[ღ Gի๐sτ ღ]

السلام عليكم ورحمه الله وبركاته

4 شهور مرت على فراق اغلى الشباب .. 4 شهور مرت ع قتل 74 شهيد من جماهيرالاهلى فى بورسعيد
لسة حق الناس مجاش ولكن بإذن الله حقهم جاى جاى

اغنية حكايتنا :: فى الاغنية قصتنا ..تحكى عننا منذ بداية تأسيس اولتراس اهلاوى وديفلز وكيف كنا وازاى الكورة كانت قناع للسلطة, مروراً بالثورة العظيمة ثورة 25 يناير وحكايتنا مرور بمواقفنا مع المجلس العسكرى والنظام السابق .. حكايتنا كلها منذ بداية اولتراس اهلاوى و اولتراس ديفلز حتى قتل اغلى الشباب فى بورسعيد..الاغنية اهداء للشهداء اللى عاشوا معانا من البداية وبإذن الله حلمهم هايكمل..
رحمهم الله شهدائنا جميعا .. وربنا يجعل مثواهم الجنه

للتحميل MP3 :



حكايتنا_اولتراس اهلاوي.mp3


مشاهدة :





كلمات :

الكورة لما جينا كانت كدب و كانت خداع .. كانت مغيبة للعقول كانت للسلطة قناع
بيحاولوا يجملوها وتبقى هم للبلاد .. و ناسيين المدرج اللى مليينه الالاف

اقتل فى الفكرة كمان .. والظلم فى كل مكان .. عمرى ماهنسالك زمان .. كنت عبد للنظام
اقتل فى الفكرة كمان .. والظلم فى كل مكان .. عمرى ماهنسالك زمان .. كنت عبد للنظام

ولما الثورة قامت نزلنا فى كل البلاد .. موتنا على الحرية وسقوط رموز الفساد
مسكتناش مهدناش ما لسا النظام موجود .. داخلية الكلاب والظلم فى كل مكان موجود

اقتل فى الثورة كمان .. كلمة حر ليك جنان .. مهما يزيد بطش السجان .. قدام صوتى يكون جبان
اقتل فى الثورة كمان .. كلمة حر ليك جنان .. مهما يزيد بطش السجان .. قدام صوتى يكون جبان

قولناها فى المدرج قدام الملايين .. يسقط نظام بيقتل كل يوم فى جيل و جيل
دبروالنا المؤامرة دبروالنا المستحيل .. قتلوا اغلى الصحاب قتلوا حلم السنين

فى بورسعيد ضحايا شافوا الغدر قبل الممات .. شافوا نظام خير مابين حكمه والفوضى فى البلاد
كان فكر حكمه يوم هايخليه فى اعلى مكان .. والشعب الثورى يركع للعسكر زى زمان

اطلق فى كلابك كمان .. والفوضى فى كل مكان .. عمرى ماهديك الامان .. ولا تحكمنى يوم كمان
اطلق فى كلابك كمان .. والفوضى فى كل مكان .. عمرى ماهديك الامان .. ولا تحكمنى يوم كمان

فى بورسعيد كلاب لما العسكر فتحوا الباب .. انطلقوا والفوضى عمت وقتلوا اغلى الشباب
منهم كان المهندس والعامل منهم ولاد .. راحوا وكان مناهم حكمك لاغى فى البلاد

اه يامجلس يا ابن الحرام .. بعت دم شهيد بكام .. لجل ماتحمى فى النظام .. اللى أنت منه كمان
اه يامجلس يا ابن الحرام .. بعت دم شهيد بكام .. لجل ماتحمى فى النظام .. اللى أنت منه كمان



المجد للشهداء