[აα∂ Ԑγεა]

السلام عليكم ورحمه الله وبركاته
اهلا وسهلا بيكم اعضاء المنتدي الكرام
اتمني انكم تكونو بخير وبصحه وسعاده






النهارده موعدنا مع الحلقه الثالثه من برنامج
" T.V بنات مصر "




فكره تي في بنات مصر



وهو عباره عن اننا هنستضيف عضو من المنتدي
نساله اسئله كلها عن التلفزيون
علاقته بيه ايه بيقضي وقته عليه ازاي
قناوات بيحبها
الافلام البرامج المسلسات وغيره كتير






ضيفتي في الحلقه اللثالثه
هيا مراقبه عامه نشيطه جدا
وبتتواجد دايما
ومن الناس اللي مشاركاتها فوق
اللهم لا حسد
ااه وبالمره
نتمنالها سنه سعيده ماهو عيد ميلادها كان من كام يوم
زي مانتو عارفين

تشكرات وانت طيب يارب

مقدرش برضوة اقول عليها نشيطه
اصلها كسوله بدرجه كبيره الايام دي

هههههههه طب ليه التسييح

مبسقش ليا تعامل معاها علشان اقول رائئ
لكن اكيد مميزه جدا والا مكانتش اخدت مكانها دا

ربنا يكرمك يارب وعقبال مانشوفك مميز قريب بلون الأورنج


معايا ومعاكم
العضوه
Countess
سارونه ♥






اهلا وسهلا بيكي
في برنامجنا
بشكرك علي قبول الدعوه يا كونتيسه
ويسعدني انك تكوني ضيفتي في البرنامج

العفو وانا الي بشكرك لنو اصلا عاجبني برنامجك


نبدا باسمك الاول
وسنك
لو حابه
ساره سعد والكل عارف سني بقا زي ما حضرتك تفضلت من كام يوم كان ميلادي





ندخل بقي علي التوبيك
علاقتك بالتلفزيون

عاديه

بتتفرجي علي التلفزيون كتير ولا ايه نظامك ؟
اه

بتقضي قد ايه وقت قدامه ؟
ع حسب المود ممكن بقعد بساعات وممكن يدوبك المسلسل الي بشوفه

ايه الحاجات اللي بتحبي تتفرجي عليها ؟
بحب برامج الكوميديا خصوصا الي موجا كوميدي

وايه القناوات اللي بتعجبك عموما ؟
موجا كوميدي وقنوات النيل كلها عامه





التلفزيون السياسي :

بتابع اخبار مصر اكيد الفتره اللي فاتت
ياتري ايه القناوات اللي بتابعي الاخبار منها وبتصديقها ؟
اه طبعا بتابع هو مفيش قناه محدده
انا بصدق لما مثلا يكون الحدث لايف
مش موجز خبر يتقال من غير اي نقله بصوره الصوت

ومين المذيعين االلي بيعجبوكي وبرامجهم ايه ؟
برامج الي فيها قضايا تصدقها سوا سياسيه او غيره معتز الدمرداش
كاقضايا مصر
> وكمان فيه ع بيناقش قضايا الفساد بسعوديه
MBC > بيجي ع قناة

اسمو داودالشريان يعني دول بصدقهم عندهم مصداقيه


ايه رايك في حال البلد دلوقت ؟

حال البلاد مش مستقر بس ده طبيبعي بعد الثوره
> خصوصا مصر عانت كتير قبل الثوره من سرقة حقوقها قلة رواتب وغلاء بالأسعار
ف الشعب ناو بيسترجع ده

> طبيعي مفيش حاجه تجي مره واحده بالصبر هترجع مصر ان شاء الله
زي قبل خمسيين ستين سنه كان اقتصادها جدآآآ ممتاز






التلفزيون الفني :

نبدا بالافلام العربي

ايه نوع الافلام اللي بتفضليه ؟
رومانسي دراما اكشن .. الخ ؟ وليه ؟

بحب الكوميدي جدآآآآ لاء مليش في الرومانسي

ليكي في القديم ولا من الجيل الجديد بس ؟؟
لاء انا بقا تخصصي قديم

ايه قناوات الافلام اللي بتحبي تتابعيها ؟؟
فيه قنوات روتانا افلام جيده وكمان نيل سينما وكمان كايرو سينما

رايك في الافلام الجديده اللي بتعتمد علي الرقص والاستعراض ؟؟
لاء للأسف كل الفلام اغاني وكان المجتمع المصري قلب شعب هندي
بردو مننساش نقول فيه احمد حلمي الحمد الله
يعني افلامه كوميديه وكمان بتلقي
في افلامه بيناقش قضية ما >

اكتر ممثلين وممثلات بتحبيهم ؟
احمد حلمي > السقا
> مي عز الدين فظيعه هههه عبله كامل ملهاش حل ههههه
> بردو الممثله نور
> بحب الممثله السوريه كمان سولاف فواخرجي الي مثلة دور ببراعه كليو باترا

ومين الممثلين والممثلات اللي مش بتحبيهم ؟
بينرفزني وحيد سيف ههه مش كوميديان ده مهرج > بردو منه شلبي



ايه اكتر الافلام اللي بتحبيها ؟
فيلم ابوعلي بتاع منى زكي وكريم عبد العزيز
وكانك اول مره بتشوف منغير لا ملل ولا حاجه
> غير بقا افلام حلمي كلها مهما تابعتها مش بتحس مللل خالص


هل في فيلم سبق واثر فيكي لدرجه كبيره ؟

فيلم اسف ع الأزعاج رغم كنت بشوف الفيلم وبضحك عادي
بس في مشهد لما دلاال عبد العزيز الي هي والده احمد حلمي
بتقوله باباك مات هو طبعا طول الفيلم كان عنده انفصام ومتخيل انو بيكلم باباها

بجد قعدت اعيط




الافلام الاجنبي

ايه نظامك مع الاجنبي ؟
مش بحبها خااااااااااالص
وايه نوع الافلام الاجنبي اللي بيعجبكي ؟
ماقولت مش بحبها
وايه القناوات اللي بتحبيها له ؟
بردو تسألو ههههه
وبتحبي مين في ممثلينه ؟
هههه
وايه الممثلين اللي مش بتحبيهم ؟
مش بحبها الأفلام الأجنبي بحسها بتاخد جانب خااااااااااالص مش عارفه اقول ازاي >>
اكتر الافلام اللي بتحبيها ايه ؟

وهل سبق فيلم اجنبي اثر فيكي للدرجه ؟



الافلام الهندي :

ايه نظامك في الهندي ؟
مش اوي بس ميتاب وكمان الأفلام القديمه سبعينات وكدا بحسها مش كلها اغاني وبس
لا فيه قصه
مش بتابع فقط غير ميتاب وكمان لما كان صغير يعني ف السبعينات وكدا


بتحبيه ولا اي كلام معاك ؟
مش كلها تقريب نجم واحده


ولو بتحبيه مين نجومك فيه ؟

ميتاب >> وكمان في فيلم مارد جاااااامد الفيلم ده




المسلسلات المصريه

بتابعي مسلسلات ولا رمضان وبس ؟
اه بس بردو مش كلها

وايه المسلسلات اللي حضرتيها وعجبتك ؟
عجبني حكاية بنات جامد جدآآآآ
> كمان تابعت بعد رمضان عرفة البحر
معنو خلاص المسلسل وخرجت بكمية كائبه فظيعه


لو بتابعي حاليا فمسلسل ايه وعلي قناه ايه ؟
حاليا مسلسل تركي فاطمة


نجم تلفزيوني بيعجبك ؟
نور الشريف طبعا بعشقه الي بقدمه له مضمون

تتر مسلسل بتحبيه ؟
بعشق تتر حكاية البنات الي كنت بتابعه اهو هخليكم تسمعو معايه

[youtube]

الدراما التركيه

التركي عامل معاكي ايه ؟
اه بس مش كل مسلسل والسلام

بتحبيه ولا ايه ؟
مش كله

لو بتابعيه ايه مسلسلك المفضل ؟
كان مسلسل الحب المستحيل كان لذيذ كوميدي ودلوقت فاطمةالجزء التاني

ومين ممثلك المفضل فيهم ؟
مفيش لأن بجد مسلسلاتهم فيها تشويق فيه قصة يعني بتتفرج بتتفاجئه بالأحداث
ودي بقا المتعه وانت بتتفرج

ومين ممثلتك المفضله ؟
مفيش بردو بجد زي ماوضحة قصصهم فيها جديد ومضمون
عكس العربي بتبقا عارف الحلقه الأخيره هيحصل فيها ايه



نيجي بقي لجانب اخر في التلفزيون
الاغاني

بتتفرجي علي قناوات الاغاني في التلفزيون ولا لا ؟
اه

لو ااه : ايه القناوات اللي بتحبيها ؟
مزيكا

ياتري ايه رايك في القناوات اللي نزلت جديد التت والمصراويه والشعبيات والمولد والحاجات دي ؟
ههههه مش بتابعها والله

وايه رايك في نوع اغاني الموالد وحاجات اوكا واروتيجا وكاريكا والناس دي ؟
مش بتابع اغنية بصدفه لبوسي هههه سمعت اغنية بوسي هههههه قبل كذا يوم اعجبتني خصوصا شكلها مش شعبي تقليدي دي اموره

مين المغنيين اللي بتحبيهم ؟
طبعا ملكة الأحساسا إليسا وكمان بحب اغاني حماقي بتكون ع الجرح
كمان شرين كمان ع حسب لو فيه اغنيه حلوه بسمعها مهما كان مين بقا

وايه اكتر الاغاني اللي بتحبيها ؟
ع حسب المود ساعات اغاني مفرفشه وساعت حزينه وكدا

بتسمعي اغاني اجنبي ؟
نو بس لوجين قريب هتخليين مدمنة اغاني اجنبي هههههه

مين بتحبي تسمعيله ؟
حاليا مفيش بس شكل قريب من لوجين

وايه اكتر االاغاني اللي بتحبيها ؟
مفيش




في الاخير

اخر اغنيه سمعتيها كانت ايه ؟ وامتي ؟
تامر حسني قبل يومين اغنية انا حاسس انو موجود هنا وهيحس بيا لوحده مش قادر خلاص هموت انا هو فين
اخر حاجه اتفرجتي عليها في التلفزيون كانت ايه ؟ وامتي ؟
ع قناة روتانا افلام ابو علي




بس كده الاسئله كتير كالعاده
علشان تشمل كل حاجه
نورتي التوبيك يا ساره

ده نورك وتشكرآآآات ع الأستضافه القميله




بس كده بشكر ضيفتي مره تانيه علي الاجابات الجميله دي
عجبتني اجاباتها اوي
اللهم معادا حد ميحبش افلام اجنبي ويفضل هندي
اختيارها لاحمد حلمي وابوعلي وعبله كامل عجبوني اووي
واسف علي الازعاج

يالا تسلمي يا ساره للاجابات دي وكل سنه وانتي طيبه