بتهزروا وتقولوا انت انسان صميم
وانا ف الحزن فعلا انسان صميم
وبيبان شكلي وكأني سليم
مع ان قلبي ده انسان لئيم
بيخاف يبين جرحه الأليم
فـ يضحك قدامكوا ويعمل عبيط
وفـي الهيصه يفرح بالعبيط
ويزيد ف تمثيله وكمان يزيط
وده كله بيتعب جرحه الغويط
فـ يلا قولوا " انت انسان صميم"
وعلي راي واحد صحبي قديم
قاللي مره انت انسان معاق
كلامك صح انا معاك
معاق عشان جرحي فتاك
واخر السكه دي الهلاك
والحزن بيقولي وراك وراك
ولو اقفل عليه كل البيبان
بيهرب ويجيلي من الشباك
شوفتوا ازاي انا انسان معاق
وشوفتوا ازاي علي طول مكسور
وما يبانش عليا ابدآ فتور
وضحكي عامل زي سور
ومخبي وراه جرحي الاليم
جرحي اللي ديما رافض يبان
ومقفل علي نفسه كل البيبان
جرحي الضعيف جرحي الجبان
جرحي اللي عمره ما هيكون كليم
ما هو لو فيوم قال انا هتكلم
هيبوح بحجات تخليك تتألم
وهيكون زي حد متلم
ماشي علي رقابتك بالبطئ
فـ هخلي جرحي ف الصميم
وهقول انا قلبي جامد سليم
وهخلي قلبي كما اللئيم
يضحك ف وش الناس كعادته
ويبات طول الليل أليم