[CuOp!D]

السلام عليكم ورحمه الله وبركاته صباح الخير \\ مساء الخير على كل الاعضاء المنوره البرنامج .. هقدملكم برنامج اجتماعى شويه البرنامج فكرته مستوحاه من الاخ مارك صاحب الموقع الاجتماعى الشهر facebook ف البرنامج بتاعـى ----->> facebooky هقدم معايا عضو جديد اسئله شويه اسئله ويجاوب عليها من خلال الاسئله دى هنعرف حكايته مع ال facebooky .. كان معانا الحلقه اللى فاتت Ahmed Shepo مشرف قسم الفوتوشوب . . . انهارده معانا شخصيه مختلفه تتحلى بالرقه والحاجات الحلوه متميزه ومبدعـه مش هطـول عليـكـوا كتير واعرفوها انتوا معايا . . الحان الورد مشرفة التنمية البشرية ღмεмoяιεѕღ . . حاضر هجاوب ع الاسئلة ,, شكراً ليك ع الاستضافة اول حاجه معاك كام اكونت فيس بوك ؟ 1 عملتيه امتي ؟ أنا عملآه من زمان , من إعدادي تقريباً بس مبدأتش أستخدمه فعلياً غير في أولى ثانوي بتقعدى عليه قد ايه في اليوم ؟ على حسب الوقت , مفيش حاجة معينة بس غالباً مش أقل من ساعة ساعتين كدا بتحطى صور شخصيه ليك عليه ولا لا وليه ؟ لأ مش بحط صور شخصية ليه ؟ كدهـون بتهتمى بالنشر دايما ولا كلام وبس ؟ عادي , اللي يعجبني يعني عندك كام صديق عليه ؟ 90 تقريباً منهم كام ولد ؟ 3 اخواتي 2 ولاد عمي بابا وجوز أختي وكام بنت ؟ الباقي كله بنات بتضيفى عليه ناس ولا مش بتبعت لحد ؟ لو حد أعرفه وعايزاه يبقى عندي ببعتله عندك كام حد من المنتدي عليه ؟ 13 وحدة اخر بوست نشرته هو ايه ؟ كان دا " بالمناسبة .. الايموشن دا ( -_- ) معبر جداً جداً يعني D: " اخر لايك وصلك كان علي ايه ؟ كان على صورة الـ cover بتاعي اخر حد اتكلمت معاه مين ؟ وحدة صاحبتي من زمان ومعايا في الكلية ^^ بيبقي معدل كام تنبيه كل ما تفتحه ؟ والله دا برضو على حسب يعني ساعات بتفاجئ بالرقم ^^ وساعات بيبقى عادي ايه نوع الصفحات اللي بتدخلها ؟ صفحات كتير ومنوعة بس اللي بتابعهم ,, الصفحات الأدبية يعني اللي بتكون لـ كتاب وبينزلوا كتاباتهم فيها كُتاب معينين يعني وصفحة وائل غنيم ^^ وفي صفحة لـ التراس باسم يوسف وحاجات تانية بس انا مش فاكرة بالنسبه لصفحات الكوميك ياتري انهي بتعجبك اكتر ؟ مش بعمل لايك لـ الصفحات دي مخصوص لان الالش والكوميك بتلاقيه منتشر ع الصفحات التانية اصلاً حتى لو كانت صفحات سياسية ف كدا كدا هتجيلي لحد عندي ^^ مشترك في قد ايه جروبات ؟ استنى اعد كدا آه .. 15 جروب تقريباً ^^ نصهم تبع الكلية وايه اكتر واحد بتاابعه وبتشارك فيه ؟ في جروب كان معمول لـ طلاب 3 ثانوي السنة اللي فاتت انا دخلته في الترم التاني كدا .. كانوا بيحطوا حاجات عن الدراسة وعن امتحان القدرات وكدا ,, وفضلنا مع بعض في كل حاجة ابتداءً من النتيجة لحد ماكل واحد دخل فينا دخل كلية .. ف ليه ذكريات حلوة يعني عشان كدا بتابعه دايماً + الجروب الرسمي لـِ الكليـة سبق ليك وعملت جروب او صفحه ؟ فكرت في صفحة , بس معملتهاش ايه هيا وكام لايك عندك فيها ؟ مفيش قلنـا بالراحه طااااااب متزوقيش كده ب كـده تكون اخر اسئلتــى مع عضوتنـا الجميلـه وتكون تـانى حلـقـه ف برنــامجـى الاجتـمـاعـى facebooky ويارب نكون لذاذ عليكمـ ستــوبـ يـاعـم مـاركـ يارب تكونى وش السعد عليـا نورتــينـى بجد بشكرك يـا لـحـون ع اللقـاء الممتع مـعـاكـى يـارب ينــال اعجابكــم انـتـظــرونـى ف الحـلقـه الجــايـهـ طـاآآآآبـ مــسـاؤكــم