أول كلامي بصلي ع المصطفى العدنان
وأقول من كل قلبي
الحمد لله كمان
شوفوا بقى يا طيبين
الفكره مش كلمات ومش ألوان
الفكره حره وليدة الاحاسيس
نابعه من الوجدان
الفكره انك ترسم لبكره باب أمل
ممنوع من الأحزان
مكتوب عليه الخير جميل
معجون بلون الحب ويا الامتنان
الفكره انك تكون كاتب بشكل فريد
وتعلم الناس مشاعر الخير في كل مكان
الفكره حبك لبلدك يكون كده صادق
من غير تهويش ورتوش ولا بهتان
الفكره انك تقول الحمد للديان
الحمد لله الواحد الرحمن
الفكره انك تحافظ غيبة غيرك
وتكون حبيب له فعلا بكل الكيان
وتصون السر يا صاحبي وتفضل كبير
وتفضل في حالك كده وبعيد عن الهذيان
الفكره انك تعيش الحياه بكل الخير
وتوهب الخير للكل ب المجان
ياترى الفكره دي تنول رضاكم
ولا اعتبرها مجرد كلام واحد حيران