[♥ملك روحى♥]

وحشتونى أجمل أعضاء وعضوات رجعنالكم من جديد في حلقتنا الثالثه من برنامج ساعة صفا انهرده حلقه جامده جدى معانا إنهرده بنوته أرق من الندى لقبوها بشمس المنتدى ومن مسابقتها العريقه ولد الهدى ضيفتنا نشيطه وحبوبه فراشه طايره بعطر العروبه مواضيعها مميزه ومرغوبه من كل الأعضاء ومحبوبه مهما كتبنا عنها مش هنعرف نقول قلمها قلم راقي يبهر العقول دمعتها حائره وروحها باهره ولرضا ربها راغبه صاحبة حكمه عامل الناس كما تحب أن يعاملوك معانا ومعاكم إنهرده * * * * * * * * * * * * * * * * * * و المــراقبــة عــامــة و مشرفة إبداعات الاعضاء الأدبيه دمعه حائره أولا إتفضلى ياقمر أهلا بيكى ياقمر والله سعيده بتنويرك ليه ها تحبي تشربي إيه عندنا بصى أنا هعزمك ويارب زوقي يعجبك يله نسمى الله ونبتدى مشوارنا مع الأسئله ويارب متمليش مننا في البدايه حابه تدينا نبذه مختصره عن دمعه حائره؟ انسانه هاديه نوعا ما بحب الهدوء والقراءه والشعر موديه جدا وممكن كلمه تغير يومى كله النيم فيه منى كتير بحيرتى اللى ملازمانى دايما بثق فى الناس بسرعه لكن لما بيفقدوا ثقتى مابترجعش تانى مهما حصل يمكن طبعى حاد احيانا ومابحب الاشخاض الغامضين بخاف اقرب منهم بحب العفويه لكن بحذر وباخد على الناس بسرعه وبس خلاص كفايه كده:biggrin: ايه الحلم ايلي اتمنيتى تحققيه وحققتيه وايلي اتمنيتى ولسه محققتوش؟ الحمد لله انا حققت اغلب اللى نفسى فيه وربنا ادانى كتير حاجات هافضل اشكره عليها طول عمرى ولو فى حاجه مااقدرتش اعملها مش بزعل لان مافيش حد عنده كل حاجه يمكن نوع دراستى اللى فرق معايا بس عادى يعنى كله محصل بعضه دلوقتى وطول ماالانسان عايش لازم يكون عنده احلام وطموح تدى لحياته معنى اوصفى لنا الحياه من وجهه نظرك؟ الحياه من وجهة نظرى رحله عطاء ورضى بما قسمه الله ليك وانك تعيشها صح وتدى اكتر ماتاخد وتحاول على قد ماتقدر تسعد اللى حواليك وتسيب فى كل مكان مريت بيه وكل انسان عرفته ذكرى حلوة ليك ياتري ايه ايلي ينقص رجل وأنثي اليوم من وجهه نظرك؟ اللى ينقص الرجل الشهامة وتحمل المسؤليه واللى ينقص المرأه الحياء ومش كلهم طبعالكن اصبحت ظاهره أوصفى لنا الرجل في كلمه؟ الرجل هو الأمان والحمايه ماذا تعنى كلمه أنثى من وجهه نظرك؟ العطاء والحنان الحب والصداقه وجهان لعمله واحده فما مفهوم كل منهما عندك؟ الحب هوا تلاقى واندماج بين روحين والصداقه هى تلاقى العقول والميول وتوافقها وغالبا الصداقه بتسبق الحب ايه أصعب احساس حستيه بحياتك؟ احساس الفقد لماالانسان بيفقد حد غالى عنده برغم انه موجود ياترى تقبلى تتزوجى بمن هو اصغر منك سنا؟ برغم انى متزوجه لكن هاجاوبك انا من رائى ان نادرا لما بتنفع زيجات بيكون الزوج اصغر لان بنشوف دايما البنت عندها تطلعات اكبر بتخلى تفكيرها ينضج وتبان شخصيتها اقوى صغر سنها عن الزوج بيخلى فيه معادله نوعا ما وتسمع كلامه ده غير انه هايعجز قبلها ودى ميزة حلوة:biggrin: -ما صفات الزوجة المثالية من وجهة نظرك؟؟؟ اللى يكون عندها قدره على التسامح والعطاء ومايكونش عندها حب الذات والنديه عشان المركب تمشى زى مابيقولوا ده غير الاخلاص لازم يكون فى الاتنين ياترى بكاء الرجل ضعف زى كتير ما بيشوفه كده؟ بكاء الرجل قمة الاحساس ولما بيبكى بتكون حاجه كبيره هزته ومااقدرش يتحملها لانه دموعه غاليه عنده ومش سهل تبان ايهما اصعب من وجهه نظرك التعب النفسي ام التعب الجسدى؟؟ ولماذا؟؟ التعب الجسدى سهل انه يضيع مع الراحه لكن التعب النفسى بيحتاج مجهود كبير ووقت عشان يروح ومايسيب اثر الحياء صفه في الانثي وفضيله في الرجل ايه رأيك في المقوله دى؟ الحياء لازم يكون فى الاتنين لكن بتختلف النسبه الرسول عليه الصلاه والسلام كان بيتمتع بالحياء لكن لازم يكون فى المرأه اساس فى شخصيتها لو رجعت بالزمن لورا ياتري ايه الشئ ايلي كنتى هتغيريه في حياتك؟ لامش هاغير حاجه يمكن اعمل تعديل وحزف لحاجات وفيه ناس عاوزة حظر دائم مشرفه بئا:762: كتير من الناس يروا ان الحياه مجموعه من الحظوظ والمصادفات ؟ايه رايك ؟ يعنى انا بصادف حاجات بحس فيها بالقضاء والقدر والنصيب لكن عندى مبدأ ان لكل مجتهد نصيب ومافيش حد بياخد حاجه مش بيستاهلها وبتستمر معاه تؤمنى بزواج الصالونات ولا الزواج عن حب وليه؟ اكيد الزواج عن حب بيوفر وقت كتير فى التفاهم وبيقرب السعاده اكتر بينهم لكن اوقات فيه زواج صالونات بيتبعه حب اقوى من حب قبل الزواج واهم من الاتنين التفاهم بين الزوجين لان حب من غير تفاهم بيروح بسرعه بسبب المشاكل القسوه شئ صعب ياتري امتى ممكن قلبك يقسي؟ الحمد لله انا ماعرفتش القسوة دى لكن ممكن ابعد عشان مااقسو على حد جرحنى بتسامح مره واتنين لكن التالته تابته معايا ببعد خالص وماحب اشوف الشخص ده تانى ياتري من وجهه نظرك ايه هيه مفاتيح النجاح في الحياه ؟ مفاتيح النجاح هى الايمان بالله اللى بيدى دافع وقوة بتخلى فى اصرار وايمان بان الله لايضيع اجر من احسن عملا فاكيد هايحصل على اللى بيتمناه طالما عمل اللى عليه واجتهدمع تمتعه بالذكاء امتى تقررى خروج شخص من حياتك للأبد؟ الشخص الخاين لامكان له فى حياتى كتير شايفين ان فتاه النت عليها علامات استفهام كتير رايك ايه ؟ اكيد لبعض النماذج اللى بتسىء لاستخدام النت واغلب اللى بيستخدموا النت عليهم علامات استفهام سواء بنت او شاب بحكم التعامل من خلف الشاشات لكن الانسان المحترم بيبان وبيفرض احترامه بين الجميع ايه هيه اسس اقامه بيت ناجح؟ التفاهم والحب بين الزوجين الموده والرحمه ان كل واحد فيهم يحسن الظن بالاخر ويقدر ظروفه ومايطلب منه حاجه فوق مقدرته التسامح والعطاء ياتري في حب حقيقي بزمنا ده ولا كله بقي تيك اواى ؟ الحب بئا عمله نادره قوى الايام دى ولما تلاقيها بتفقد بريقها بسرعه الظلم ظلمات يوم القيامه حاسه انك ظلمتى ولا اتظلمتى؟ مافيش حد مااتظلمش فى حياته لكن الحمد لله مش فاكره مواقف ويارب مااكون ظلمت انسان بحاول دايما مانامش وانا زعلانه من حداو حد زعلان منى ياترى ايه اكتر حاجه ماتت بمجتمعنا ؟ الانتماء والضمير تقريبا انعدموا ونادر لما تلاقى حد فيه الصفات دى تفتكرى لو مصر بتتكلم هتقول ايه؟ هاتقول ارحمونى ورجعونى ام البلاد من تانى ياتري ملابس المراه بتعبر عن اخلاقها ؟ بكل تأكيد المظهر بيعكس الداخل والاخلاق والمبادىء للشخص نفسه بتبان من طريقة لبسه هل تتزوجى من تحبيه .. ام تحبى من تتزوجيه ؟؟ وايهما تراه اجمل ؟؟ ان تعيش مع من تحب ويستمر الحب ده اجمل حاجه اكيد - احب زواية اليك في البيت تشعر بالراحه والانجذاب دوما لها ؟ اكيد غرفتى والسرير خصوصا ياترى ايه الاصعب زواج بلا حب ولاحب بلا زواج؟ زواج بلا حب هوا اصعب اكيد لانهم عايشين سوا ومش بيحبوا بعض لكن الحب بلا زواج اكيد هايجى وقت ويتنسى لو بعدوا عن بعض لكن فى الحالتين اكيد شعور قاسى وحياه تعيسه ايه الاسباب ايلي تؤدى الي فقدان ثقتك في الاخرين؟ الكدب هو السبب الرئيسى اللى بيخلينى مااثق فى الشخص ليه الانسان مش بيحس بقيمه ايلي معاه الا لما يضيع منه؟ دى صفه فى الانسان اللى مابيقدر نعم ربنا عليه فما بيكون شايفها طول ماهى قريبه وناقم على حياته لكن لما بتبعد بيحس بالفرق ويعرف انها كانت مهمه ما هو الشيء الذي لا تقبلى المزاح به أبدا ؟ كرامتى وقلبى لا اقبل المزاح فيهم اذا احببتى شخصا في الوقت الخطأ وفي المكان الخطأ فماذا تفعلى ؟؟ اكيد موقف صعب لكن العقل يقول لازم ابعد لانه اكيد هايكون غلط هل انتى ممن لديهم رغبة حب التملك واذا تملك الشيء اصابه الملل منه ؟ لاابدا انا بعرف قيمه الحاجه كويس جدا ومش بجرى ورا حاجه عشان امتلكها وبحاول دايما احافظ على ما امتلك لانه نعمه من ربنا مش حبا فى التملك أحد علماء النفس قال ذات مرة أنه باستطاعة الانسان العيش من دون اصدقاء .. ماذا ترى أنتى ؟؟؟ الصداقه اسمى العلاقات واللى معندوش صديق اكيد بيفقتد جزء مهم جدا فى حياته تؤام روحه اللى بيتفاهم معاه لكن لو معوضه فى صداقه لاخته فى اخوة او الام ممكن يستغنى عن الصديق بيهم ما أجمل شيء في الاسلام ؟ الرحمه والتسامح في زمن البحث عن المادة ... عن ماذا تبحثى أنتى ؟ ببحث عن راحه البال لا اسمع لا ارى لا اتكلم ,, متى تطبقى هذه المقوله بحياتك ؟ لما يكون عندى سر لحد ائتمنى عليه اعتذار الرجل للمرأه ذل أم احترام للذات ؟؟ الاعتذار من شيم الكرام ورد الحق لصاحبه وده واجب وليس تنازل هل توافقى على مقولة ما محبة الا بعد عداوة؟ ايوة بتحصل كتير وبتكون بدايه لصداقه كبيره كمان لماذا لايتخلى الكثيرون عن حب الأنا ؟ دى غريزه فى كل واحد بس بتختلف نسبتها فيه بيحب نفسه والغير وفيه انانى مابيحب غير نفسه وده بيكون مكروه ما هي التجربة التي يعيشها الانسان ولا يستطيع التكلم عنها ؟ تجارب الحب فى المراهقه بتكون سر كبير عنده وتجارب الفشل لما بيكبر بيحب ينساها ليه الحب فى معظم حالات الزواج ينتهى بعد الزاوج هل ده مش بيكون حب ولا مشاكل الحياه بتمحى تمامآ الحب ده؟؟ المشاكل ليها عامل كبير والاستقرار بيدى نوع من الملل وعدم التجديد ومابيكون فيه حافز يعملوا حاجه جديده الا اذا حد فيهم حس بخطر بيهدد علاقتهم بيجروا يقربوا تانى لبعض ما رايك في ضرب الزوج زوجته ؟ ضعف وعدم رجوله بيعوضه بالعنف الجسدى عشان يثبت انه الاقوى ان كان الحب علي حساب الكرامه فلينتهى الحب وتبقي الكرامه مارايك بتلك المقوله؟ حب من غير كرامه بيكون ذل لو فى اهانه لكن مافيش كرامه بتقف بين اتنين بيحبوا بعض وبيحافظوا على مشاعر بعض العَفوية أجمل بـِ كَثير مَنْ إرتداء قنَّاع المِثاليه ما رايك ؟ العفويه اكيد جميله وبتقرب الانسان للناس قناع المثاليه بينكشف بسرعه زى اى قناع تانى بعض المشاعر لا تُقال.. وإذا حاولنا أن نقولها.. قتلناها أو على الأقل نقوم بتشويهها هل ترى ان المصارحه بالمشاعر تقتلها او تشوهها؟؟ التصريح بالمشاعر بيخدمها لو الوقت والانسان اللى هاتقولهاليه صح لكن لو تسرعت ومااختارتش المناسب ليك هاتضر اكتر ماتنفع محدش بيموت من الوحده الكلمة دة ممكن ناس كتير تقولهالك او تسمعها من اغانى ان محدش بيموت من الوحدة ايه رايك وشايفه فعلا كدة؟ ممكن مش يموت جسديا لكنه بكل تاكيد هايموت نفسيا امتى يسقط اغلي شخص من عينك؟ لما اكتشف انه مخادع وخاين بعض الاشخاص يجعلوا حياتك رائعه عندما تتعرفى عليهم وبعضهم يجعل حياتك رائعه عندما تتخلصى منهم ما رايك بتلك المقوله ؟ فعلا مقوله وصح وبالاخص الجزء التانى منها من وجهه نظرك لماذا تزداد العنوسـة يومـا بعـد يـوم بين شبابنـا وبناتنـا ؟؟؟ لطمع الكثير فى مطالب تجهيزات المنزل ورغبتهم فى وجود كل الكماليات مع ظروف المعيشه الصعبه اللى بتواجه الشباب هـل تعتقـدى بأن الفتـاة الحاصلـة على مؤهـلاات علميـة والعاملـة في الوقت ذاتـه فرصتهـا أكـبر للزواج ؟؟ اكيد لانها هاتساعد زوجها فى مصاريف البيت ولمـاذا يحرص الشاب على اختيـار الفتـاة صغـيرة السن ( تحت العشـرين عامـا ) ؟؟؟ مش عارفه جايز رغبه منه انه يعودها على طبعه ولماذا باعتقـادهـم أن من تعـدت العشـرين قـد أصبحت عانـس ؟؟؟ مااعتقدتش المفهوم ده موجود لان الغالبيه بتعدى 25 ولسه ماتزوجت وعادى لاتجعلى طيبتك كتابا يتصفحه الجميع فهناك اناسا لايستحقون حرفا منه هل ترى ان الطيبه اصبحت عيبا بزمننا ؟ الطيبه غلط اننا نندم عليها وعمرها مهاتكون عيب لان اللى بيزرع خير لازم يجنى خير يقول احمد زويل الغرب ليسوا عباقره ونحن اغبياء هم فقط يدعمون الفاشل حتى ينجح ونحن نحارب الناجح حتى يفشل ما راي دمعه ؟ احنا عيبنا فعلا عدم دعم الانسان الناجح وتوفيرله كل احتياجاته عندما تعلم ان ملوحه البحر لاتتاثر مع كثره المطر فكن كالبحر لا تتار بكلام البشر هل انتى ممن يتأثرون بكلام البشر ام لا ؟ للاسف ايوة وبعمل حساب ليهم جدا لكن الثقه فى الله وفى النفس بتمحى اثر اى كلام بيضايقنى كثيرا ما يختلف الاهل مع الابنه في اختيار شريك حياتها فمن تقبله يرفضوه ومن ترفضه يقبلوه فهل تتمسك برأيها ؟ أم تقبل برأى الأهل؟ تحاول توصل لنقطه تواصل وتعرف ايجابيات وسلبيات كل اختيار لانهم اكيد هايكونوا عاوزين مصلحتها هل تقبلي ان تكونى زوجه ثانيه ؟ولماذا؟ لااقبل لانها بتاخد سعاده انسانه تانيه ما رايك بتعدد الزوجات ؟ اوافقه لانه شرع ربنا لكن بشروط واسباب هل صحيح ان الفتاه تتخلي عن حبيبها عند اول فرصه للزواج ؟ مش كل البنات كده فيه بيدافعوا عن حبهم لاخر لحظه لديك رصاصه واحده الى من توجهيها الفقر-الجهل-الفساد او اى شئ اخر تختاريه؟ الفساد لانه السبب فى الباقيين في النهايه كلمه لبرنامجنا دموعه الاموره؟ برنامج جميل والاسئله رائعه ومحاورة مميزة خرجت حاجات كتير جوايا بشكرك على الدعوة واتمنالك كل التوفييق نورتينى ياقمر بعقلانيتك وروحك المرحه وياريت تقبلى منى الهديه البسيطه دى إنتظرونى في حلقه جديده و........... ساعة صفا

[/ALIGN]