عرض مشاركة واحدة
قديم منذ /11-21-2012, 11:27 PM   #1

SiLver Spectra

مدير عام ومؤسس العصر الذهبي للمنتدي

 

 رقم العضوية : 7111
 تاريخ التسجيل : Sep 2008
 الجنس : ~ ولد
 المكان : Damietta
 المشاركات : 22,358
 الحكمة المفضلة : لو القرد مات القرداتي هيعرف يشتغل ؟
 النقاط : SiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond reputeSiLver Spectra has a reputation beyond repute
 درجة التقييم : 5771666
 قوة التقييم : 2886

SiLver Spectra غير متواجد حالياً

إرسال رسالة عبر Yahoo إلى SiLver Spectra

أوسمة العضو

16 عطاء بلا حدود وسام التحكيم فىForumsGotTalent تكريم ادارى تكريم المركز الثانى  Arab Idol وسام تاج الاداره وسام النشاط الادارى 197 167 

Thumbs up حوار خاص مع الإداري السابق (أحمد) ,,

السلام عليكم و رحمة الله

استكمالا للحوارات الخاصة الي بجريها مع الاداريين السابقين
النهارده هيكون معانا الاداري السابق (أحمد)
أكيد كلكم سامعين عنه
أنا فضلت مش احط اسمه المستعار لانه غير اسمه خمسين مره قبل كدا
بس هو شهير بالاسماء دي


midorookie

MIDOROOKIE

Wa7eDMeNElNaS

wa7edmenelnass

MiDoRookiE

THE TECHNICAL

TECHNICAL

Deşpeяằdŏ

MISR GLORY

EGY GLORY

و أخيرا

ARAGON

ما شاء الله سجله حافل بالتغييرات
هو لو كان ريح نفسه من الأول و سمى نفسه سبيكترا كان ارتاح


:: :: ::
نبذة

للناس الي ما تعرفوش
أحمد من الناس القديمه الي اتعينت في الاشراف أيام أبو أدهم
كان مشرف الرياضة
و بعدين بقى مراقب عام في اول 2010
و من ثم اداري في مارس 2011
اختفى من المنتدى من صيف 2011 و بالتحديد في شهر سبعه

كان له دور كبير سواء ايام لما كان مراقب أو اداري
و كنت بعتمد عليه في تسيير أمور المنتدى حتى انه كان بيعين مشرفين و أخد كامل الصلاحيات الادارية
و هو له بصمته و أسلوبه و بينفرد في هدوءه بين كل الاداريين
بحكم الآراء الي كنت بسمعها فأغلب الناس كانت بتشكر فيه و بأخلاقه

أسيبكم مع الحوار

:: :: ::


منور يا تكنيكال و الله , تصدق اني ماعرفتكش بالسكسوكه و النيو لوك الجديد

, شوفت اهداءك شكيت في انك تكنيكال

. دا نورك يا طارق

والله حلوه السكسوكه دي ما عملتهاش من تسع شهور تقريبا

غيرت اسمي قبل ما ادخل بيوم كان egy glory

وكنت بكلم حنون قولتلها غيري الاسم وانا ها دخل خلته technical ومدخلتش

جيت تاني يوم بتقولي انت مش ها تدخل قولتلها بجد حاسس اني مليش نفس وكمان حاسس ان الناس في المنتدى نسيتني

قالتلي لا والله كل الناس بتسأل عنك قولتلها والله يا حنون لما بفتح المنتدى بحس اني داخل بيت جديد اول مره افتح بابه قولتلها غيريه خليه ARAGON

قولت الاسم ها يبقى ملفت شويه خاصة انه مش متناول للاعضاء

فيه ناس اخدت بالها من الاسم ولقيت اول رساله من مورووشو

فبشكره عليها وبتمنى ليه التوفيق




ميدو روكي العضو يحب يقول ايه لميدو روكي الاداري؟

. ميدو العضو يقول لميدو الاداري

والله فيه فرق كبير وفعلا حسيت بالفرق ده

روكي العضو بيقول ما اجمل عيشة الحرية

روكي الاداري يقول ما اروع ان تتحمل المسئولية

روكي العضو بيرد انت كنت مقيد وانت في الادارة

وروكي الاداري بيرد بيقول كنت مقيد بس كل ربطة وكل عقده كان بيبقى ليها اثر كبير

روكي العضو لروكي الاداري

كن كثير العطاء




ايه بقى موضوع غيابك دا

موضوع غيابي

الغياب اهم اسبابه بجد هي ظروف شغلي نسبة الوقت فيها كتير والاهم من ده كله المسئولية خاصة لما بتكون صافي الذهن بتركز في شيء واحد ده بيخليك قادر ع العطاء والانتاج.

انا بصيت للنقطة دي وخليتها الهدف الاول انه ازيد من تركيزي في شيء واحد ولو لفترة على سبيل التجربة

حاولت ادخل في دائرة منافسة في شغلي بس ده من غير ما يكون فيه ظلم لشخصي واركز فيه وفعلا لما بعدت شويه بدأت اتأقلم على الوضع ده حتى اني في اوقات كتيرة بدأت ما اضغطش على صفحة internet explorer حتى لمجرد اني اشوف خبر او اشوف أي شيء وفضلت على كده لفترة كبيرة

حتى اني جيت في وقت اني فصلت النت في البيت لانه ضعيف قولت مش مشكله هي قفلت على كده

بس صعب انك تتعود على شيء وتدخل في نقاط نقاشية واسعة وما يبقاش عندك تجديد لمعلومة او دراية بالاحداث فبدأت ارجع للنت من جديد بس تدريجيا بتصفح بسرعة واشوف ايه بيجرى في الدنيا وفي مصر بس من كتر الازمات بدأت امل فحاولت اشوف شيء تاني

قبل كده اول ما غبت كنت بدخل المنتدى كزائر وبلف فيه بس كنت بحاول اخلي عيني ما تجيش على تسجيل الاسم وكلمة المرور

اول ما عيني بتيجي عليها في الحقيقه بلاقي الماوس مشي لوحده وايدي على الكي بورد بتكتب TECHNICAL والباس ورد

وانتر في ثانيه بلاقي نفسي في المنتدى تلقائي

كل خطوة كنت بمشي فيها في المنتدى كنت بحاول اسيب اثر وكان عندي يقين ان الاثر ده ها يختفي لفترة لغاية اما يبدأ يظهر من جديد




انت كنت ناوي تغيب من زمان ,,قبل ما احطك مراقب في أول 2010 ,

و كنت نزلت موضوع عن انك ماشي , و بعدين كلمتك ورقيتك فقاعدن فترة تقريبا سنة و نص لغايه صيف 2011

فعلا كنت ماشي وكان فيه قبلها بفترة ضياء مشي وكام مراقب فحسيت انه فيه فراغ في المنتدى وكنت بادئ وقتها اتأقلم في شغلي وكان حصل قبلها كام مشكله خاصة في الشغل فحبيت اركز فيه شويه

استمراري في المنتدى وقتها لما دخلت دائرة المراقبة بتحس انك دخلت في بحر واسع ومش شايف ان المراقبة تفرق عن الادارة الا في نقاط معينة

فجيت في الوقت ده وقولت ابدأ في التأقلم وتقسيم الوقت حتى ان اللود عندي في الشغل بدأ يخف خاصة مع قلة استخدامي للمنتدى او التصفح فيه فكنت في اوقات كتيرة بحفظ صفحات المنتدى على الجهاز واحفظ المواضيع الجديدة خاصة النقاشية وأبدأ في الرد على المواضيع والتعليقات في اوقات فراغي حتى ان اغلب ردودي ممكن تلاقيها في دقايق متتالية الفرق بين الرد والاخر بيبقى دقيقه او 30 ثانية في اغلب الاحيان




انت كنت عامل حسابك فعلا انك هتنسحب من المنتدى ؟

هي بدأت تدريجيا علشان شغلي وكملت لما حاولت ارجع المنتدى من جديد بدأت ادخل لقيت معمول لجميع المنتديات في الشغل بلوك ولما رجعت النت في البيت لقيت برده صفحه المنتدى بلوك حاولت استخدم بروكسي ما قدرتش اتعامل مع لوحة تحكم الادارة لان البروكسي كان بيدخل ويعلق فيها ، وقتها حسيت اني وجودي غير مؤثر فطلبت اني اتشال من الادارة




طيب احنا كلنا لينا ظروف , انت ماكنش عندك و لا خمس دقايق في اليوم تفتح فيهم؟

و لا انت حبيت ما يبقاش وجودك زي عدمه طالما مش هتلحق تعمل حاجه

و فضلت الاختفاء ؟

والله نقطة الظروف دي كان اكبر مني شويه خاصة ان ظروف الشغل بتختلف من وقت للتاني وبيبقى فيه تطبيقات في شغلك جديده وبتبدأ فترة جديدة في التعامل معاها واكيد بتاخد وقت كبير بالنسبه للفترات البسيطه (الخمس دقايق) ردي في حاجه مهمة جداً اللي هيا "تواجدي في المنتدى من 2008 لغاية منتصف 2012 فترة كبيرة اكتسبت فيها دراية كاملة ومهمة جداً خاصة مع الاعمار المختلفة في المنتدى اللي كانت كل يوم بتطور وفيه اعمار صغيرة وكبيرة وكنا بنشوف توجيه الاعضاء اللوم للمراقبين والمشرفين في فترات كتيرة ومتقاربة على قلة عطائهم في المنتدى مع ان الشخص لما بيمسك اشراف "نشاطه بيقل" أعمال الموكلة اليه من الادارة بتزيد وضعه بيختلف من وضع انه يكون عضو مشارك إلى عضو صاحب مسئولية اشرافية وكمان مراقبة ردود اعضاء وكم كبير من المواضيع ده بجانب ان المشرف ده بيكون ليه هوايات واقسام بيحبها وبيتابعها"

مع الكم الكبير من اللوم والعتاب اللي اي حد بيشوفه بيحس انه مجرد عدم دخوله حتى ولو يوم اجازة مثلا بيبقى فيه تقصير وده من نظرة اعضاء كتيره جداً

فتعددت الاسباب ولكن دائماً النقد واحد

ده كان احد الاسباب المهمة في استمراري وبعدين ابتعادي ده بجانب ان الموقع عندي فيه بلوك




انت كنت متخيل انك مش هتقدر تدخل تاني المدة دي كلها ؟

في البداية بعدت فترة بسيطه ما كنتش متخيل اني ها رجع بالسرعة دي لكن لما رجعت حسيت بتغير مع بعض العوائق في النت عندي هي اللي زودت الازمة شويه وخلتني اقرر الابتعاد انا كنت عامل حسابي على منتصف 2013 لما ادخل من جديد او اتابع حتى من بعيد لكن لما بتكون حاسس ان البيت ده كان ليك علاقه بيه بتحاول تبص على الباب ولو من بعيد وتقرب منه حتى انك بتذق الباب علشان تشوف فيه حد ها يعرفك وانت جاي ولا لأ ده بيديلك احساس كانك واقف في صحراء وعطشان اوي والجو حر وفجأة تلاقي نسمة هواء بسيطه بتلمس جبينك وهو فيه مايه

ده كان الاحساس ومش عارف انا قدرت اوصفه ولا لأ




ايه رايك في فكرة الاداري المنتخب ؟ هل بتابعها ؟

الاداري المنتخب، فكرة بدأت في العرض بس ما لحقتش اتابعها بدرجة كبيرة

بس لحقت اول اختياراتها وشايف ان ليها ثمار جميلة

اهمها انها ممكن تأهل إداريين بدرجة كبيرة حتى ولو كان تواجدهم لفترات بسيطه

بس ده بيخلي ان المنتدى فيه كوادر على فترات متباعدة يمكن الاستعانة بيهم وده شيء جميل

زي الدورات بالظبط




انت كان ليك اعتراض تقريبا على الفكرة اول ما طرحتها عليك قبل عمل فكرة

المتحدث باسم الاعضاء , تقدر تقول ايه الاعتراض دا ؟

مش متذكر



انت عارف ان انا وقتها اجلت الفكرة لغايه ما انت اختفيت لان بقى في فراغ اداري

المتحدث باسم الاعضاء كنت موجود في بدايته بس كانت تقريبا نقطة تحفظي ان ممكن العضو المتحدث يكون عنده فكر عشوائي يعني مش حاطط منظومة معينة لكن مع تقديم السي في والهوايات والتنسيق مع الادارة بدأ يظهر بعض الامكانات المختفية بس كنت شايف ان اغلب اعمال المتحدث باسم الاعضاء انها بتنحصر في المسابقات وكان في بعض الاحيان بيبقى ليها كم كبير جدا وفي وقت واحد

فاصبح في النهاية "مرحلة تكسير عظام" لبعض الناس خاصة انه فيه ناس مش بتقدر تكمل مع ظروف شغلها ودراستها وغيره

نقطة تانيه في التحفظ اني كنت شايف ان المتحدث مش ها يضيف شيء جديد لكن كنت متوقع بصفته متحدث انه يبدأ يتكلم عن مشاكل الاعضاء وايه بيواجههم في مشاكل المنتدى لكن في النهاية انحصرت مسألة الفوز على مسابقات بكميات كبيرة في بعض الاحيان




حاسس ان فاتك كتير في المنتدى و انك غريب ؟

فاتني كتير اكيد

خاصة انا شايف ان فيه تطور وكنت سمعت ان السيرفر وقع من فترة

لكن الشيء الاهم هو لوحة التحكم حسيت بتغير فيها وكان التطور ده

يعني جاي في وقت زحمة ووقت انت بتحاول تخرج جزء من طاقتك

وانت مش مستعد انك تستقبل شيء جديد ده كان شيء "مش ها قول انه تقيل" لكن عامل زي اللي بيشرب شاي طول النهار وختمتها بفنجان قهوة او نسكافية

حاسسها كده بالظبط

فاكيد ها يبدأ في الصداع مش في الفوقان




مين من الاعضاء سأل عليك ؟

والله فيه ناس كتيرة بس لما بدأت اغيب اوي كان علاقتي بالناس اللي ع الميل عندي بس ما كنتش بدخله بدرجة كبيرة فحاولت اتواصل معاهم ع الفيس في بعض الاوقات

وكنت لما ادخل بلاقي حد بكلمه او ببقى فاتح الميل وبتابع شغلي او بعيد

اللي كان بيسيب ليا ماسج كنت برد عليها حتى لو بعدها بيوم

وانا بشكرهم جميعاً وبتمنالهم التوفيق




قولي بقى و كلمنا براحتك خالص مين من الاعضاء كان مميز على ايامك و اوعى تخرب الدنيا زي ضياء ههههه

على ايامي والله كان فيه كتير بس الاسامي كلها حاسس انها راكبه فوق بعضها

يعني ممكن اقولك سلفر الصامت او الحب اسبكترا يعني الامور دخلت في بعض شويه حتى اني بدخل دلوقت بشوف الناس في ثوب جديد

بالنسبة للمميزين اغلبهم حصل على التميز في تواجدي في الادارة ومنهم اصبح مشرف ومنهم في المراقبة

والناس دي اصحاب مجهود




ايه رايك في المنتدى دلوقتي ؟ و ايه اكتر حاجه لفتت انتباهك ؟

التغيير في الاستايل وكمان فيه حاجات لذيذة بس شايف ان نسبة المتواجدين بتبقى متفاوتة

شايف تعديل في الاحصائيات والراديو

لذيذ الراديو بس الناس اللي فيه مع اول احتكاك والخروج من شيء ضيق لشيء اوسع ده بيبقى فيه فرق وشايف انهم عندهم الموهبة واكيد مع الوقت ها يبقى ليه شيء متطور وفيه اكشن عالي ها نشوفه في الفترات الجايه




كانوا بيقولوا عليك انك متفاهم و بتصاحب الاعضاء و كدا , ايه رايك في المدح دا




والله الحمد لله

انا نسبة العصبية عندي عالية اوي وكمان بتبقى صعبه

بس بحاول اتغلب عليها يعني ما بخليش رد الفعل سريع بحاول اتمعن في الرد والتعامل وده شايف انه ليه اثر كبير في تعاملي مع الناس واتمنى ان مفيش حد يكون مضايق مني




احكيلنا عن موقف ظريف ليك في المنتدى ؟

والله مش فاكر يا لهوي امسح السؤال ده

والله ما فاكر اتغديت امبارح ولا لأ




ايه اكتر موضوع كنت حبيته في المنتدى ؟

والله مش متذكر بس فيه مواضيع كتيرة واصحابها اصحاب اقلام مميزة في المنتدى وتقريبا ربع المواضيع في قسم الاقلام مميزة ونسبتها عالية في الطرح




اكتر وقت كنت بتحب المنتدى فيه امتى ؟

والله كل الوقت

بس دايما الظروف بتحكم




عندك نيه للرجوع و لا خلاص كدا كفايه ؟

والله بين البينين

وانا دايما مش بحب احكم على شيء بسيب الامور للظروف

ممكن الحال يبقى تمام وابقى متفرغ للمنتدى في اوقات كتيرة

وممكن لا

بس دايما بنتمنى التواجد مع الجميع في المنتدى وخاصة لما بتكون عشرة عمر بتفرق




نورت يا بو حميد

دا نورك يا بطروق



:: :: ::







  رد مع اقتباس