

انا بنزل مواضيعى وبرد عليها وبدخل القسم لقيت جديد برد عليه

مالقتش بدخل اقسام تانيه اشوف الكويس فيها ارد والعادى

باخد اللى استفاد منه وبرضو مش بخرج حتى ولو بكلمه شكر

لانه من حق الكاتب حتى الشكر ع الاهتمام والتعب


افضل ممثل وافضل ممثلة وافضل مطرب ومطربة وافضل فيلم وافضل مذيع او مذيعة تلفزيونية وافضل برنامج تليفزيونى؟ وافضل رقم وافضل فصل من فصول السنة وافضل يوم من ايام الاسبوع وافضل لون ؟


افضل ممثل انا بحب احمد السقا جداا وكريم عبد العزيز

افضل ممثله بحب منى ذكى وريهام عبد الغفور ونور وكتير انا يعنى ببحب اتفرج عليهم

افضل مطرب انا بعشق اولا مدحت صالح وكمان كاظم الساهر

بحب اسمعهم بمزاج كده لما اكون محتاجه اسمه وكمان هانى شاكر وبرضو بعض الاغانى لمحمد منير

افضل مطربه حببتى ورده واصاله ومياده الحناوى وفى الناس الجديده بحب اسمع جنات

افضل فلم هو المافيا كل افلام ناديه الجندى طبعا بنحب نتفرج عليها

وتيمور وشفيقه بحب دايما اشوفه وافلام كتير يعنى كويسه

افضل مزيع ومزيعه دعا عامر فى برنامجها الدين والحياه

افضل يوم بحب يوم الخميس نهايه الاسبوع بقا وافضل فصل فى السنه طبعا الربيع مطلقا

وافضل لون بحب كل الغوامق وع القائمه الموف والاسود




الى اي مدي تحبين حياتك وتستمتعين بها؟


الى مدى التفريط فيها لانى بجد حاسه ان مش عاوزة اعيش



احكلنا موقف مضحك حصلك او موقف محرج ؟

هو موقف وحش شويه مره كنت رايحه الجامعه وطبعا مطقما

والحياه حلوه والدنيا ربيع والجو بديع ونازله من العربيه

شبطت فت الجيبه فى الكرسي واتقطعت وبقت بقول النهار

بقى ليل

رجعت تانى للعربيه

ومابقتش عاوزة انزل


اتصلت باختى جابتلى عبايه لف وجاتنى بسرعه واتسترت

هههههههههههههههههههه

بس حرمت من ساعتها البس جيبات غير الجينز اهو حاجه تقدر ع المكروباصات

ايه اكتر حاجة بتضايقك فى الشعب المصري ونفسك تتغير ؟


اكتر شئ بيخنقنى فى الشعب المصرى انه بتاع اشاعات

ولو حصلت ان فى قطه داستها عربيه ع ماتوصل عندك تكون

فيل بزلومه هارب من حديقه الحيوان




ايه رايك فى مشاركة المرأة فى انتخابات الرئاسة ؟


المراه نصف المجتمع وطبعا حاجه كويسه

بس يعود بالنفع


زوج المستقبل .. ما هى مواصفاته ؟ وهل ممكن تتجوزي شخص مفهوش معظم الصفات دي؟

اول حاجه يكون انسان محترم بيحترم نفسه اولا بيحافظ ع شخصيه طيب وعطوف يقدر انه هيتجوز بنى ادمه ليها حقوق عليه

الشكل طبعا ع الاقل يكون مقبول وسنه مناسب ورومانسي وفى مقدمه ده كله يكون بحبه وبيحبنى

طبعا مش هتنازل ع المواصفات دى كلها فى ولا حاجه فيهم

لانهم دول اساسيات


ايه معنى الحب عندك ؟ وهل تغير الحب الان عن زمان ؟ وهل للحب طرق وادوات للوصول اليه ؟

اوبا الحب يعنى الحياه نعمه عشنها نسعد فرقنا نتالم بدور كلنا عليه

ومانعرفش انه مكتوب لينا وان قدر ومكتوب بيجى بدون حساب ولا ترتيب

من ناحيه اتغير فهو مش اتغير بس طفت عليه ظروف التطور

يعنى بقى حب يك اوى تحب الصبح واخر النهار يتبخر

لكن الحب الحقيقى بقى زى المعدن النفيس اللى وجوده بقى نادر

والاحساس بيه بيظهر بعد فقدانه لاننا من كتر مابنقابل حب مزيف مابقناش نثق فى كل المشاعر

طرق الحب مالهوش طرق ولكن هو احساس يتسلل داخل مشاعرنا فيحرك القلب بعد كده ياتى اما السمع لكليمات الحبيب

او النظره القاتله بسهم المحبين او اللمسه اللى تقرب المشاعر

كل ده بياتى بعد دخلو اللص الذكى اللى اسمه الحب فى القلوب



اذا وجتى شاب ومعجبه بيه جداا وحسه ان ده هو فتى احلامك وهو اللى بتتمنيه يكون زوج ليكى .. ممكن تتكلمى معاه يعنى تجذبية بطريقة ما ؟ ولا هتتكسفى وتسبيه يروح . ولا ايه هيكون موقفك؟


امممم احراج بقا اكيد الحب بياتى متبادل ولكن لو الطرف التانى

ماوصلهوش شعورى ومحتاج لفته اكيد هعرف اوصل لقلبه ازاى



شخص فيه كل المميزات وفقير يعنى معهوش فلوس لشقة وتجهيز وكده .. هل تتركيه وهل اهلك ممكن يوافقوا عليه لو لقوه ممتاز ويقفوا جنبه .. ولا هتسبيه لحد ما يجى يخبط على بابك شخص اخر اكتر تيسيرا من الناحية المالية عن اللى قبليه ؟

والله انا عمرى ماتخيلت نفسي هتجوز واحد غنى وشقه ولا الحوارات دى انا انسانه بسيطه الاهم عندى الشخصيه
والماديات هو اللى بيصنعها مش هى اللى بتصنعه



ايه الشىء اللى ندمتى عليه ولسه بتندمى؟

ان قصرت فى حق نفسي


اكتر كلمة بتحبى تسمعيها ايه هى .. ومن مين ؟


اكتر كلمه بحب اسمعها ربنا يستر حالك وينور طريقك وبحب اسمعها طبعا من ست الحبايب ربنا يخليهالى




اجمل هدية جتلك وغالية عليكى اوي .. ايه هى ومن مين ؟


هى كانت عباره عن حلق ذهب جابهولى انسان عزيز قوى عليا

ولبسهولى بايده وكانت اخر حاجه منه قبل...


سلوك الشباب وسلوك البنات الان؟ ايه اللى مش عاجبك فى سلوكم؟

الموضوع ده مهم قوى بصراحه لا سلوب الولاد كويس ولا البنات

يعنى زودها 30,40حبايه بقو يتصرفو بمنتهى التفاهه

كترت ضعف الشخصيه

الثورة المصرية وبعد تخليه الرئيس السابق عن منصب رئيس الجمهورية .. شايفة ايه التغييرات اللى حصلت الكويسة والسيئة ؟


انا لسه كنت بعمل موضوع عن كده بس بعد ماخلتصته المتصفح الله يسامحه اتمسح كل حاجه

الاجابيات اننا عرفنا اننا لينا حقوق وكشفنا رؤس الفسادالحقيقين

وقضيناا على نظام الحكم الفاسد

لككن فى سلبيات كتير ظهرت هى كانت موجوده بس زادت جدا

من تجاره مخدرات واسلحه واثار لهمجيه فى الاسسلوب والقاء مخلفات وعدم مسؤليه وتصرع واراء مختلفه بقى الشعب كله فئاته بيتكلم فى السياسه

كل اللى معاه كلمه بيقولها والتانى يصدق عليه يعنى بقينا سلطه بمعنى اصح

الرئيس الجديد حاسه انه مافيش رئس هيعمر فى مصر

يعنى كل كام شهر هنسمع عن رئيس استقال زى رئيس الوزراء

الشعب فاكر ان اللى اتبنى فى 30 سنه فاتحه هيصلحه فى السنه وحده

يعنى يزودو مرتبات ومعاشات ويلغو قانون ويشغلو الشباب

فاكرين ان الحكومه مصباح علا الدين فركوه ويطلع المارد الجبار

يلا ربنا يعدى الايام الجايه ع خير


ماذا تعنى الكلمات الاتية ليكي


الام

الحبيبه وروح القلب

الاب

الامان ربنا يحفظه

الاخ والاخت

الأنس

الاصدقاء

....... يعنى بنحتاج حد نفضفض معه
مصــــــــــــــر

وطنى وبيتى الكبير والحض الدافئ

الحيـــــــــاة


مجرد محطه لرحله طويله


الدين

اصلى وزاتى بدون دينى فانا بلا زات ولا اصل


الظلم

احساس جبار يخترق النفوس فيقتلها


الحرية

امل بنموت علشان نحققه وانه اهم حاجه فى حيات الانسان



السكون

حالى وصفتى اعشقه فى حزنى وارغب فيه فى سعادتى


الليل

رفيقى فى الحياه انا بحب الليل اكتر من النهار


الكذب

افه تعشش فى قلوب البشر حتى تكبر فتغطى عليه



الخيانة

اصعب من القتل فامقتول يموت مره اما اللى بيعيش الخيانه فبيموت الف مره



النسيان

باب نلجا له لما تزيد همومنا


المنتدي
ضرت اهلى لان طول مانا فاضيه قاعده عليه وده حاجه بدايقهم ماعرفش ليه انا بحب اكون فى المكان اللى بحبه وانا بحب بنات مصر بكل مافيه


هل تؤدين شعائرك الدينية كما يجب ام مقصرة ؟ ماهى الاسباب؟


الكمال لله وحد اكيد فى حاجات بقصر فيها

الاسباب اوقات الشيطان له دور فى نفوس كل واحد


كيف تعبرين عن غضب ؟ بالدموع او بشىء اخر؟

انا بصراحه لما بغضب اولا بحب اكسر اى حاجه قدامى ودى عاده سيئه جدا فيا

وبعد كده بنفجر فى العياط بسوره هستيريه للدرجه ان ممكن

يحصلى انهيار عصبى يفضل معايا يومين تلاته متتالين يعنى

لو اتعصب جامد بفضل فتره ع مالروق




اختاري 7 اعضاء وصى كل منهم بصفى تجدينها فيه ؟ ولقبى كل واحد منهم بلقب من عندك ؟

السؤال ده محرج جدااا

لانى بحب كل الناس

وانا هختار دمعه حائره (الطيبه الرومانسيه)



والسفينه(الرقيقه)


ونودى المفعوصه ربنا يوفقها(الشقيه )

وكما بيوتى كات الطيبه

وغزاويه وافتخر (النشيطه)

وفرح


وكتير بصراحه



كلمة لصاحب الموضوع ؟ وايه رايك فى الاسئلة؟؟


كلمه لصاحب الموضوع يسلم اديه وطوله باله فى كل الاسئله دى

هى اسئله كميله وكسره ايدى ع ماخلصتها

دمت بكل ود واحترام


شكرا ليكي يا همسة الجوارح ..وسلامة ايديكي يا جميلة ههه بس لازم نطول شوية عشان نتعرف عليكى اكتر واكتر ...تحياتي