[jasmean]

النهاردة مسابقتنا مش عادية
مسابقتنا فيها تحدى بين العرايس و العرسان :whistle:
يعنى المشتركين مش هيبقو بنات بس , المسابقة هتبقى متاحة للبنات و الشباب





ندخل بقى على شرح المسابقة :

المشتركين هيبقو 10 بنات و 10 شباب
اول 10 بنات و 10شباب هيسجلو معانا هيبقو دول المشتركين
كل مشترك هياخد رقم من 1 - 20
فريق البنات من 1- 10 و فريق الشباب من 11-20

ملحوظة :

اذا قل او زاد عدد المشتركين عن 10 مافيش مشكلة
المهم ان يكون عدد الشباب اد عدد البنات



كل بنت هيبقى من حقها طلب و الطلب دة هيتنفذ من كل الشباب
طبعا الطلب متعلق بحاجة من تجهيز العرايس ( اوضة سفرة - انترية - نجف - صينى ....)
يعنى مثلا لو طلبت مطبخ هيبقى مطلوب من كل شاب انة يجيب مطبخ
يعنى هيبقى عندنا 10 مطابخ
و فى نفس الوقت كل شاب من حقة طلب يتنفذ من كل البنات ( طبعا برضو متعلق بتجهيز العرايس )

يعنى فى كل مرة هناخد بنت و شاب
البنت تطلب و الشاب يطلب و الباقى ينفذو
يعنى 2 متسابقين فى المرة الواحدة
و فى اخر كل مرة هنختار احلى حاجة من ضمن الحاجات اللى جابها الشباب و البنات
يعنى صورتين فايزين فى كل مرة
و كل مانخلص اتنين هيجى دور الاتنين اللى بعدهم لحد ما ال20 ياخدو ادوارهم




و فى اخر المسابقة خالص هيبقى عندنا 20 صورة
افضل 10 صور من البنات و افضل 10 صور من الشباب
هيتم التصفية بينهم
و هيبقى عندنا مراكز اوائل للبنات و مراكز اوائل للشباب




كيفية التصفية :

هيتم تحديد افضل 3 بنات و افضل 3 شباب
و هيطلب منهم ان كل واحد يعمل موضوع فى قسم تجهيز العرايس
يعنى هيبقى عندنا 6 مواضيع
هيتم التصويت عليهم لاختيار الافضل
و تبعا للتصويت سيتم تحديد مراكز الفائزين