اولا : مساء الخيرات على كل بنات مصر الصاحيات منهن والنايمات
ثانيا : انا مبسوطة جدا ان دعوة العصيان والاضراب والكلام البطيخ دا فشلت مع مرتبة الشرف ... ولا عزاء لحزب شعللها ولعها
وربنا يستر ف اللى جاى ويكون اللى جاى احلى
على راى نجم الجيل وكل الاجيال تيموس
ثالثا : مش دا موضوعى 
انا برغى كتير ولا حاجة ؟؟؟؟؟؟؟؟ نخووووووش ف الموضوع 
بلاحظ وانا ماشية ف الشارع ان محدش بيحترم الشارع !!!!!!!
ليه يا جماعة معندناش اتيكيت معاملة الشارع ؟؟؟؟؟؟؟؟؟؟
واحدة لطيفة ولذيذة كدا هتطلع تدينى ف وشى وتقولى يعنى احنا خلاص يا ست الرايقة
خلصنا اللى ورانا ومش فاضلنا الا معاملة الشارع ؟؟؟؟؟؟؟
اقولها ايوة يا ست اللطيفة ... لو بدأنا من نفسنا ف كل حاجة هتلاقى الدنيا اتغيرت
صدقينى
و بطلى رغى بقى عشان اتكلم
بمعنى انى بلاقى مثلا الحيطان مشوهة ومكتوب عليها كلام كتير
وملزوق عليها اعلانات ملهاش لزمة
الحيطة تلاقيها مرقعة من كتر الالوان اللى عليها
ايشى احمر واخضر وازرق
دا غير الناس نفسها ...... الناس مبيحترموش الشارع يا جماعة
مبيحترموش الشارع ...
امال عايزين البلد تنضف ازاى
وكل واحد ماشى لامؤاخذة يتف وي.
ف حين ان الملايين شايفاه والبيبي متذاع ع ال
وانا واقفة النهاردة الصبح مستنية عربية الاسعاف ... يوووووه قصدى عربية اركبها
انا بقف قريبة من محطة اتوبيس
فبيقف كتير اتوبيسات وميكروباصات تنزل ناس وتركب ناس
ايه بقى ......
كل اللى ينزل من الاتوبيس يتف ع الارض !!!!!!!!
زى ما يكون عليهم ندر ف الحتة دى
اللى ينزل يتف عليها ههههههههههههههههههههههههههه:079:
طبعا المكان المحيط بالمحطة .... حدث ولا حرج مقلب زبالة دا غير ريحته واللوح المرسومة على الحيطة 
نركب بقى مواصلات اركبى اى اتوبيس مينى باص ميكروباص حتى ... هتلاقى ايه ؟؟؟؟؟؟؟؟ هتلاقى الكنب متقطع والسفنج باظظ برة زى ما يكون كان مزنوق ومصدق بظ طبعا دا واحد فاضى مشواره طويل شوية فقاعد بيسلى نفسه طول الطريق بتقطيع الكرسى :biggrin:
وهتلاقى ضهر الكرسى اللى قدامك مكتوب عليه ارقام تليفونات احمد 0122222222 اللى عايزنى يكلمنى 0111111111 انا ف الخدمة 01200000000 وحاجات شبه كدا كتير اوى ازاى عايزين البلد تنضف يا جماعة واكوام لامؤاخذة الزبالة على ناصية كل شارع ؟؟؟؟؟ وبيبى الحمرة والحصنة ف كل حتة مخلى ريحة الشوارع تئرف العفريت ليه كدا ؟؟؟؟؟ فاكرين مسلسل سنبل لما عمل بامبرز للحمير والحصنة بصراحة الفكرة روعة ... ليه محدش عملها من رجال الاعمال اللى ماليين البلد بدل مصانع اللبان والعسلية !!!!!!!!!!!!!!!!! وتبقى ماشية ف الشارع بتنطى حواجز وتقفزى فوق البيبى مرة وفوق المية والطينة مرة رياضة بردو ....
خلاصة الموضوع يا جماعة عشان انتو رغايين اوى
ليه مبنحترمش الشارع والمواصلات اللى بنركبها
مش دى حاجتنا ومعمولة لينا .. بفلوسنا
طبعا الكلام مش لينا احنا .. كإحنا
للناس اللى معندهاش اتيكيت الشارع والمواصلات
يا جماعة كل حاجة ف حياتنا لازم لها اتيكيت معاملة
صدقونى والله والله لو عملنا كدا هنبقى احسن بلد ف الدنيا
وهتبقى مصر فعلا ام الدنيا
والكلام ده مبيحصلش ف مصر بس طبعا يعني ده بيحصل للدول العربيه كلها
انا عاجبنى اوى البطتين دول ههههههههههههههههههههههه
اتمنى مكونش طولت عليكو النهاردة