شاعر عمال بيشعر
بكلام حلو وموزون
بيخلي جسمي يقشعر
ويلٌمع فـ العيون
وبدون سبب ومبرر
يطلع كلام مكتوم
كلام مُرُه مكرر
يهز كل الكون
ومراره يبقي مسكر
علي قلب عم الفنان
و نقراه ف نتلخبط
ونفتكر ايام زمان
وهو هدفه يظبط
الرتم و الالحان
ده شاعرنا ده بيستعبط
وعاملي فيها فرحان
مع ان شجنه متبت
ف قلبه اللي حزنان
ولا منه هو بيسكت
ولا منه يبقي فرحان
ده شاعرنا ده خلبوص
ومداري كتير جواه
بيضحكلنا مخصوص
عشان منزعلش معاه
ساعه ما يكون مقموص
بتكون الهموم شلاه
وجواه يكون مرصوص
حجات كتير وخداه
فا حملك علينا شويه
ياعم يا فنان
واكتب قصيده وهميه
للفرح اللي البهتان
يمكن يحن عليا
يمكن يظهر يبان