● اسْتثنَآئيَـۂ « من مبدعى المنتدى
|  وآد حبيـب آسمه مستفز [ قصه حيــآتي ] ..
 السلأم عليكم ورحمه الله وبــركـآته .~ آزيكم يـ أجدع نــآس ./ انـآ جايه والله ومش عارفه اودي وشي منكم فين  ) ومش عارفه ابدأ الحكـآيه من وين يعني .. بس هي هتبدي ان شاء الله :/ اسمعوا الحكـآية من الأول خالص أهو ,, انتو وراكو حـآجه >> لآء اكيد ههههههههه نقطة ومن أول السطر ..~ ________
من سـآعة مـآ اتولدت بيقولوا عليـآ غريبه  اقولكم ليه بئه .. المفروض ان اكون ولد ,, كل الفحوصات قالت كدا قبل الولادهـ وكله كـآن محضـر نفسه لـ " الولد " اللي هيشرف دا ,, ووقتهـآ بـآبـآ كان بيسـآفر بورسعيد , وقـآل يسجـل اسمي ف الصحه بدل ما يأخرني وكدا وفعلا جاب شهـآدهـ من الدكتور اللي ماما كانت بتابع عندهـ .. حتى الدكتور كان بيقوله اللي ف بطن المدام دا ولد يـ حضرت !! المهم بـآبـآ كان مسـآفر يوم 20 /7 راح سجلني ب اسم / مصطفى ! وبتاريخ 20/7 /1992 وسـآفر بئه عشـآن يشوف شغله .. وبعد 20 يوم تقـريبـآ ,, وبالتحديد يوم 13 اغسطس لقى تليفون بيقوله مبــروك جـآلك مصطفي ) ,, الكلام دا اصلا وماما ف اوضه العمليات ,, وعمي اللي كان بيكلم بابا مكنش لسه عرف المولود وهوب بئه انا جيت .. الدكتور فوجئ .. وكمان الفجـآهـ ان دماغي مكنتش لسه اكتملت ,, هتلاقيه ي عيني كان بيشـآور عقلي يرجعني تاني ويسبني اسبوع كمان ولا حاجه =)) المهم الكل اتفـآجئ بـ " البنت اللي جات " ,, حتى بعدهـآ طلعوا اشاعه ان تم تبديل الطفل اثناء العمليات وطلعت حكايه كدا وان انا مش بنتهم كانت مشكله جـآمدهـ ف المستشفى ايـآميهـآ ) المهم قعدت تقريبـآ شهرين ف الحضـآنه عشـآن يتم اكتمالي وكمان عشان رأسي كانت عجينه لسه كل دا وكانوا بيتأكدوا هو انـآ مصطفي ولا حد تـآني ! بـآبـآ رجع بعدها ب 3 شهور كالعادهـ ,, وفوجئ بالخبر المنحوس .. ! مصطفي مجـآش :biggrin: فيــن مصطفي !! .. وطبعا عرف اللي حصــل ..~ بس الاغرب بئه انهم مقتنعوش اني بنت .. واتربيت على اني ولد ..~ ومصطفي راح ومصطفي جيه ) اول مـآ تميت الآربع سنوات بابا بدأ يخدني معـآهـ ف سفريـآته .., ماما تقوله لسه الواد عضمه طري >> ابصلها كدا واقول ف نفسي هو انا ولد فعلا !! وفضلت ع الحـآل دا لحد ما تميت ال 12 سنه ..~ كل اللي يشوفني يبصم بالعشرهـ اني درش مش حد تـآني .. شكلي , تصرفـآتي , كلامي , ميولي , اهتماماتي , ! لحد مـآ بلغت وادركوا اني لازم اتحجب .. وقتهـآ كلمهم فوجئوا ! ومصطفي مـآت .. معظم النـآس كانوا بيقولوا مصطفى راح فين ..! وقتهـآ كنت بضـآيق أوي لأن كنت بتكلم مع النـآس والايقها بتنفر مني ! وطلعت عليا اشاعه دلوقتي اني كنت ولد وحولت ..! حصل مشـآكل كتير .. وبـآبـآ قرر انه ينقـل من المنطقه الي كنا فيها واتنقلنا لبيت تاني ,, كنت فرحـآنه اوي لأن المنطقه كانت قريبه من المدرسه وكمان من بيوت اصحابي , ف الابتدائي مكنش ليا اي علاقه باي بنت ! لأني كنت مصطفي , وكنت بكلم الولاد كلهم وكانوا بيلعبوا معايا ف الشـآرع ! وافتكر ان البنـآت بتقول عليا " قليله الادب " عشان بكلم الولا د ههههههههه اتحولت حيـآتي 180 درجه .. بقيت اهتمت بنفسي كـ بنت بئه واتعاملت وأعامل كـ بنت ..! مع العلم ان جوا البيت مازالوا بيندهولي يـ مصطفى ) المهم سبنـآ مسـآله مصطفي وجينـآ لحـآجه غريبه اوي ابتديت الأحظهـآ اختي كانت كل يوم تروح لدكتور الاسنان ويخلعلها سنه او درس .. كنت بقول هو انا ليه مخلعتش لحد دلوقتي ,, وف مرهـ وانا مع اختي , بقول لماما قوليله اني مخلعتش حاجه وكدا , قالتله .. بصلي وقالي لأ اكيد خلعتي بس انتي ناسيه قولتله طب واللي اتخلع مش المفروض انه يطلع !! مفيش حاجه بتطلع ليه !! بص ع سنـآني كدا .. قالي انتي بتغسليهـآ !! قولتله لأ قالي بيضـآ اهي ومنورهـ .. قولتله لأ مش بغسلهـآ !! وقالي ان نوعها غريب وترتيبها اغرب ^^ وبعد الاشاعات : اكتشفت ان سناني مازلت لبنيه ) سـآعتها كان بيعرض عليا يعمل عليا دراسات وبتاع ,, بس بابا مرداش وقالي متروحيش مع اختك تاني !! كبرت دماغي وقولت لدام مش بيوجعوني خلاص بئه مش مهم ,, وكبرت ! بعدهـآ بئه لقيت الاغرب ههههههههه كنا ف حصه العلوم ف 3 اعدادي وبناخد النهايات العصبيه !! المدرس كان اسمه محمود عبد العزيز " كنت بموت فيه " ههههههههه المهم كنت قاعدهـ ف اول ديسك .. وكان بيقول كل انسان له نهايات عصبيه ف اطرافه زي الايد والرجل وكدا وبيقولهم يعني لما تيجوا تمسكوا حاجه سخنه .. النهايات دي بترسل اشاره لمركز الحس وبتحسوا ب السخونيه وهكذا ,, لما تيجي صاحبتك تهزر معاكي وتشكك بالدبوس بتحسي .. واخد دبوس من البنت اللي جمبي وبيفاجئني وشك الدبوس ف طررف ايدي .. لقاني متهزتش قالي حسيتي !! قولتله لأ عادي ,, قالي طب هاتي مسك ايدي >> حلوهـ مسك ايدي دي صح ههههههههههههههه المهم مسك صابع الابهام ودخل فيه الدبوس .. انا متحركتش ومشلتش ايدي قالي حاسه قولتله لأ .. قالي طب لما تحسي قوليلي اشيل علطول .. قولتله ماشي وفضل يدخله لحد ما طلعه فجـآه ,, قولتله لسه موجعنيش شلته ليه ) قالي انا جسمي اشعر ههههههههههه وقالي روحي وامسكي حاجه سخنه بطراطيف صوابعك وقوليلي حصل ايه الحصه الجايه وفعلا ملقتش نفسي بتلسع ... بس الكلام دا ف العقه االاولي بس ,, يعني لو جات ع العقله التانيه بحس ..! قالي انتي معندكيش نهايات عصبيه ,, ودي بتحصل مره كل مليون !! والميزه دي فايداني جدا لحد دلوقتي ) اشيل الطبق من ع البوتاجاز من غير حاجه ,, لما اجي اخيط مش احس بالابره وهي داخله ولو ف المعمل وبسخن حاجه بمسكها من غير ماسك .. والدكتور يبصلي باستغراب وكل مره يقولي حاسبي هتتلسعي ..اقوله متخافش ي دكتور ... بس بردو مش هريحه واقوله اني مش بحس :biggrin: مممممم ..~ تعبتوا انا عارفه هههههههههه يلا يلا اهو انتو اللي جبتوهـ لنفسكم بئه >> اشرب ي محمد ي رمضـآن المهم مع تقدم السن واني بكبر وبشوف الدنيـآ ,, وباكل واتغذى كمان لقيت اني غريبه >> او زي ما تقى بتقول عليا مريضه !! بالنسبه للأكل !! بحب النواشف .. او مش النواشف بمعنى اصح ..~ يعني مثلا المحشي ,, احب اكله قبل ما يتحشى .. والرز ني كدا ,, والله بيبقى رهيب المكرونه باكلها من الكيسه قبل ما تتسلق ,, والشعريه بردو >> بأزأزهم زي اللب كدا ههههههه البرتقال والتفاح واي حاجه ليها قشرهـ >> باكل القشر واسيب اللي جوا ) بحب اوي امص ف بزره المانجه >> هوايه عندي بجد ,, لحد ما توصل للاخر مش طفاسه علفكرهـ ,, لاني سمعتك بتقول اهو ههههههههه بس انا اصلا بسيب اللي بيتاكل واكل اللي مش بيتاكل ) يعني مثلا الطماطم .. مش باكلها كدا .. لازم اعصرها واصفيها واكل القشره بتاعتها اللي بتطلع من التصفيه ماما بتقولي اني المفروض اطلع معزهـ او ارنب مش انسانه خالص ههههههههه ممممممم مش فاكرهـ اكلات تـآنيه ,, بس والله هيشدوا شعرهم مني ( واخيـرا بئه [ الاغرب ] ,, عشقي لـ الفيران ! بحبهم جدا ,, افتكر وانا عندي 10 سنين كنت بسهر قدام الشباك عشان اشوفهم وهما طالعين ع الخرابه اللي جمبنا واخواتي كانوا يقولولي اقفلي الشباك لـ يدخلوا وانا اقولهم ياريت يدخلوا كبرت وكبر معايا الحلم انه يكون عندي فـآر أربيه ,, وعرفت انه مينفعش وانه مقرف وكدا بس انا بجد مش شايفه اي ارف فيه !! مهو مثلا زي الارانب .. والناس بتربي الارانب ف البيت زي القطط وفي ناس مهوسه قطط وبتربيها بردو ف البيت !! اشمعنا الارنب بئه سـآعات كنت اقول هما بيتكلموا وكدا ! بجد لحد دلوقتي بموت فيهم ومهوسه بالفيران اوي ضمن دخولي كليه الصيدله اني عرفت اننا بنشرح فيران هناك واول ما دخلت كنت بدور ع الغرفه اللي فيها الفيران ومسكتش لحد ما لقيتها بئه هههههههه كانوا كلهم ف اقفاص .. لونهم ابيض وحلوين اوي ,, صاحبتي مردتش تدخل معايا لأنها بتخاف ,, اديت العامله 10 جنيه وقولتلها هدخل خمس دقايق بس وفعلا دخلت وكنت ببص ف عينهم اوي ,, زي ما اكون بتكلم معاها كلهم كانوا بيبصوا لبعض كاني غريبه عليهم وعايزه اخد حد , بس انا قولتلهم متخافوش انا مش هأذيكم ,, وعيني دمعت ساعتها .. منظرهم مالوش حل بجد لحد وقتنـآ هذا بتمنى اني اربي واحد ,, بس بابا يرضى بس حتى لو اتجوزت هقنع جوزي اني اربي واحد ف البيت >> هفضل وراهـ لحد ما اموت ههههههههه بردو الناس بتقول عليا مجنونه ومش طبيعيه عشان حبي الجنوني للفيران دا ,, مع العلم ان اي فار يدخل اي شقه عندنا ف الشارع ينادولي فورا ومش بموته ,, انا بصطاده وارميه بعيد , لأني طبعا مش هموت حبايبي
_________
كفايا كدا صح !!
زمانكم بتقولوا البت دي مجنونه رسمي نظمي هههههههههه
بس والله اتعقدت من تعليقات الناس ,
اللي يقول مجنونه وللي يقول شاذه واللي يقول مريضه .. الخ
المهم بئه اقولكم انا عملت الموضوع دا لييييه !!
عشـآن المدعو محمد رمضـآن / واد حبيب .. طلب مني ف توبيك العضو المدلل [ العدو المضلل ] :biggrin:
اني اعمل توبيك ف قسم الخزعبلا ت بـ أسم / واد حبيب اسمه مستفز
ودا لأني قولت قبل كدا ف توبيك ف الالعاب
بيسـآلوني مين الاعضاء / اسمه مستفز قولتلهم [ واد حبيب ] , !
غلطت انـآ يعني !!
مهو فعلا مستفز .. ال واد ال , كل دا وبيقول على نفسه واد
وكمان حبيب ,, لأ دا زبيب وحياتك ههههههههه
يلا بئه انا تعبت اوي من الكتابه ..~
ادا الموضوع ي واد ي حبيب هههههههههه 
|