وإيه يعني
أكون العاشق المهزوم
وكل العشق ودعني
أكون فارس
أعيش حارس
أغني ما حد يسمعني
أدوب حرمان
أسى وأحزان
مع تمني
وايه يعني
حياه سايره
قلوب حايره
محدش فاهم التاني
وكل الكل بيعاني
وألف شطوط مع مواني
وكل الدمع لوعني
وايه يعني
اكون معجون بتصويرك
واشم بقلبي دا عبيرك
واقول يامصر رغم الصبر ويا القهر
كتر ألف خيرك
ما منك ماليش غيرك
ومين غير حضنك الدافي يابلدي بس هيسعني
وايه يعني
اكون موجود
وألف حدود
واروح أو اعود
بألف وجود
وألف طريق يضيعني
وايه يعني
حياه ماشيه وناس حايره
وعجلات الحياه سايره
وكل الكل فيك ياتراب
وننعي حياتنا الجايره
وأقول تاني
وأتوه مني
وايه يعني
ايه يعني