انهاردة nour magic moon معانا في رايه بالمنتدى أنا : قبل ما نبدأ تحب تشرب ايه لحسن كلام كتير وهينشف ريقك
عبقرينو : مشربش الشاى اشرب ازوزه
انا كانز توت لو سمحتى
اتفضل
بما انك عبقرينو المنتدى وبقالك تقريبا 3 سنين في المنتدى (ربنا يزيدهم) حابة اسألك شوية اسئلة عن المنتدى
أنا :اولا رايك ايه في المنتدى؟
عبرقرينو: المنتدى جميل جدا فى كل حاجه فى اعضاء تجد الاخوه والمحبه وبتتعلم كتير منه وبمرور الوقت مش بتقدر تستغنى عنه وبصراحه
مشفتيش منتدى بروعت وعظمت منتدانا
أنا : في كتير من الاعضاء لم يسجلوا في المنتدى بيبقوا كل يوم بيدخلوا ويقعدوا بالساعات في رأيك ايه سر جاذبية المنتدى للاعضاء؟
عبقرينو : الابتكار
احنا هنا فيه حاجات كتير مبتكره مفيش فى اى منتدى تانى ودا عامل انجذاب كبير
وبعدين فيه شغل كتير من الاعضاء بيشد اى حد
أنا : اكيد انك تعرف ان المنتدى ليه صفحة عالفيس حاسس انها بتفيد المنتدى؟
عبقرينو:لا
لانى مش بداوم على الفيس
يمكن عند غيرى مفيده
أنا :عندك قسم حابب انك تضيفوه للمنتدى ؟
عبقرينو : اقسام المنتدى روعه وفى تزايد وشمله مش ناقصه حاجه
يمكن احب اضيف قسم حفلات منتدى بنات مصر
نعمل حفله كل شهر كدا
أنا : طيب في قسم حاسس انه مش مهم بالمنتدى؟
عبقرينو: اممممم
كله مهم بس فيه اقسام مش ليها غايه عند الاعضاء او اهتمام مش اكثر
أنا : لو اجبروك انك تبقى مشرف لقسم تختار اي قسم؟؟
عبقرينو : بحب جدا قسم بقلم اعضاء بنات مصر
أنا :في قسم عاوز تخليه نشيط مع ان القسم بيبقى مهم؟
عبقرينو : قسم الخزعبلات
أنا : تيجي بقى ندخل على اسئلة عن الاعضاء
أنا : اول حاجة بالنسبة للاعضاء الجدد اللي بيسجلوا ولا يرجعوا نعمل فيهم ايه؟؟ عايزة جواب يبدا بكلمة
" حكمت المحكمة على الاعضاء الجدد"
عبقرينو : حكمت المحكمة على الاعضاء الجدد بدعوتهم لزياره المنتدى والاقامه لمده اسبوع فى ارقى اقسام المنتدى ليتعلم ويرى الحقيقه بعيون اكيده متائنيه ويشرب الكنز على حسابنا كمان
هما مش عارفين الكنز هنا فين فبيمشوا بسرعه
أنا حكم جميل
أنا :برايك ايه سبب ان اعضاء بيكونوا كبار في المنتدى يتركوا المنتدى ولا يرجعوله مرة تانية ؟
عبقرينو: ظروف الحياه بتجبر الانسان على كدا
أنا :عاجبك نشاطك في المنتدى ولا حاسس انه قليل
عبقرينو: نعم حضرتك
انتى الى تحكمى مش انا
وانا شعله نشاط بلا فخر
أنا : ما شاء الله عليك نشيط
أنا :في شخص كل ما تدخل قسم بتلاقيه موجود بمواضيعه وردوده ؟
عبقرينو: اه فيه الادارى دمعه حائره
منه
نشاطها جامد
أنا : هستغل عبقريتك بما انك عبقرينو المنتدى
عندك طريقة نجذب الزوار للمنتدى ؟
عبقرينو:لو طلب منى كدا
هعرف استغلها كويس جدا
وعندى استعداد اخلىهم مقييمين هنا داييمن
بس اترك يداى واعطنى حريتى
أنا : وبس اخر حاجة حاسة أن المنتدى محتاج تكييف لان الجو حر جدا ايه رأيك نركب تكييف ؟
عبقرينو: لا احنا نخلى كل مشرف قسم يرش ميه قدام قسمه هههههههه
على الكهرباء مش ينفع نركب تكييف
أنا : وفي النهايية
بشكرك على الاجابة على اسئلتي وسعدت جدا معاك
وسعدت بوجودك في الحوار
عبقرينو: شكرا لك اسراء
انا اسعد وسعيد ومسعود
بوجودى هنا
وبس اتمنى ان تكون الجلسة عجبتكم