السلام عليكم ورحمة الله وبركاته
في البداية انا مش عارف هل الفكرة دي اتعملت قبل كدة ولا لا
بس لو كانت مكررة .. ياريت تعذروني
طبعا لم نسلم ابدا من عمليات نقل المواضيع الغير شرعية الي المنتديات الاخري
واكيد اغلبنا اتعرض للحكاية دي كتير
الواحد بعد ما يتعب في الموضوع ويقعد فيه ايام
يجي شخص من خارج المنتدي بمنتهي السخافة وينسخه بالكامل
ويعمل له لصق في منتدي اخر .. وكأنه هو اللي كتبه
وطبعا الاعضاء يقعدوا يشكروا فيه ... وهو ما بذلش فيه اي مجهود!!
لذلك انا فكرت في فكرة مقلب جامد حتكشف سرقة الموضوع
ومش كدة وبس ..
دي كمان حتعمل له فضيحة بجلاجل !!
ههههههههههههههههههههههههههههههههههههههههه
شرح المقلب :
ببساطة جدا .. وانت بتكتب موضوعك
تعالي عند نهاية الفقرات ... وحط الكود ده
كود:
[&COLOR=#fcfcfc]هذا الموضوع منقول من العضو ××× من منتدي Banat Misr[/color]
وطبعا ما تنساش تشيل علامة & اللي قبل كلمة COLOR عشان الكود يشتغل صح
مع استبدل ××× ده باسم حضرتك
وكرر الحكاية دي مع 4 او 5 فقرات حسب حجم موضوعك
بس اهم حاجة ما تخليهاش لا في اول فقرة ولا في اخر فقرة
طبعا بعد لما تعتمد الموضوع بتاعك ...
الجملة دي محدش مش حتظهر ومحدش حيقدر يشوفها
لانها بالظبط نفس لون الخلفية
طبعا الاخ اللي حينقل الموضوع حيعمل تحديد لكل النص بتاع الموضوع
و حيعمل له Copy (وطبعا الجملة حيتم نسخها مع الموضوع) ...
وبعدين Paste هناك في المنتدي بتاعه
وطبعا محدش حياخد باله غير اللي حيقرا الموضوع ... ويعرف ان الموضوع ده ملطوش
وسعتها حيبقي شكله وحشششش
وممكن من ساعتها يحرم يسرق مواضيع وينسبها لنفسه
وانا هعملها :
هذا الموضوع منقول من العضو nene nene من منتدي Banat Misr
ومستني ردودكم وتعليقاتكم