[YOo YA]

السلام عليكم ورحمة الله وبركاته أنـــ ونفسك ــت أنـــ و الناس ـــت برنامج جديدمعاكم هيبقي احلي اكيد معانا عضو مجتهد booody99 منورنا عبد الله نبدأ كدة ونقول عرفنا بنفسك عبد الله رسام الأبتسامة(^_^) ............................ انت اخ معانا يعني من 2012 ممكن تعرفنا طباعك من خلال بعض الاسئلهك 1-طباع تحبها فيك الثقة في الغير 2- طباع لا تحبها فيك ممكن السرعة أو إلى حد ما التهور 3-طباع تريد تغيريها فيك الغموض أو أني مش أجتماعي إلى حد ما 4- طباع يحبها الناس فيك مش عارف والله الحكم للأعضاء 5-طباع تري ان هنالك من يريدك ان تغيرها ممكن الغموض وأني مش أجتماعي للدرجة بس مش عارف هل أنا كده ولا لا .................................... الناس آراء هل يهتم عبد الله بآراء الناس أو بمعني اصح هل تستمع لما يقوله لك الناس؟ جداً بهتم بالنقد البناء لأن الناس هم المراية بتاعتي واكيد هيفيدوني وآرائهم مهمة بالنسبالي إلا الي هي بتهدم وبتحبط فدي الواحد أتعود عليها ومش بيهتم بيها ...................................... هنالك مواقف كثيرة تحصل مع غيرنا هل استفدت من موقف ما حصل لاحد الناس واذ كان نعم ما هو !! آه والناجح هو الي يستفيد من مواقف غيره ................................ فقرتنا دي بعنوان ماذا أفعل: اذا رأيت شخصا كئيب بصراحة ممكن ألتمسله العذر لأن أيامنا دي كتير الحجات الي تخليك مكتئب ولكن الي بيحب ربنا هيعرف الفرق حتى لو بسيط في فرق بجد لكن الناس كلها بتشوف الجرح لكن متعرفش مقدار الألم هل عبد الله ممن يتقنون فن الحوار والتفاهم واصلاح المشاكل ام لا... إلى حد ما بحاول أكون كده والحمدلله بتعلم من الجميع ............................. عبد الله منورنا والله بنورك ونور الاعضاء هنالك اشخاص يستطيعون مساعدة الغير واصلاح مشاكلهم "زي خبتي كدة" ومش بيقدروا يحلوا مشاكل نفسهم هل عبد الله من الاشخاص دي! بصراحة بنسبة 60% لأن أنا مع أن الإنسان مش بيشوف عيوبه لازم يكون في حد مراية له وينصحه بعيوبه ................................ عبد الله هو هو اجتماعي ام لا! هههههههههه والله أنا عايز أعرف منكم لكن أنا شايف أن انا مش للدرجة لأني بخاف أفرض نفسي على حد وأكون تقيل عليه وبعد كده يحصل مشاكل" يا عم خليك رخم زيي كدة شوف واتعلم هههههه" ............................... هل تري ان الناس ربما يغيرون طباع الانسان ! آه اكيد ليهم أثر كبير .............................. في منتدانا .............. ممكن تعرفنا ايه العضو/ة اللي اعجبت بشخصيتهم جدا مش هقدر أقول عضو معين لأنهم كلهم حبايبي وكلهم بتعلم منهم وكلهم له نكهة خاصة .................................. ايه الصفات اللي حبيتها في المنتدي عامتا! روح المحبة والترابط والتشجيع ........................................ وايه اللي مش حبيبتها ممكن المجاملات والتغاضي عن مخالفات متكررة ..................................... اوك كدة بقي فقرة خارج موضوعنا(أنا فقط) عبد الله ما شاء الله من الاعضاء اللي سجلوا 2012 وبقيت مشرف عالقسم العام بالصلاة عالنبي "أنا مش بحسد انا بقر بس" ممكن نعرف ايه العوامل اللي ساعدت علي كدة ههههههههههه الله الله ربنا يستر بمعني اصح دردش شوي والله شوفي كله بفضل ربنا أولاً وأخيراً فالحمدلله وأنا على فكرة القسم العام ده هو القسم الي أنا كبرت فيه عشان كده حبيته بجد ويمكن أول موضوع عملته جالي فيه 20 تعليق فبصراحة أتشجعت لأني أصلاً مش كنت بحب فكرة المنتديات خالص ولكن بصراحة مع المنتدى ده كانت نظرتي غير فعلاً ومن لا يشكر الناس لا يشكر الله فأنا بردو في ناس ساعدتني وشاجعتني وربنا يحفظهم يارب"آميــن" ........................................ يقول البعض الحياة الوان ما هو اللون السائد في حياة عبد الله ولماذا هذا اللون بالزات ممكن اللون الفضي لأن الدنيا ساعات حلوه وساعات مره !.. ................... الان مع ختام حلقتنا وبما انك اول عضو أستضيفة معايا عايزين منك شويه اجابات كدة هههههههههههههههه 1- ما رايك في فكرة البرنامج والله هي فكرة جميلة وإن شاء الله تطور وتبقى أجمد 2- هل يليق عنوان موضوعنا مع الموضوع من الاساس أتوقع آه جميلة ولايقة 3- هل هناك اسئله تريد اضافتها او حذفها من البرنامج ممكن الأسئلة الي الواحد بيتكلم فيها عن نفسه بالمدح بتبقى صعبة شوية 4- هل استمر في هذا البرنامج ام لا هههههههه لا بجد فكرة روعه واستمررررررررررررري وبجد نورتناااا يا عبد الله بجد والله بنورك وبنور كل الي شاركونا وشرفونا