[jasmean]

عن انواع الاستنلس لكويسه التركى ولا المصرى ولا ولالالالالالا ..................

وطبعا كلنا بنعمل الأختبار الشهير بتاع المغناطيس يأما في المحل ياأما في

البيت بعد ما بنشترى

ونتخض جامد لو المغناطيس لزقونكون اتدبسنا خلاص في الحاجة



وانا من الناس اللى كنت باخدها بعقلى كدة واقول دة اسمة
stainless steel
بقي بديهى ينجذب للمغناطيس عادى يعنى

بس حبيت أتأكد من المعلومات دى وأغيرها كمان لو غلط

دورررررررررررررت في كل مكان على الانترنت

وسألت كمان ناس أعرفها لحد ما جبت القرااااااااار

بس قبل ما أتكلم ياريت التقييم بعد أزنك

لانى تعبت اوووووووى فيه أسأله ولف عالنت وترجمة لما دماغى ورمت


ميرسي خااالص يا قمر اهو كدة




المهم نرجع لموضوعنا معلش استحملونى الموضوع كبير

طبعا كلنا بنجيب الاستانلس لأنه أصح بكتير من الألومنيوم ومش بيتفاعل مع
الاحماض الموجودة في الأكل

وبالتالى بيكون أقل خطورة على الصحة في الاستعمال على المدى الطويل.............

ودى تجميع للأسئلة اللى بتدور في عقل كتير مننا لما نحب نجيب الاستانلس والأجابة عليها



هو اصلا ايه الاستانلس يا لى لى ؟؟؟



الاستانلس عبارة عن حديد ومخلوط علية

نيكل , كروم , ميلوبيديوم , تيتانيوم , الومنيوم ,كربون
و نسبة الحديد في الخليط دة بتصل الى 50%

كل دة طبعا بنسب مختلفة على حسب وظيفة كل عنصر وبيتجمعوا في الاخر ويكونوا الحديد الغير
قابل للصدأ
اللى بيستخدم في حجات كتير جدااااا ومنها طبعا اوانى الطهى وادوات المائدة



طيب ليه الكل بيدور على الاستانلس المكتوب عليه 18على 10 والرقم دة يعنى ايه

وهو أصلا في انواع تانيه غيرة؟؟


طبعا في انواع تانية وأحسن نوع مستخدم هو الـ 18 على 8 أو على 10 ( 18 / 10 , 18 /8 )

والرقم دة بيكون نسبة الكروم للنيكل في المعدن

والنسبة النيكل دى نسبة أمنه في الأستخدام جداا

وكل ما نسبة النيكل تقل كل ما يكون نسبة صدأ الحديد أكتر وكل ما نسبة النيكل تزيد كل ما تديلة لمعان أكتر

و في 18 على 0 ودة مفيهوش نيكل خالص بتكون نسبة الصدأ فيه أكتر واوقات بيحطوة على الاوانى
من الخارج فقطططططططط لضمان توزيع حرارة أفضل

وفي استانلس استيل 200 ودى بردو بتكون قابلة للتفاعل والصدأ بس الشائع هنا في الاسواق هو النوعين الاولانيين ودول أحسن حاجة

يبقي لازم قبل ما تجيبى الاستانلس تدورى على اى من الارقام دى ( 18 / 10 , 18 /8 )

طالما لقيتى الارقام دى كدة يبقى ميه ميه هاتية وانتى مغمضة



طيب ايه حكاية اختبار المغناطيس دماغنا وجعتنا من الموضوع دة ؟؟؟


هقولك يا ستى بالراحة كدة الاوانى الأستانلس ممكن ينجذب للمغناطيس عااااادى بسسسسسسسسسسس حددى انجذب من أى جزء بالظبط
القاعدة ولا الأجناب ولا الخارج ولا الداخل ولا كله؟؟

في انواع حلل بما ان الاستانلس مش بيوزع الحرارة بالتساوى فبيحطوا معاه في القاعدة فقط الومنيوم ونحاس من الخارج لضمان توزيع عادل للحرارة
فبنلاقي القاعدة من الخارج هيه اللى بتنجذب للمغناطيس بشدة وتأثيرها ممكن يوصل لأن المغناطيس بينجذب من الداخل بس مش بنفس قوه الأنجذاب من الخارج ( ودة يبقي تمام)


وانواع نلاقي المغناطيس بينجذب لكل الاجناب والقاعدة بس من الخارج فقطططط أو مطلى
بالنحاس والالومنيوم من الخارج بردو لكل الاجناب هينجذب للمغناطيس وبردو امن جدا

أو بيكون مطلى ب 18 على 0 من الخارج فقطط فابلتالى بينجذب للمغاطيس( ودة يبقي تمام بردو
بس لونه هيتغير شوية بعد فترة)


وانواع نلاقي بينجذب من الداخل والخارج والاجناب ( يبقي دة نوع اكيد اكيد مش كويس وهيصدى
بعد فترة لانة مفيهوش نسبة نيكل كافية لمنع صدأ الحديد)

انا جربت نوع تركى اسمة كوين وجربت كمان الكروكماز والاتنين بينجذبوا من القاعدة فقط من الخارج

اهم حاجة مينجذبش من الداخل تمام التمام ؟؟؟؟؟ اووووووووك





طيب ايه هيه بقي الحجات اللى يجب مراعاتها عند اول استخدام للأستانلس والاستخدام الدائم

1- عند اول استخدام يجب غلى ماء به ملعقة من الخل داخل الوعاء للتخلص من المواد الناتجة عن الصناعه
2- قبل البدأ في الطبخ يجب تسخين الوعاء على حرارة منخفضة لمدة دقيقة أو دقيقتين قبل ،
3-التأكد من إضافة الزبدة أو الزيت للحفاظ على الطعام من الالتصاق.
3- يجب الطهى على حرارة متوسطة مش عالية علشان الأكل ما يتحرقش
4- لما نيجى نحط ملح على الأكل نستنى لما الماية تغلى او الاكل يغلى علشان ميسببش بقع في الوعاء
5- بالرغم من ان مصنعون الاوانى بيقولوا انه عادى ممكن يتحط في غساله الاطباق بس يفضل انك تغسلية بالطريقة العادية حفاظا علية
6- لو في أكل لازق أغلى شويه ماية في الاناء وبعدين بأستخدام ملعقة خشب أو بلاستيك ازيلى الأكل وهيطلع بسهوله

يارب يكون الموضوع كدة اتفهم وبقي سهل علينا

اى أسأله يا قمرات انا في الخدمة

توضيح يا بنوتات انا جربت انواع تركى لكن ميمنعش ان زهران وانواع تانية

كتير مصرى اكيد كويسة بس حبيت اوضح الموضوع عامة لأن ناس كتير

كانت بتبقي خايفة

وخصوصا من اختبار المغناطيس

ودي شويه نصاءح
*وانتى بتشترى الاستانلس الثقيل أحسن من الخفيف

*وانتى بتختارى لازم تشوفي القاعدة بتاعة الوعاء الأفضل انها تكون الى حد

ما تصميمها منفصل عن باقي جسم الوعاء

*و ان سمكها ميقلش من 3 ألى 5 ملى لان دى بتوزع الحرارة بفاعلية أكتر

*وكل ما تكون القاعدة اتخن كل ما يكون أحسن بالنسبة لتوزيع الحرارة

*استخدمى معه ملاعق خشبية أو بلاستيكية لتقليب وغرف الاكل

*في معلومة كمان عرفتها

عارفين لو بصيتو في قعر الحلة من جوة وبرة هتلاقي دواير دواير جوة بعضها
كتييييييييييير

دى مهمة بردو وبتساعد كتير في توزيع الحرارة

في رعاية الله