[توحد ارواح]

	بسم الله الرحمن الرحيم الموضوع هيكون سلسله حلقات متجدده بعنوان عبره فى قصه بس بشرط تكون عن تطوير الذات مش قصه بالمعنى المعروف يعنى ممكن يكون موقف نستخلص منه العبره كتير مننا بيفكر انه لو دخل المدرسه وراح الجامعه يبقى كده هو بيتعلم لان كتير مننا ميعرفش ان الجامعه والمدرسه مجرد فصول فى مدرسه تانيه اكبر المدرسه دى ملهاش شهاده تخرج ولا ليها اعمال سنه لانك طول منته عايش فيها وانته بتتعلم الشاطر فيها هو اللى بيستوعب الدرس ومش بيتعلمه مره تانيه والخايب فيها هو اللى بيغلط مره واتنين نفس الغلط ويقول ادينى بتعلم المدرسه دى فيها اساتذه كتير ممكن يكون الاستاذ راجل كبير وعجوز او ست عجوزه مبيعرفوش يفكوا الخط او طفل صغير لسه مبيعرفش يقول بابا وماما او تجربه عشتها بحلوها او مرها ممكن بقصد تتعلم درس وممكن من غير قصد تتعلم درس ممكن من غير ما تاخد بالك فى يوم من الايام تلاقى نفسك انته المدرس وبتدى الدرس اللى اتعلمته لحد تانى المدرسه الكبيره د اسمها : مدرســــــــه الحيـــــــــــــاه كتير مننا بنغلط وكتير مننا بيتعلم من غلطه بس اوعى تقصد انك تغلط بحجه انك عاوز تتعلم مش بقولك متغلطش .... لاء اغلط لانك انسان بس بشرط متتعمدش انك تقع فى الغلط وتقول لانى انسان حكمتنا انهارده فى موضوعنا هناخدها من قصه وهتكون شيقه اتمنى ان الموضوع يعجبكم باذن الله وحده انتظرووووووووووووووووووووووونى فى اولى حلقات قصص محفزة في تنمية الذات