 منذ /11-11-2011, 12:32 AM
|
#1 |
| ( الحلقه الاولى ) من ( قضايا وأراء ) و ( أتجاة الشباب لعالم الانترنت )
بسم الله الرحمن الرحيم اهلا ومرحبا بكم وأولى حلقات برنامجكم قضايا وأراء حلقتنا النهاردة هتكون بعنوان ( أتجاة الشباب لعالم الانترنت ) نظام البرنامج هيبقى عبارة عن ثلاثه أراء رأئى ( morshooo ) وكمان رأئى ( فأرما ) واخيرا ( ياسميناااا ) رائينا بيعبر عن رأئينا الشخصى فقط ووجه نظرنا والمطلوب منكم طرح وجهة نظركم أيضا عشان كلنا نستفيد من القضايا الى هيتم عرضها . تعالو نشوف رأئى ( morshooo ) مع دخول الانترنت لمصر اصبح اتجأة الشباب اليه بشكل كبير جدا ويمكن اصبح الانترنت بالنسبه للشباب حاجا لا بد منها بس الجميل ان الانترنت ليه فوائد كتيرة جدا ولكن للشباب الى حابين يستفادو من وجودة كلنا عارفين ان مع وجود الانترنت اصبح كل شيىء مباح يعنى عايز تعرف خبر هتعرفه عايز تعرف اهم الاحداث هتعرفها عايز تكلم حد وتتعرف على اشخاص من جنسيات مختلفه هتعرف بس اهم من كل دا انك تستخدم الانترنت بشكل سليم ودا هيكون مفيد جدا لينا كشباب وهيقتل الفراغ الى كتير مننا بيعيشه كمان لو روحنا نشوف رائى اهلينا ايه فى موضوع اتجاهنا لعالم الانترنت هنلاقى فى اختلاف فى ارائهم فى بيقولو ان وجوهم افضل من اتجاهم لعالم اخر بسبب الفراغ وممكن يدخولو فى عالم الادمان مثلا وفى اتجاة اخر بيقول ان الانترنت غلط بسبب عدم استخدامه بشكل سليم يعنى ممكن البنت يضحك عليها من شاب وممكن شاب يتجه للمواقع المخله والاباحيه فلموضوع اصبح محير للبعض لكن فى المجمل الانترنت اصبح جزء مهم جدا لينا كشباب فأتمنى ان نستخدمه بشكل كويس ومحترم لان فى اوقات كتير جدا استخدامهم ليه بيعبر عن ثقافتهم ويمكن فى سؤال محيرنى جدا اتمنى منكم تجوبونى عليه .
تفتكرو الانترنت ممكن يساعد الشباب على ثقافات مقدرتش الدوله توصلها للشباب من
خلال الدراسه والتعليم فى المراحل المختلفه . دى وجهة نظرى وهل فعلا الانترنت ساعد الشباب على ثقافات مقدرتش الدوله تعليمها لينا والا لا . تعالو نشوف كمان رائى ( فأرما ) الشبكه العنكبوتيه اللعينه [ الانترنت ]  90% من مستخدمي الانترنت حاليا بيستخدموهـ كـ وسيله للتعارف والشات وخاصه الشباب :: قليل اوي لما تلاقي حد بيتصفح فيه عشان البحث والمعرفه وتنميه القدرات العقليه والفكريه وايضا ً العلميه .,, عدم وعي وعدم نضج الشباب بيؤدي الي الاستخدام السئ للنت يعني يحول الفراغ اللي هو عايشه لـ تفاهه وتسليه وتقضيه وقت لا ننكر ان سبب من اسباب فراغهم هم الأباء :: فيه فجوهـ كبيرهـ اوي بينهم وبين الشباب .. ودا سبب من لجوء الشاب لـ الطريق الخطأ والاستعمال السئ هذا :: سبب آخر :: هو واقعنا المرير // فمعظم الشباب بيهربوا من الواقع ومشاكلهم فيه كـ البطاله و الفقر والظلم والقهر ... الخ ؛؛ بيلجأوا لاي شئ يحسسهم بـ قيمه هما مش لاقينها في العالم اللي عايشين فيه ::
وكـ للبنات // يمكن عن نفسي انا دخلت العالم دا وانا عندي 17 سنه يعني يعتبر لسه صغيرهـ عقليا او لسه مكتملتش نضوجا , فـ دلوقتي ممكن تلاقي البنات عندها 11 سنه و 12 سنه موجودين سواء عـ السايب او عـ الفيس ,, بيتصفحوا عادي جدا يمكن دا بيخليهم يتعلموا بسرعه وقبل مننا // كتير تسمع ان البنت الفلانيه اضحكـ عليها لان حد خدعها بـ مسمى الحب وخلافه ,. بس دلوقتي بقينا نسمع عن البنات اللي بتضحكـ عالشباب  )
نـاس بتاخد حق ناس بأهـ وأخيراً .. علينا الاحتراس وأخذ الحذر من الانترنت ومما عليه أياً كان مين !! وأرجو ان يكون فيه مزيد من الرقابه من الأباء اكثر //
فعلا لازم يبقى فى حرس من التعامل مع الانترنت
تعالو كمان نشوف وجهة نظر ( ياسمينااا ) كأخصائيه اجتماعيه
عندما ظهر الانترنت هدا صراخ الاسر من الشكوي عن حال ابنائهم الذين يقضون كل
وقتهم في الشارع ومع اصدقائهم وعندما اصبح في متناول اليد لم يسمعو صوتا لابنائهم
وعندما هدا الحال وزاد الصمت واصبحت الساعات تمتد طويلا والابناء يجلسون امامه اشتد
الصراخ اكثر واكثر من الاباء والامهات ماذا يفعل الابناء طوال اليوم خلف الجهاز الخطير والمثير؟
فالانترنت له فوائد كما له اضرار مثل اي شئ
ومن اضرار الانترنت :
اقامة علاقه عاطفيه بين الشاب والفتاه حيث يقوم الشاب والفتاه بالمحادثه عن طريق الشات
وهذا له اضراره التي تؤثر عليهم وتكبر العلاقه لفتح مجالات اخري بينهم وكذلك المواقع
الاباحيه والحل يكمن في ان يكون لدي الشاب والفتاه الوازع الديني والاخلاقي مما يمنعهم
من مشاهدة هذه البرامج التي تضر باخلاق وقيم الانسان
وكذلك توجد مواقع لترويج افكار ضاله وهدامه وهو ما يؤدي الي انحرافات فكريه للشباب
ممن لا يملكون فكرا وثقافه ويجب التاكيد علي ضرورة الاستفاده من الانترنت في الاشياء المفيده
ينبغي وجود توجيه ورقابه للشباب والفتيات بسبب انتشار الانترنت والرقابه الشديده تؤدي
الي العكس تماما فالشئ اذا زاد عن حده انقلب الي ضده حيث ان بعض الاهالي يرفضون فتح
النت نهائيا في البيت مما يجعل الشاب او الفتاه يلجا لاكثر من وسيله لفتح النت والدخول لما هو مفيد وما هو غير مفيد
فقدان التوافق الاجتماعي وذلك نتيجة جلوس الشاب او الفتاه لفتره طويله امام الانترنت
فيقل تفاعلهم مع المحيطين بهم ولذلك يجب مراعاة القيام بواجباتنا نحو الاخرين
اخيرا دى كانت حلقتنا النهاردة اتمنى رائينا يكون نال اعجابكم
وقدرنا نفتح مجال قدامكم عشان تكلمو وتقولولنا رائيكم انتم كمان
انتظرونا قريبا والحلقه الثانيه من
قضايا وأراء
تحياتى 
|
|
| |