[أمَيـرة بنــظرتـى]

بسكت الزبالة جزء من حياتنا اليومية فلازم نتعلم ازاى نتعامل معاة فى منظر شفتة شفت ولد ياعينى بيطلع بواقى الاكل من الزبالة اللى فى الشارع وبيلمها فى جيبة الزبالة اللى انا بقرف حتى اعدى من جنبها هو بياكل منهامستغربة فعلشان كدا قلت لازم اتعامل مع بسكت الزبالة بطريقة كويسة لان فى ناس بتمد ايديها فيها سواء بياكلوا منها او الزبالين فعايزة منك دلوقتى تدخلى على المطبخ وتشوفى انتى رامية الحاجة فى الباسكت ازاى في نص هدومي نيجى بقى للمهم اكتر حاجة بنرميها بواقى الاكل والله ياجماعة متستهونوش فى ناس بتاكل البواقى دى فكل اللى طلباة منك تجيبى رول اكياس تلاجة الشفافة اللى بتحفظى فيها الاكل وتحطى بواقى الاكل اللى حترمية فيها علشان لو حد حياكلها متختلطش بباقى الزبالة اما المخلفات الشخصية بامبرز الاطفال مثلا اقفليه كويس ولفيه باللزق بتاعو او حطيه في كيس اسود ولفيه بالسوليتيب وطبعا دلوقتى داخلين على الشتاء ونزلات البرد حتشتغل فارجوكم هاتوا اكياس شفافة وارمى فيها المناديل اللى حتستعمليها واقفليها كويس علشان محدش يحط ايدية فى الزبالة ويتعدى ولازم تكون الاكياس شفافة علشان يبان اللى جواها ومحدش يفتكرها اكل فيفتحها اما الابر والدبابيس لفى سنهم بسولتب كويس جدا علشان متشوكش حد اما الملابس الداخليه القديمة والشرابات وخلافة اغسليهم كويس قبل ما ترميهم وحطيهم فى كيس لان فى ناس بتخدهم وتستعملهم نيجى بقى للازاز المكسور والحاجات اللى تعور بردوا لفيها كويس فى المومنيوم فويل وارميها بلاش تحطيها فى اكياس لانها ممكن تخرم الكيس وتنزل منة ومنبقاش عملنا حاجة ودة طبعا عملا بمبدأ اماطة الازى عن الطريق صدقة واخيرا ياقمرات راعوا ان اللى بيتعاملوا مع الزبالة دول بشر زينا