اولا اشكرك على روحك الجميله ي ساره
وكل الحاجات اللى انت شوفتيها فى مصر لسه موجوده
بس زى ما قالت مرام اللى نزلوا يا اما صغيرين جدا ومش فاهمين ونازلين يهيصوا فى الهيصه وعاجبهم شكل النار وضرب العساكر والتخريب والجرى وخلاص
يا اما شوية بلطجيه ماجورين من النظام السابق عشان يوقعوا اى حد جاى بعدهم وخلاص والاسم ثوار
وبما انهم ثوار يبقى محدش له الحق يمد ايده عليهم حتى لو موتوا ناس من الشرطه فهما فاكرين انهم لهم كل الحق فى كدا
رغم انهم لو فكروا ثانيه هيعرفوا ان الشرطه دول ناس زيهم بالظبط ليهم اولاد وبيوت وامهات وزوجات
وهما مفكرين انهم هما اللى بلطجيه وفى الاخر تطلع المعارضه اللى منها ناس اساسا من النظام السابق ويقولك فين الشرطه مش قايمه بدورها مع ان الشرطه لو قامت بدورها هتقتل منهم كتير ونرجع تانى نقول شهداء وليهم حق التظاهر وماتوا عشان الشرطه بتحمى الديكتاتور
زى ما كان زمان محيط قصر الاتحاديه بتاع الرئيس مقفول ومش مسموح لحد يعدى منه
دلوقتى لما اتفتح وبقى الناس يعدوا منه عادى بيقولوا ليه مقفلوش وحط فيه قوات عشان تحمى القصر يعنى فى الحالتين الرئيس بيطلع غلطان ومش واخد فرصه كامله فى اى حاجه بيعملها
وكل ما يعمل حاجه يطلعوه غلطان يرجع فيها يقولوا دا شخصيته ضعيفه ومعندوش قرار يعمل ايه عشان يرضيهم يؤمر بضرب اللى بيضرب ويبقى كدا ديكتاتور ولا يؤمر بالتعامل براحه معاهم
وهو كدا شخصيته ضعيفه
ولا البلاك بلوك اللى مسميين نفسهم ثوار والاعلام بيدافع عنهم طيب ازاى انا ثائر وفى نفس الوقت اعلن ان انا اللى بكسر مقرات الاخوان والمطاعم والمشكله الدفاع المستميت من القنوات والاعلاميين عنهم لمجرد انهم ضد النظام وخلاص
وهما اصلا اول ما ظهروا ظهروا فى امريكا والقوات هناك كانت بتعاملهم بالعنف فى بلاد الديموقراطيه عايزنا احنا نعاملهم بالرافه لا طالما هم مخربين ياخدوا جزائهم
فهى دايره مقفوله كل ما نلف نرجع للنقطه الاصليه تانى فاحنا ملناش غير الدعاء ان ربنا يفك الكرب اللى احنا فيه ويحفظ البلد دى من اشباه الثوار زى ما بيقولوا
واسفه طولت عليكى بس حبيت اوضح بعض الامور
وشكرا مره تانيه ^^
|