[سارة بنت مصر]

قائمه تجهيزات كامله لكل عرايس العيد 2011 هذا الموضوع لكل العرايس المقبلات على الزواج وخصيصا لعرايس العيد اللي بيجلسون يجهزون ويحتاسون طول رمضان اولا : فستان الزواج لااازم تحددي هل بيكون مستاجر او بتشتري او بتفصلي ايه بالضبط من الاول عشان لا تضيعين الافكار وتجلسين تحتاسين وتدورين في كل مكان انا اخترت فالاول فستان كان بسبب استعجال وبعدين جاني منه اكتئاب بعد ما دفعا فلوسه وما رشيت الا رحت استاجرت فستان ثاني حلو لان كان مستحيل البس فستان مو عاجبني احرصي يكون فستانك فخم ناعم مميز وعلى الموضه بعد ويكون يناسب جسمك في قصته مثلا انا تناسبني قصة القلب اللي على الصدر بس لو نتي ما عندك صدر اظن تناسبك اكثر قصة الياقه وهكذا لازم تهتمي بالقصه ثانيا اللون عندك ثلاثة الوان الابيض والسكري وعندك الاوف وايت واللي يجي مطرز بالوان مثل الفوشي واللي فيه تدخيلات من الوان وتطريزات فانتي اولا حددي اللي يناسبك طبعا وفق الميزانيه اللي تحدديها لفستان الزواج وعندك فساتين بذيل وبدون فانتي اختاري حتى ادق التفاصيل في فستانك وتوابعه من مسكه وطرحه لو تحبي وحذاء واكسسوارات ثانيا : قائمة المشتريات ابتدي بالفساتين المطرزه والجلابيات وجلابيات الاستقبال والفساتين اللي حتلبسيها يوم الحنه مثلا او يوم الاخضر بحسب التسميه لانها هي اللي بتاخذ اكثر الميزانيه بالنسبه للفساتين المطرزه اختاري فستان واحد يكون فخم ومطرز ويليق تلبسيه يا اما فالصباحيه او فيوم الحنه وبرايي لا تكثري واحد او اثنين لانهم غاليين اولا وثانيا ما رح تحتاجي تلبسيه غير مره او في شهر مانتي عروس وبعدها ما لو لزمه ثانيا فساتين السهره المطرزه والسواريه والفساتين الانيقه وهذي انتي قدري العدد وهل بتاخذيها تصميم ام بتشتري جاهز وما انصحك تكثري لان مقاسك غصب عنك بيتغير بعد الزواج واسال مجررررب ولو خيطتي سوي فيه كم سنتيمتر عشان لو سمنتي شوي بس افتحي الخياط وكمان لا تكثري عشان الموضه متغيره ومو حلو تكرري فساتينك وحرام ترميها فنفس الوقت والحين دور الفساتين القصيره والناعمه لا تنسيها يتبع