بسم الله الرحمن الرحيم
طبعا كل سنة وانتو طيبين
وفى رمضان أن شاء الله صايمين :biggrin:
طبعا احنا فى ايام ما يعلم بيها الا ربنا
الجو جميل جدا والحر اجمل واجمل والتكيفات
شغالة والمراوح دايرة مابتفصلش سيبكم بقى من الكلام دا كلة
ونيجى بقى للجد والجد هيكون الموضوع المهم جدا الـــ طرحتة النهاردة
فكرتة غريبة بس هتعجبكم اصل المفروض هنقرأ من عضوات المنتدى
كلام لوز اللوز .
طبعا اليومين دول لو حد ماشى فى الشارع وبيبص كدا على البيوت هتلاقى مناظر غريبة منها مثلا
كل الشبابيك مفتوحة عشان اليومين دول يومين ترويق وتنظيف للشقق وياعينى الى بيطلع عنيهم
فى الموضوع دا البنات الحلوين حتى اكيد الى فى المنتدى معانا طالع عنيهم فى بيوتهم
وتلاقى بقى ( الام ) طول اليوم واقفة للعضوة من دول وتقولها
( قومى يا هانم يخرب بيت النت والزفت الى قاعدة علية طول اليوم )
و ( والدة ) عضوة تانية تلاقيها بتقول لبنتها
( قومى عشان تغسلى السجاد يابت وسيبك من الزفت الى قاعدة علية دا )
والا بقى ( الام ) الثالثة تقول لبنتها اية بقى
( يلة يا هانم قومى عشان نروق الدولاب دا بقى زى النيلة وسيبك برضو من الزفت الى قاعدة علية )
لو تلاحظو ان ( النت ) هو المظلوم فى الحوار دا كلة :762:
عموما مطلوب من كل ( عضوة ) تدخل هنا وتحكيلنا
عملت اية فى شقتهم وتحكيلنا عن المواقف الجميلة الى حصلتلها يعنى مثلا
اتشقلطط كام مرة وهى بتمسح وكمان اخدت كام وقعه من على الكرسى وهى
بتظبط فوق الدولاب اصل شكلهم بيبقى جامد جداااااااااا :biggrin:
الدعوة عامة لجميع بنات المنتدى ومن الاخر كلكم بتنظفو اليومين دول وبتتعاملو
من اهليكم معاملة ( سيدة ) فى فيلم ( نحن لا نزرع الشوك ) :762:
يلة فى انتظاركم