[Sofey]

ازيكم جميعاوجمعه مباركه
طبعاً استغربتوا من العنوان ايه العروسة اللى بالعسل دى عروسة المولد ولا ايه ؟ ههههههههههههههههههه


لأ مش عروسة المولد يابنوته انتى وهى

انا قصدى عروسة بنى آدمة عاديه زينا :1eye:


بس لاحظت أوى فى الفترة الأخيرة ان كل ما واحد ييجى يطلب عروسة

يقولك عايزها جميلة


يعنى تكون بيضا وياريت عنيها ملونة بس لو عسلى مش مشكلة هههههههههههههههه
ويكون شعرها طويل وناعم ويا حبذا لو كان أصفر وياه بقا لو كان شعرها مكس بالالوان العديده:biggrin:


فلقيت اللى ناقص انه يختار العروسة بالنكهة اللى بيحبها والله بالعسل ماشى بالسكر ماشى

لو مالوش فى الحلويات ممكن يطلبها بالملح مملحة يعنى ههههههههههههههههههههه
طيب ما تروح تفصلك واحده عند الخياطة أحسن :198:


الموضوع غايظنى جداااااااااااااااااااااااااااااا كأن يا عينى اللى مفيهاش المواصفات دى

هتبقى حوله أو عمشة و لونها اسود مزرق وشعرها شايط على النار :biggrin:

؟؟؟؟؟؟؟؟؟؟ يقولك عايزها جميلة قال


**************

هو طبعاً فى واحد بيبقى عايز واحده كده اعتقاداً ان مراته لو مش حلوة أوى يقولك بقى هبص لبره
والكلام الفارغ ده قال يعنى عايز يغض البصر :198:


ماشى يا سيدى


بس بجد يا بنات ايه رأيكم فى الموضوع انا عن نفسى مش بيعجبنى خالص

أينعم من زماااااااااااااااان جداً والجمال إلى حد ما بيكون ليه عامل فى أوقات كتير فى زواج البنت

لكن الرسول صلى الله عليه وسلم قال فى زواج المرأة :

والحديث عن أبي هريرة رضي الله عنه عن النبي صلى الله عليه وسلم قال :

"تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك". رواه البخارى ومسلم


ولما حدد مواصفات الزوج الصالح قال :

" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذى وغيره


****************

نفسى أوى لما اسأل واحد عايز العروسة مواصفاتها ايه

يقولى " تكون مؤمنة وبتتقى ربنا " زى مال الرسول عليه الصلاة والسلام قال : " فاظفر بذات الدين تربت يداك "


ولما اسأل واحده عايزه عريسك مواصفاته ايه

تقولى " يكون متدين وخُلقه جميل " زى ما الرسول عليه الصلاة والسلام قال : " من ترضون دينه وخُلقه "


*******************

يلا ربنا يصلح حال كل المسلمين والمسلمات ويرزقهم جميعاً الأزواج والزوجات الصالحين


متنسوش بقى لو واحده لاقتلى عريس بالسكر تبعتهولى على الخاص هههههههههههههههههههه


كل واحده تقولى رأيها فى الكلام ده ؟؟؟؟؟