بسم الله الرحمن الرحيم
اهلا بيكم جميعا فى
( حملة الوفاء )
ايون ( حملة الوفاء ) لمدة اسبوع
كل واحد فينا اكيد فى اعضاء بيحترمهم جدا وبيكونو
كل حاجا فى حياتهم مش على النت بس ممكن كمان فى حياتهم الخاصة
وهتلاقى كتير منا بيعرف اسرار خاصة جدا عن بعض الاعضاء
ودا نتيجة للثقة المتبادلة بينهم والحب والاحترام الـ بينهم
الفترة الاخيرة فى المنتدى كلنا شاهدنا الخلافات الـ كانت بين الاعضاء
سواء خلافات ( سياسية ) او ( اختلاف الاراء والتعصب ) او ( العند وعدم القناعه بالخطأ )
عشان كدا حبيت اعمل الـ ( حملة ) دى وهتكون بعنوان
الوفـــــــــــــــــاء
الموضوع مش هطلب منكم حاجا صعبة خالص .
كل الى عايز يشارك فى الحملة هيعمل حاجا بسيطة جدا مش هقولك .
نزل مواضيع والا التزم بمشاركات كل يوم والا روح اعمل حوارات
او عرفنا على فلان او فلان .
كل الـ هتعملوة هو الاتى :
هنكتب فى توقيعنا
حملة الوفاء :
وهنكتب اسماء الاعضاء الى بنعتز بيهم وبنحبهم
هنكتب اسماء الاعضاء الغائبين من فترة وكان ليهم دور مهم فى المنتدى
هنكتب اسماء الاعضاء الـ دخولهم بقى قليل جدا الفترة الحالية
هنكتب اسماء الاعضاء الـ عايزين نقولهم ماتزعلوش مننا
هنكتب اسماء الاعضاء الى عايزين تقولولهم حاجا .
الحملة هتبدء من دلوقتى ان شاء الله
( الاربعاء ) ( 20 / 2 / 2013 )
حتى
( الاربعاء ) ( 27 / 2 / 2013 )
اتمنى من الاعضاء وطاقم الاشراف والطاقم الادارى المشاركة
فى الحملة .