السلام عليكم ورحمة الله وبركاته
ازي الجميع يا رب بخير دايما
والنبي عشان خاطري امي الغالية
مش عايز اشوف ردود ملهاش علاقة بالموضوع
ولو انت حسيت انك مش فاهم فكرة التوبيك
ادخل التلات توبيكات دول وان شاء الله تفهموا
التوبيك رقم 1 -
التوبيك رقم 2 -
التوبيك رقم 3 ملاحظة:
ملحوظة مهمة : البروجرام ليس كوميدي ولكن يستخدم طريقة مبسطة للوصول للمطلوب في النهاية.
وملحوظة تانية مهمة بردو : جميع التوبيكات والرسايل المقتبسة والالقاب والمناصب
في جميع الحلقات من خيالي لا اكثر وليس لها اي صلة بارض الواقع.
طبعا بعتذر عن تأخيري ف تنزيل الحلقة الجديدة لكن الامتحانات بأه ادعولي
سيبكوا شوية من حكاية التوبيكات المقتبسة دي بقت رخمة
هنشوف مع بعضينا جميع
طبقات المجتمع المنتدياوي
وهندعم الموضوع ببعض الرسايل والردود
اول ما بندخل بنكون اعضاء بالاخضر
NoName
((ع فكرة ده كان اسمي زمان بعدين محمود سرقه مني))
وادي رسالة زوار مبعوتة ليا من عضو بعد ما حاولت اتعرف عليه
| اقتباس | | | | | | | | |
وعليكم السلام
ازيك يا برنس
انا تمام الحمدلله
نورت المنتدى ولو عايز اي خدمة هتلاقيني موجود | | | | | |
بعدين بنبقى عضو سوبر بالاخضر الغامق
A 7 m e d
((ده بردو كان اسمي زمان بس محدش سرقوه مني))
وده رد على احد مواضيعي ايامها
| اقتباس | | | | | | | | |
الله الله عليك يا ابوحميد
موضوع جامد جدا يا صاحبي مستقبلك حافل ف المنتدى يا برنس
ربنا يتوالك يا صاحبي
تحياتى | | | | | |
طبعا الواحد يكبر بعديها بأه ويعمل صداقات والنظام ده
ويعمله مشكلتين مع الادارة هوووب يلاقي نفسه اتحظر رمادي يا فالح
A 7 m e d
في الفترة دي
ولا حد بيعبرك ولا كانك بني ادم ف المنتدى اساسا
بعد ما ترجع تاني وشوية مجهود وتمشي جنب الحيط
طبعا ما انت خدت على دماغك بأه بالبرتقالي يا اورانج
A 7 m e d
تلاقي واحد باعتلك رسالة خاصة بيقولك
| اقتباس | | | | | | | | |
ايوة يا عم المميز يا عم جتلنا ف حظنا الهباب
وصورة الملف الشخصي وصندوق الرسايل ابو 50
..... إلخ إلخ الخ يا ريتني كنت احمد يا ريتني كنت احمد | | | | | |
اه يا ابن ال ..... لسعني عين ايه ظبطني
المهم يعني في ناس بيختصروا يعني وبياخدوها ع الازرق عدل
A 7 m e d - SnipeR
هنا بأه تبدا تستلم بجد هنديك عينة بسيطة على شكل رسالة
| اقتباس | | | | | | | | |
هاي
ازيك يا احمد عامل ايه
يا رب بخير
طبعا حضرتك مشرف قد الدنيا
انا كان عندي ف قسمك موضوع تعبت فيه جامد واللهي
يا ريت لو حضرتك يعني تثبتهولي عشان انا تعبت فيه جدا | | | | | |
بعد الجهد ف القسم وتعب نتكرم اخيرا ونحطلكوا لون بمبي
SilveR SnipeR
وبردو بتفضل نفس الرسايل وناخد كمان عينة كدا
| اقتباس | | | | | | | | | احمد باشا
ازيك يا صديقي
بقولك يا صاحبي بخصوص المسابقة اللى ف قسمك
انا عملت تلات مواضيع مش زي باقي الاعضاء
اعتقد استحق المركز الاول بأه مفهاش كلام ولا حضرتك رايك ايه يا باشا | | | | | |
وبعد وجع قلب وردود هنا ومشاركات هنا وحذف هنا
يقولك الواد ده بأه برنس نخليه مراقب ويدهنوك موف
SilveR SnipeR
الوضع هنا بيبقى على كبير شوية شوية كتيرة يعني
| اقتباس | | | | | | | | |
احمد احنا صحاب من زمان
مبقتش تسأل عليا يعني
مش عيب عليك يا راجل كدا
هانت عليك العشرة
احنا طبعا مفيش بينا حرج يا صاحبي
الواد اللى اسمه ابراهيم ده بيقل ادبه عليا
اتصرف معاه يا صاحبي تنبيه حظر ايه حاجة من دول | | | | | |
وانت طالع عين ابوك وتحذف هنا وتطلع هنا
وتعمل هنا لغاية ما تحس انك خلاص بتفرفر
ويجي الخبر السار اعدام يا معلم
SilveR SnipeR
طبعا انا مش هجيب عينات من الرسايل اللى بتيجي للإدارة
لأننا مش هنخلص ولو بعد
مية سنة
وف الاخر تتركن على جنب شوية يا لبني
SilveR SnipeR
الفترة دي متفرقش اي حاجة بأه عن
الحظر
سواء بتدخل او لاء نفس الوضع
ندخل ف زبدة الموضوع بأه
طبعا مش كل الناس كدا انما
فئة قليلة جدا
لو عملنا مقارنة بين كل مرحلة من المراحل دي
هتلاقي ان كله بيدور ع
المصلحة وبس
هي الحياة كدا كل ما تكبر فيها ومنصبك يكبر
الناس بيتلموا عليك اكتر بس مش بيتلموا حبا فيك
لأ خااااالص بيتلموا عشان
مصالحتهم معاك انت
الموضوع عامل شبه
الشمعة اول ما تنور ف الضلمة
بيتجمع عليها كل اصناف الحشرات لا بتقدر تبعدهم ولا بتقدر تهشهم
واول ما ينطفى نورها بيجروا يدوروا على الشمعة اللى بعديها
وقالها علي ابن ابي طالب في قصيدته :-
يعطيك من طرف اللسان حلاوة * * * ويروغ منك كما يروغ
الثعلب
خلاصة الموضوع يعني عشان طولت
دور على اللى بيحبك وحافظ عليه هو ده اللى هيكمل الطريق معاك من اوله لاخر
تحياتى