 ثورة بطيخ (أكمل القصيدة)
 ثورة بطيخ
سجل يا تاريخ مصر معاك
شعــب عمل ثـورة للتاريخ
سجل ولاد مصر الأحرار
رموا على بعض الشماريخ
سجل عيال مصر الأطهار
ضربوا في وش بعض الصواريخ
سجل شعبنا لعن الثورة
وقال عنها ثورة بطيـــخ
كره الثورة من أيادي ورؤوس
ثيابها أصابها من دمائنا التلطيخ
شعب باع أمه في محنتها
وسابها قدام كل مدفع وسيخ
شعب ميعرفش يفرق بين
نصاب دجال وبين عالم وشيخ
كنا كلنا بنحلم بثورة وحرية
ولما جاتلنا مسكتناش عن الصريخ
مقدرهاش والله حق قدرها
بلد عظيمة على مدى التواريخ
بلدنا زي سمكة في قلب بحر
عايزة تحمي الي فيها من بطاريخ
ونخبة قالت إنها معارضة
ومخدناش منها غير التلبيخ
وجماعه فاكرة إنها العظمى
الدين بهارات ليها على الطبيخ
شعبنا قال يوم من أيام مبارك
أرحم من أيام ضرب وطاخ وطيخ
حرام يا ناس سمعت لمنافقين
عايزين منفى لكوكب المريخ
دينكم وأخلاقكم ضيعتوها
أصولكم لسه محتاجه ترسيخ
بيتنا اتهدم وسقفه علينا داب
وجدرانه متبهدله وأصابها التشريخ
بركاتك يا وزارة حلوة
نزلتي سعر القوطة والفسيخ
ورفعتي السعر من ناحية تانية
جيوبنا منفضة وجلدنا اتهرى من التسليخ
عارفين لو كنا اتعلمنا من أخطأنا
مكنش عاد نفسه التـــاريـخ
ولكن سجل في كتبك يا تاريخ
ثورة طلعت قرعة زي البطيخ
التعديل الأخير تم بواسطة booody99 ; 02-25-2013 الساعة 03:52 PM |