[a7med -3del]

السلام عليكم ورحمة الله وبركاته اولا احب ارحب بكل الاعضاء انا يمكن اول مرة ادخل القسم هنا ودى من المرات القليلة اللى اسيب قسم الشعر بس حبيت اطرح فكرة جديدة واللى حابب يشارك هاحكى عن موقف اتعرضتله من فترة قريبة واللى حابب يشاركنى يمكن نتعلم من مواقف بتحصلنا وانا هابدا لانه كان من اصعب المواقف اللى مريت بيها ف البداية انا خطبت يوم 16/12/2011 والموقف ده حصلى تقريبا بعدها باسبوع بالظبط خطيبتى من المنصورة وانا من القاهرة طبعا بسافر بالطريق الزراعى روحت باالنهار وكانت اول زيارة ليا بعد الخطوبة . كنت رايح اجيب الالبوم بتاع فرحنا والصور ااتحركت من هناك على الساعة 9 وكنت على الطريق الدائرى 11 وشوية طلعت الكوبرى الدائرى وكان الجو سقعة جدا اليوم ده وهادى . لاقيت ناس مستنية تركب لاقيت اتوبيس وانا مش بحب اركب اى اتوبيس فوقفت فى السقعة والناس كلها ركبت ويارتنى اتنيلت ركبت . المهم بقيت لوحدى لاقيت ميكروباص فقولتله موقف العاشر قالى اركب المنظر العام للميكروباص .. واحد فى اخر كرسى ورا وواحد جمب السواق وواحد ورا السواق وانا فى نص العربية .. ركب معانا رجل كبير فى السن وشابين من سنى شوية وواحد نزل وبقينا احنا كده .. طلعت الموبايل قولت اطمن خطيبتى انى وصلت بصيت لاقيت ايد على موبايلى برفع عينى لفوق لاقيت مسدس فى دماغى واللى جمب السواق مسدس واللى ورايا فتح مطوة بصراحة كانت مفاجاءة ههههههههههههههههه انا معرفش احساسى ساعتها ايه يمكن خوفت ومخفتش انا بس مبهور وجايلى حالة صدمة وحتى معرفتش اميز احساسى ساعتها لانى متعودتش اشوف فى مصر الكلام ده المهم اللى ورايا ضرب اللى جمبه بمطوة شاب زى ويمكن احسن منى بس للاسف مفيش فيهم حد بيميز ولا بيرحم حد . كانت اول كلمة طلعو كل اللى معاكو ياولاد التييت وطبعا شتمونا اضايقت حبيت اتكلم قالى كلمة زيادة وهافرغ ده فى دماغك انا بينى وبينكو والله عمرى مامسكت مسدس ولا حتى اعرف تفاصيله بس اللى عرفته انه تقيل لانى اتضربت بيه على ايدى المهم قولت لنفسى اسكت احسن .. طلعت سجايرى والولاعة وقدرت ادارى فلوس اروح بيها لفت انتباهى اوى اوى اوى كلمة قالها الراجل العجوز .. قاله يابنى والله العظيم انا مستلف الخمسين جنيه دى حرام عليك .. بجد صعبت عليا نفسى اوى واكون ضعيف كده حمدت ربنا انى نزلت سليم والكتر كمان انه انا عامل البوم للصور فرحى كان عايز ياخدو منى يبيعو . بيقولى البتاع ده يجيب فلوس قولتله والله انتا ادرى بالمرة اهو وتبقى كملت .. بصلى كده وقالى انتا يالا اقلع الحزام ... ضحكت قولتله اللى تشوفه .. كل ده وسواق الميكروباص ماشى واحدة واحدة المهم نزلونا فى حتة ضلمة جدا .. واخر كلمة سمعتها من السواق واحنا نازلين والله العظيم ياجدعان العربية مش بتاعتى طبعا الراجل الكبير نزل كمين فى منطقة المرج وكلام كده انا مرضتش اطول وكنت متاخر وطبعا الموبايل اتسرق حبيت اطمن اهلى بس لانى اصلا جاى تعبان ومرهق من الطريق بعد كل اللى حصل ده اكتر حاجة شغلتنى بجد خوفى على البلد دى اوى وكانت اول مرة احس فعلا انى مصر بتنهار ربنا ينجى مصر يارب اتمنى المشاركة من الجميع تحياتى a7med 3del