رغم اللى فات من عمرى
والسنين .. والحنين
مش ندمان عليكى
احساس عمال بيكبر جوايا
بيقولى لازم
انهى علاقتى بيكى
من يوم ماعرفنا بعض
حاسس بحاجة نقصانى
اعيش فى حالة
وتاخدنى حالة
الاقينى ببعد عنك تانى
مكنتش مطمن
ودايما في خوف واخدنى
خايف من كل حاجة
حتى وانتى فى حضنى
ومشاعرى متواهنى
احساس فى قلبى
ومليون سؤال
فاقد لأحساس الامان
وكل يوم بالف حال
مرة بلاقينى مشتاق
واول ماشوفك.
ينتهى اى اشتياق
وكتير بخاف من سيرة بعدى عنك
وساعات بتمنى الفراق
مبقتش عارف ..
انا مين فى دول
انا شخص واحد ..
ولا كــل دول
احمد
التعديل الأخير تم بواسطة sad prince ; 01-09-2013 الساعة 09:20 PM |