نشرة اخبار الخامسه والعشورن
اهلا وسهلا بكم ونشرة اخبار الخامسه والعشورن
واليكم العناوين
1/ اعلان خبر وفاة طنط جمالات
2/ سر ارتباط كونتيس بصورة اليسا
3/ مبارة كرة قدم بين فريق زبادي ( بنات المنتدى )
وفريق عيش ناشف ( شباب المنتدى )
واليكم التفاصيل
1/ اعلان خبر وفاة طنط جمالات
طنط جمالات تعيشوا انتو
قد نشرت اليوم خبر بجريده الجمهوريه
واكدت صحة الخبر قناة الجزيره
ان طنط جمالات قد وفتها المنيه
مما احزن الكثيرون وقد انتحر 15 شاب زي الورد
من المنتدى حزنا على سندريلا الشاشه
وكانت التفاصيل مع
عيسوي قميص مخروم
حيث اكد ان سبب وفاة المحروقه هو انها شربت ميه معدنيه
طبعا معدتها متعوده
على المياه الملوثه فطبعا جاتها صدمه روماتزميه
في مناخريها وهذا السبب ليس سبب وفاتها
سئلنا عن السبب اخبرنا اﻻخ ابو قميص مخروم
انها اكلت كنتاكي عشان بتحب ميسي
وهو بيعمل الاعلان بتاع كنتاكي وبيقول ( انا احبه )
لكن مش ده السبب الحقيقي
ولما سئلناه ما تخلص يا اما نخيط لك القميص
قال
ان سبب وفاتها انها غسلت شعرها بشامبو
كلير لانها من عشاق كريستيانو رونالدو
فالغريب ان الشامبو مع الجاز اللي كانت بتحطه
في راسها
عمل اشتعال وقامت حريقه في دمااغها طلبنا
مطافي المركز
وجت لكن الميه لم تكفي للاسف راح جوزها السيد
حنجره قام بضربها على دماغها فاطفئ الحريقه
والخبر الجميل الذي سيسعد الكثير ان طنط جمالات لسه عايشه
2/ سر ارتباط كونتيس بصورة اليسا
سرر ارتباط سارونه بصورة اليسا
لكشف الحقائق وعدة تساؤلات في اذهان الكثيرون
ايه حكاية صوره اليسا مع سارونه
ولما سئلنا المدعوه اقصد العضوه
اجابت
انها بتحب اليسا والسر ان في تشابه في اﻻسم
اليسا واخده منها حرفين
ساره اليسا
قلنا ده سبب غير مقنع
قالت ده اللي عندي
ومن خلال وسائل المخابره الخاصه بنا
اكتشفنا ان سارونه عندها محل ملابس على اول شارع
فيصل بن زغلول
ده اخو سعد زغلول للي ضعيف في التاريخ
المهم محل ملابسها في شارع فيصل بن زعلول
على اول الشارع لو انتا جاى من عند البنزيمه اللي
على الشمال تحت كوبري
ابو الوفا وابو الوفا ده اخو ابو العلا بس بعد
ما اتخانقول
قسموا الكوبري واحد اخد العمدان وواحد اخد الكراسي
والجسر
وهناك عشان منتهش احنا كنا بنقول ايه
اه المحل بتاع
سارونه هناك لقينا محل الملابس بتاعها كله ماركات
وعرفنا السر
ان اليسا بتاخد لبسها من هناك
والعضوه مغطيه على الموضوع وبتعمل دعايه للملابس
وليس ﻻليسا عشان مش مشهوره
3/ مبارة كرة قدم بين فريق زبادي ( بنات المنتدى )
وفريق عيش ناشف ( شباب المنتدى )
مبارة كرة قدم بين شباب المنتدى والفتيات
قامت اداره المنتدى بتنظيم مباره وديه بين فريقي
الشباب باللون اﻻبيض والبنات باللون اﻻسود
تحت شعار يومكم مش فايت يا بنات 
هنقول التشكيله على السريع
فريق الشباب بيتكون من
واد حبيب في حراسه المرمى عشان شكله قصير
وخط الدفاع مسك الشهاده
وكينج ليون
واحساسي صحيح
و
ومحمود مشرف الالعاب عشان محدش يقدر يعدي
وخط النص
احمد الحلو ومورشو وطائر الشرق والقيصر والرجل المتواضع
واحضان الحبايب
وصانع العاب
حودا ( الادراي )
واتنين هجوم
طارق سلفر عشان شكله ملوش في الكوره
وساحر اﻻحزان
فريق البنات
حراسه المرمى وهج اﻻيمان
خط الدفاع يتكون ليبرو متاخر عشان تبقى قريبه
من وهج الايمان ويشتغلوا حكاوي
وهي لوست بيرل
قدامها
تلاته كوين سوما وهمس القلوب وبنوته بريئه
وطمطم وحتة سكره
خط النص
دمعه حائره سلفر فلاور وعاشقة الهدوء
وعضوه اسمها رباب
بس مش عارف اسم عضويتها ايه مكتوب ايه
عشان مكتوب بالمشقلب
واتنين راس حربه مع بعض
د/ سما والاميره ورودي وياسمينا وزهرة الشتاء
مش عارف فريق البنات ليه في 5او 6 زياده يمكن عشان ضعفاء
...........
ولما سئلنا الحكم ليه مش عاوز يسفر ونبدأ المباره
قال
تعالوا شوفوا البنات
راحو فريق الشباب العتاوله يشوفوا البنات
فلقوا
وهج اﻻيمان
سايبه الماتش وبتلعب عقله في العارضه استعداد لمبارتها
القادمه مع جون سينا في الرو على الحزام اللي بيلف
ولوست بيرل
كاتبه في ورقه سر اسمها ومعناه
وهو لو ست يعني ( لو ست البيت عاوز تغسل الاطباق )
بيرل ( يبقى اكيد بيرل ) مش فيري
لقينا همس القلوب
وبنوته برئيه
سايبين الماتش وقعدين يلعبوا بلي فهمس
ضربت بنوته واخدت منها الدبدوب وبنوته قعدت تعيط
سبنا دول
وروحنا لطمطم لقيناها بتفكر
يا ترى هي ليه اسمها طمطم
فقررت تغير اسمها لان عم شكشك العجوز كان بيغتت عليها
وزيكو كان بيعاكسها في الرايحه والجايه
راحت اشتكت لطنط شفيقه
بس كان بتجهز الاكل لمرمر ونفضت لطمط
اما حتة سكره
كانت بتفكر في العريس بتاعها عسل افندي
وهو موظف في شركة الحلويات الكبرى تحت اشراف
بسطاوي هات حته
لحد ما اتصل بيها وكانوا بيتكلموا مكامله حلاوه اخر حاجه
كوين سوما لقيناها ماسكه الفانله
و بتفكر هي ليه رقم 5
وراحت رامت الفانله وقالت والله مانا لاعبه
دمعه حائره
واقفه سرحانه يا ترى لو غيرت
صورة لميس هحط مين مكانها
سلفر فلاور
كانت راجعه من الاهرمات وبتكتب موضوع سر اختفاء
ابو الهول اكيد نايم تحت السرير
عاشقة الهدوء
كانت جايبه 15 كيلو رز في طبق كبير وقاعده وبترمي
رزه رزه وهي بتقول هتجوز لا مش هتجوز معاها
15 سنه على ما تعرف تكون عنست
عضوه اللي اسمها رباب فرحانه وبتقول حلو الاسم
كده عشان الاعضاء متعرفش تقراه وقررت تغير اسم
رباب وتخليه ايزيس عشان بتحب اشعار هشام الجخ
ود/ سما
بتفكر انها تعمل برنامج اسمه طبيبك الخاص
في قسم الشكاوي وكل اللي بيشتكي من مرض نفسي
يدخل يتعالج وان شاء الله البرنامج هينجح جدا
الاميره رودي
بتفكر هو ليه القسم اللي مشرفه عليه اسمه
صفحات مكشوفه كده ممكن ياخد برد وحتى احنا
في فصل الشتاء لذا قررت ان تجمع تبرعات من كل اعضاء
المنتدى تحت شعار
استروا على القسم ربنا يستر عليكم
ياسمينا
قررت تغير اسمها ولما سئلناها عن السبب قالت
لان الاعضاء اكتشفت السر الخطير
وهو ان معنى الاسم ياس وهي تعني نعم ومينا تعني لا اقصد
وهو موحد القطرين وكل الاعضاء في المنتدى ضد التوحيد
وضد مينا لو احمس مفيش مشكله فسابت الماتش ومشيت
زهرة الشتاء
جايبه ورده قرنفل وقاعده بتغتي
اغنية اليسا كنا في اواخر الشتاء
نعم هذا هو الاسم المطابق للحدث تغني للشتاء
وتمسك بيديها زهره
المهم فريق الشباب اتخانق مع الحكم
فالحكم صفر وفريق البنات كل بنت في وادي
والنتيجه انتهت 50 / صفر لصالح فريق الشباب
الف الف مبروك
وتم صرف لكل عضو 5 جنيه ونص مكأفاه
ووجبة شاورما وانهم من حقهم ياخدوا الرز اللي مع
عاشقة الهدوء كل واحد هياخد كيلو ونص
الى هنا تنهي نشرة الاخبار اتمنى ان تكون نالت الاعجاب
واتمنى ان مفيش حد يضايق اني جبت اسمه في الموضوع
كلنا بنضحك وبنهزر اكيد وكلكم غاليين على قلبي
انتظروني وحلقه جديده من النشره ان شاء الله