[أجمل سعوديه]

❤

*لاتفرضين رأيك على الاخرين دائما بل اقنعيهم*



دائما نفتكر ان احنا احسن ناس وارائنا وذوقنا هو الاحسن والافضل والاحلى وكل شي
ولكن في وجهة نظر المجتمع تختلف في الي يعجبه رأينا وفي الي لا !
لكن تعالو قنعونا ان رأينا مو حلو او ذوقنا سيئ .. الفرق بين الاذواق ينقسم الى نوعين :
- النوع الاول : ذوق يميل الى البساطه في جميع الامور
هدفه ايفادة الناس وارضاء الناس من مميزاته يتجنب تضخيم الامور ويرضى بالواقع
وفي مجتمعنا الغالبيه يسمونهم للاسف " متخلفين عقلياً " واذا سئلنا عن السبب :
- لأنهم بسيطين .. ويحبون الناس
- النوع الثاني : ذوق يميل الى المبالغه وتضخيم الامور بـ اللغه الانجلزيه (too much)
هدفه تحطيم الناس وعدم ارضاء الجميع ومن سلبياته يقلل من شأن الاخرين
وفي مجتمعنا الغالبيه يسمونهم للاسف " ناس كشخه ومتطوره!"
هنيأ للعقول الي تظن ان هاذي الفئه متطوره بأسلوبها وبشخصيتها .. هنيئا لتفكيرهم الهابط
لما يسألنا احد عن شي ونقوله لاوالله هالشي مو كويس ومو زين وبنظره "مرره كويس بس
حاب ياخذ اراء الناس" الي ينبغي من هالشخص تقبل وجهة نظره مو يتطاوله ويرادده عشان
صار خلاف في الاذواق ! يتحول لخلاف في العلاقه ! .
وبعضهم اذا ماعجبك ذوقهم وقلتِ لهم بأسلوب متقبل بعيد عن التجريح
يقولك انتِ "مو متطوره أو متخلفه" خلوني اعطيكم مثال بسيط :
في وحده ماتترك عبأة الرأس .. مشاء الله عليها
هي الوحيده الي بهالمكان تلبس عبأه الرأس .. والي حولها يسمونها "متخلفه"
والسبب ,, لانها مو حصريه مو متطوره مو .. موو .. موو .. ..
وتوصل لمرحلة يقولون لها .. شيلي العبايه مانبيك اذا لبستيها : )
بعيداً عن الدين قد تشوف ان عبايه الرأس اجمل عباءه في نظرها
طيب هي ماطلبت رايك انتي تجين تفرضين رايك عليها وتقللين من شأنها ليه !!
بهالحاله نقدر نقول ان هالفئه هي الي "متخلفه"
دائما حلو الواحد ياخذ ويعطي في الكلام ويتقبل وجهة نظر الاخرين مو يفرض
رايه وذوقه على الكل ! قد يكون ذوقه لايتناسب مع الي حوله .
الي حوله مايميلون الى الذوق الي يميله هو نفسه ! ليه نفرض راينا على الغير ..؟
تذكري دائماً ,, الافائده قبل كل شي تشوفين ان الي انتي بتسويه مفيد .. اتكلي على الله
تروحين لفلانه وتقولين لها والله ذوقك دمار طيب ايش استفدتي ؟ غير جرحتي هالبنت
وخليتيها تاخذ بخاطرها ,, مثال ثاني ..
في الاعراس .. تجي وحده شاريه فستان من ارقى الفساتين وبسعر رخيص جداً ومبسوطه
البنت ومرتاحه الحمدلله ,, الي حولها لدرو عن السعر يجون يقولون لها انتي من اي عصر ؟
ماتو الي يشترون بهالقيمه ... ايش دخلك فيها يابنت الحلال .
هي حره تشتري غالي تشتري رخيص هي حره .. انتِ ماتملكينه كلنا ملك لله
في بعض البشر يتفكرون الي تشتري غالي وهاهاي .. أنها هي الوحيده "المتطوره"
والباقي متخلفين ..احيانا لما نتكلم مع الناس وناخذ رايهم بشي
مايعجبهم هالشي ونزعل ! طيب احنا نقدر نقنعهم ان هالشي مفيد وصالح للفرد وللمجتمع .
من غير اسلوب التجريح ومن غير اسلوب الاهانه ومن غير اسلوب تصغير الشأن
لا تظنين بأن رايك هو الافضل دائما قد لايعجب الاخرين
لا تشمأزين من اراء ومعتقدات الاخرين .. تقبلي وجهة نظر الناس .
لا تطلقي على الاشخاص بأنهم متخلفين او متطورين مهماً كانو
لا تصغري وتحتقري اذواق الاخرين ذوق عن ذوق يختلف

واخيراً ,,
القناعه كنز لايفنى

لي عوده