منذ /11-04-2011, 10:00 PM
|
#1 |
● اسْتثنَآئيَـۂ « من مبدعى المنتدى
| ثـآني حلقات " العصابه " ومعانا [ واد حبيب ] // السلام عليكم ورحمه الله وبركاته ::
كل سنه والاعضاء الكرام كلهم طيبين .. عيد سعيد عليكم يارب
بمناسبه عيد الاضحى المباركـ اعادهـ الله علينا بالخير واليمن والبركات .,,
ويارب تتهنوا بـ / اللحمه الضاني واللي مش ضاني :: اهي لحمه وخلاص هههههه
واللي بيحج السنادي يدعلنا بأهـ ربنا يتقبل منكم يـآرب :: ركزي يا تقى ^^
قولنا نرجع برنامج العصابه من تاني ولو فاكرين كان معانا اول حلقه دكتر سما,
وكانت في أولى أيام عيد الفطر المباركـ ^^
تخيلو لما كل عيد انزل حلقه :762::: هتتشلوا 100 %
يلا بأهـ مش مشكله ::// :biggrin: وهـــنـــــــــآ ..
كانت فكرة الموضوع اللي اتعرضت من اسبوع ..::
ثاني حلقات البرنامج ::
معانا النهاردهـ شخصيه جميله جداً .. بيعجبني فيه دماغه اللي فـ العالالي
كتاباته ماليه المنتدى كله ودلوقتي بيناظروهـ في قسم الشعر >> أعلان اهوهـ هههههههه
هنتعرف عليه أكتر من خلال اسئلة البرنامج ::
معانا ومعاكم .. بلدياتي // واد حبيب مـ الرومانسيه ـلك مميز في المجموعة الأدبية وبدون اى مقدمات ..,, نبدأ بـ الحلقه ,, فقرهـ لقطات بسيطه من مفردات حياتكـ , - [ كلمه ] تقولها لنفسكـ ..؟؟ اعمل لاخيك كما تعمل لنفسك - [ مـوقف ] صدمك ولـن تنسـاه؟!؟ هوه اول يوم وصلت فيه ****************** وشوفت الوضع هنا
لقين متغير خالص عن مصر والناس متغيره عن الناس في مصر حتي اصحابك كل واحد في حاله وفي شغله كنت متوقع غير كده خالص
وبجد انصدمت كتير اول يوم وصلت في ****************** وعلطول بفتكر اليوم ده وبنصدم بكل اللي فيه - [ جــريمــة] تتمنـــي لـــو تستطيـــع ارتكابهــــا؟!؟ اقتل كل خائن وغدار علشان ميكونش في الدنيا ولا خاينين ولا غدارين
وتكون الدنيا حلو والكل يعيش فيها بامان وسلام
بعيد عن الغدر والخيانه اللي هيه اصعب شئ في الدنيا - [ شـخــص ] تتمنــي الإنتقــام منـه ؟ اي شخص يكون كداب ويكدب علي الناس علشان مصلحته
وينسا مصلحه الاخرين ويكون اناني مش بيحب غير نفسه ده ممكن انتقم منه - [ حاجز] تتمنى وضعه للآخرين .؟؟ كل من هوه يعدي حدوده ويدخل نفسه في حياتي الخاصه بي ده لزم اعمل حاجر يكون اخر حدوده ويعديش منها
كل واحد له حياته الخاصه ولزم يعمل حاجز لها - [ ورقه ] من حياتك تود ان تحرقها ؟ احرق كل اوراق الحزن اللي فاتت وانسها واشطبها من حياتي
واعيش الايام بدون حزن وافكر في القادم - [ حلم ] لا تستطيـــع تحقيقه؟!؟ ان يسود الحب والرحمه بين المسلمين في جميع انحاء العالم
والكل يخاف علي بعضه ومنعملش فرق بين مسلم من دوله ومسلم من دوله اخري
لزم نعرف اننا كلنا مسلمين ويسود الحب بين الجميع -[ شـئ ] فقدته ولا تستطيع ردهـ .؟؟! فقده اغلي حاجه في حياتي كلها فقده حنان وعاطف الاب الله يرحمه -[ واقعه ] غيرت مجرى حياتكـ .؟؟! هوه وفات الاب هوه دي اللي غير مجري حياتي
مكنتش بعمل حساب لحاجه كان شايل عني كل حاجه
بعد وفاته كل حاجه اتغيرت بقيت انا المسئول علي كل حاجه
وحياتي كلها اتغيرت من بعده . أنت قولت " أقتل كل خاين وغدار " من شويه . . لو كنت اتعرضت للخيانه فعلا ممكن تكلمنا شويه عنها ؟! انا فعلا اتعرض لغدر مش للخيانه
لما يكون اللي بتحبها تكلمك وتقولك انت كل حياتي انتي اللي عايشه علشانك
كلام من اللي بنسمعوه ده يعني وفي الاخر يطلع كله كلام في الهواء
لما تقولي عمري ما ازعلك وفي اقرب وقت تكون هيه سبب تعبي
لما تقولي كلمه بحبك واكون سعيد بيها وفي الاخر يقولي
انا قفلت قلبي ومش بحب حد احنا في الاول وفي الاخر بشر والله يسامح الجميع . بالنسبه لـ عملكـ .. أيه رأيكـ في الاستغلال وهل انت شايف ان وجودكـ في بلاد غريبه الناس بتستغلكـ ..؟؟! ليه بتقولي عليه استغلال كل واحد عارف يشغله وبيعمله الاستغلال
لما يكون شغل واحد غيري وانا بعمله عضب عني بس ده عمره محصل معايا
انا شغلي عارفه كويس والحمد لله اغلب الموظفين اللي معايا حريم
يعني انا اللي بستغلهم في الشغل مش همه اللي يستغلوني
وكمان حسب شخصيه الشخص اللي بيتعمل مع الناس دي لزم يعمل حدود لنفسه
في اول يوم شغل علشان يعرف يتعامل مع الناس في الغربه . سمعت أنكـ نازل مصر في شهر 4 المقبل .. أيه احساسكـ وانت نازل بلدكـ اللي اتغيرت في الفترهـ، االي انت تغيبت فيها ؟؟! والله انا المفروض اكون في مصر حالا بس الامره جه غصب عني
يعني لو كنت نزلت مصر في الوقت الحالي مكنتش اعرف
انزل في شهر 4 تاني لنظام الاجازات عندنا انا اللي اجلت اجازتي لسبب فرح اخويا واختي ان شاء الله في شهر 6 القادمه
وده اللي خلاني اجلت النزول في الوقت الحالي بس بجد انا بعد الايام يوم يوم
وبستنا اليوم اللي اركب فيه الطياره وانزل مصر بجد احساس جميل جدااا
وانت في وسط اهلك واصحابك اللي محروم منهم من سنتين انت شاء الله لما انزل مصر لزم اخد الاجازه كامله يعني 6 شهور
ان شاء الله اقضيها في مصر بس ادعيلي كده شهر 4 يجي بسرعه
وبلاش تشوفي شريط الاهدءات وتقري اللي انا كتبه ههههههههه . " الغموض " ماذا تعني لكـ هذهـ الكلمه .. وليه عاوز تحط حاجز بين الناس وبين حياتكـ الشخصيه ؟! كل واحد فينا له حياته الشخصيه انا في الاول مكنتش عامل فرق
بين الحياه العامه والحياه الشخصيه لكن بيقولك اللي اتلسع من الشربه بينفع في الزبادي
انا سمعت كلام اهلي مره وخطبت اول ما سفرت يعني
ايامها كانت الامور عادي مكنتش بتكلم علشان كانت قربتي
وخفت لاهلي وقريبي يزعلو مني وفررت الخطوبه منها وبعد سنه
وانا مستحمل رزلتها وحرق دمي وانا مش قادر اتكلم علشان خاطر ولدتي قولت لا لزم اضع حد وفعلا سبت خطبتي وعملت حاجز علي حياتي الشخصيه
ممكن الاقتراب منها ابدا مهما كان الانسان ده عزيز عليه وانا اللي اختار حياتي بنفسي
والحمد لله لدلوقتي ماشي صح ويارب اكمل علي كده . " الحب " :: " التضحيه " :: " التسامح " :: ما مدى ترابط هذهـ الكلمات بـ قلب وعقل واد حبيب كلاً على حدهـ ؟! الحب شي جميل جدااا بكل ما في واللي بيحب بجد ممكن
يضحي بكل حاجه علشان خاطر حبيبيه يعني مش يكون كلام وخلاص
زي نازي بعض الناس بيقولو انا ممكن اعمل كل حاجه علشان حبيبته
وهمه في الاخر يكونو كلام وخلاص التسامح برده من اساس الحب اللي بيحب لزم يسامح حبيبته مهما غلطط
الحب من غير تضحيه وتسامح بين الاتنين ميكنش حب بس مش واحد
بس يعمل كل شي والتاني ميعملش حاجه خالص ده بقا ميكونش حب
يكون تضيع وقت علي الفاضي وربنا يهدي الجميع . النت بيمثل ايه لـ محمد ؟ ! وهل بتحاول تضيع في فراغ الغربه اللي بتحس بيها ؟! النت في الغربه هنا بيمثل كل حاجه بنسبه ليه انا ممكن اقضي اغلب الوقت علي النت
انا شغلي بيخلص الساعه 2 وبعد اتنين مفيش حاجه اعملها عير اني قاعد علي النت في وقت كتير بنسبه ليه فراغ جامد والفرغ اكتر يوم الجمعه والسبت بيكون عندي
اجازه من الشغل ويكون في فراغ جامد لزم افتح النت واقعد اعمل ايه يعني النت هنا هوه اللي بيقربنا بمصر اكتر كمان بمعني اني بكلم اهلي كل يوم
وبعرف ايه اللي بيحصل في البيت واخبار الاهلي كلهم . أعتقد أنكـ مصنف من أصحاب الرومانسيه :: أيه هو مفهموم الرومانسيه من وجهه نظركـ ؟؟! ايه مصنف من اصحاب الرومانسيه انتي شايفاني رومانسي اوي يعني ولا ايه اغلب البنات بيحبو الشاب لما يكون رومانسي ويتكلم كلام حلو في حق البنت اللي بيحبها
زي المسلسل التركي بتاع مهند كل البنات بتسمع المسلسل ده
علي الرغم اني انا احسن منه بكتير ههههههه والرومانسيه كمان بتنفع في الشغل لما يكون في بنات في الشغل بتاعك
بتخلص كل الشغل بكلمتين حلوين منك بس مش يستغل الرومانسيه دي
في الضحك علي البنات لزم يكون في حدود لرو مانسيه ولسه مكملين معانا :: ومع واد حبيب >> تـآبعونا // BrB |
|
| |