[Hearts Whisper]

السلام عليكم ورحمة الله وبركاته نمر فى حياتنا بمراحل مختلفة ,,ولكل مرحلة مذاقها الخاص ,, ولكل منها مساوئها ومميزاتها ,, وجميعنا مر باصعب محلة فى الحياة ,, وهى مرحلة المراهقة ,, وهذا محور حديثنا اليوم سنحاور شخصيتان ,, احداهما مرت عليها هذه المرحلة ,, والاخرى مازالت تمر بهذه التجربة ,, سنعرض عليهم نفس الاسئلة ,, لنرى مدى فرق الاجابات بين المرحلتين والان مع اولى فقراتنا سنتحدث فى هذه الفقرة مع ادارية اثبتت وجودها المميز بفكرها ورؤيتها واحترامها معنا ومعكم ادارتنا المميزة جدا حنون ودا كان حوارنا معاها اهلا بيكى حنون وميرسى اوى لقبول دعوتى ؟؟ العفو مرسى ليكى انتى ع الدعوه الجميله ^^ فى البداية حابة تعرفينا بنفسك وسنك ؟؟ حنان عندى 24 سنه طبعا كثير منا مر بمرحلة المراهقة والكثير مازالوا يعيشون هذه المرحلة ممكن تقوليلنا ايه هو مفهوم المرحلة دى من وجهة نظرك ؟؟ هى مرحله خروج من دور الطفوله لاحساس بالذات وانك بتكبرى وبتلاقى نفسك بتفكرى فى كل شئ وحابه يكون ليكى شخصيه مستقله بتحاولى ان الكل ياخد باله منها بتحبى تكونى مختلفه فى البدايه الامبر بيكون لمجرد الاختلاف لكن بعد كدا لما بنخرج لمرحله النضوج يعنى بيساعدك فعلا انك تكون مختلفه وليكى راى نابع من تفكريك انتى .. فى بدايتها بتحسى بكل الاحاسيس المختلفه الى عمرك مافهمتيها اهمها الحب طبعا بيكون مؤقت لانو فى المعظم بيكون بس عشان تحسى بالاهتمام وان بئه ليكى شخصيه وفى حد بيحبك وبيهتم لامرك عشان كدا الحب دا بينتهى بمجرد ما بنفهم وقتها يعنى ايه حب بين طرفين .. ممكن نعرف ازاى مرت بيكى هذه المرحلة ؟؟ ياسلام ع الاحراج والله عدت بسلااااااااااام تاااااااااااااام وهدؤ منقطع النظير ههههههه عمتا كنت حاسه وقتها انى كبيره اوووووووى ماينفعش انزل لمستوى المراهقين بئه واحب واتهبل وكدا بس بردوا وقتها كنت بحب اختلف لمجرد ان يكون ليا راى معاكس للى قدامى والله دلوقتى بفتكر افكار ايامها بضحك ضحك ههههههههه بس فى المجمل كنت طبعيه جدا ما حصليش مشاكل يعنى "البركان الثائر" هذا التعبير افضل ما يمكن ان نصف به المراهق ما رأيك به ؟؟ صح لانو المراهق فى المرحله دى لو اتعاملتى معاه على اساس انو عيل وايه يفهمه دا هيلجأ لصحابه فى انو يتعلم منهم ولا يكلم معاهم ومش هيشوف حد غيرهم مهم فى حياته وهيهمش دور اهله تماما ووقتها هيتعرض لمشاكل كبيره وقتها مش هنعرف نحلها بطريقه صح لانو بيكون فات الوقت وهو بيكون اتاثر بيها سوا نفسيا او حتى اجتماعيا كثير من المراهقين لا يحبون اطلاق هذا اللقب عليهم فما رأيك فى ذلك وهل كنتى ممن لا يحبون ذلك ؟؟ صح انا لما كان حد بيقولى كدا كنت بدايق جدا لان كنت حاسه نفسى فاهمه وعقلى كبير فالازم تتعاملى معاهم على الاساس دا لان المرحله دى هما بيكونوا حاسين بنفسهم جدا وشايفين انهم مش اطفال وان ليهم حق يحبوا ويكلموا فى كل شئ ويكون قرراتهم باديهم من غير ما اى حد يتدخل فا الما تتيجى تتعاملى معاه عكس ما بيفكر اكيد هيحصل صدام بيكنوا ومش هنعرف نتواصل خالص معاهم ولا نفهم احتياجتهم ولا هما عاوزين يوصلوا لايه المرحله دى اهم مرحله فى تكوين الشخصيه فازى عاوزه تكون شخصيه ساليمه وانتى بتتعاملى على عكس ما بتفكر وبتنقديها فى كل شئ ؟؟ الخجل والانطواء و العصبية والتمرد وكثير من الصفات المتناقدة يتصف بها المراهقون ممكن نعرف من وجهة نظرك ايه السبب فى كدا وانتى كنتى من اى نوع منهم ؟؟ ماهو ممكن تلاقى فيهم كل دا بسبب انهم مش لاقين الى يفهم احتياجتهم ولا يفهم هما بيفكروا فى ايه فاهتلاقى منهم العصبى المتمرد على كل شئ وهتلاقى فيهم الى بياخد جانب السكوت فى البيت ويكون منطوى جدا لانو بردوا فقد الامل فى وجود شخصيه تحققله التكامل وتفهمه وتحس بيه وقتها بيلجا للحب بئه او لاصحابه والاتنين بيكون اثر سئ على اسرته وبردوا مش بيعرفوا يتعاملوا معاه .. انا كنت بضحك وبهزر علطول وكنت بحب ابان انى قويه اوى ومافيش حاجه تكسرنى ولا تزعلنى كنت واخده بئه دور العاقله بين صحابى وانى انا الى بنصحهم وكدا رغم ان المراهق فى هذه المرحلة يميل الى الاستقلال والانفراد بنفسه الا انه على النقيد يحتاج الى التقرب الى الاهل ممكن نعرف رأيك وازأى قدرتى تتعاملى مع هذا اثناء مراهقتك ؟؟ والله انا دايما كنت مرتبطه باخواتى جداااااااا مافيش اى حاجه افكر فيها او تحصلى الا كنت اقولهلهم واتناقش معاهم وكنا دايما بنفضل نكلم كتييييييييير وكانو بئه يقعدوا ينصحونى ويقوللى ع الى حصلهم فى الوقت دا وكنت اروح انا بئه اطلع كل دا على اصحابى ههههههه طبعا فى اختلاف كبير بين حياة المراهق فى مجتمعنا وبين حياته فى معظم المجتمعات الغربية وبالتالى بيأثر دا بينعكس على شخصية المراهق ممكن توضحلنا الفرق ؟ الحقيقه احنا شعب معظمه بيطلع ولاده معقدين ههههه من كتر ماهم مش بيتهموا بالمرحله دى وبيشوفوها انها مرحله هايفه وهتعدى وخلاص ما يعرفوش انها نقطه تحول فى حياه الانسان فا بيتعملوا معاها على عكس اى مفهوم طبيعى مش بيكون عندهم الوعى الكافى الى يخليهم يفكروا فى احتياجات المراهق دا على اد ما طول الوقت تلاقيهم يقولوا انت مفكر نفسك تكبرت وبئه ليك شخصيه وعاوز تنفذ كلامك فا الطبيعى بتلاقي الولد او البنت بيحاولوا يثبتوا شخصيتهم بكافه الطرق الخناق بئه او العصبيه او انهم يعملوا عكس كل الى اهلهم عوزينه ... انما الغرب يابنتى دى ناس قبل ما بتخلف بتروح تتعلم ازى تتعامل مع الطفل فى كل مراحل حياته من الطفوله للمراهقه للشباب انما احنا عايشين بالبركه كدا هههههه قى الغالب المراهق بيميل للظهور والتقليد ومن الواضح ان كتير من مراهقين المجتمع الشرقى يحاولون تقليد المجتمعات الغربية ايه رأيك فى ذلك ؟؟ طبيعى عشان بيشوفوا ان دى ناس وخده حريتها الاخرين بيحترموا ارائهم وشخصياتهم مش بيتعاملوا معاهم على انهم اطفال بيتكلموا معاهم وبينزلوا لمستوا تفكرهم انما احنا الحقيقه عندنا هوايه قهر الابناء والشباب معرفش ليه ونعتب بعد كدا ونقول انت بتقلد ومعرفش ما اهو اتجه لطريق التقليد لان ماحدش اهتم بيه ونمى قدراته الى تخليه يبتكر ويكون شخصيه مستقله بيه مش تقليد الاخرين حب المراهقة يقول عليه البعض انه برئ وبداية لمعظم المراهقين فبالتالى يؤدى دائما الى الفشل ما رأيك وكيف مر عليك هذا الحب ؟؟ مش حكايه فشل هى حكايه بس انها مش بتكون مدروسه دى مجرد مشاعر بريئه فعلا كلو احد بيكون جواه فيضانات مشاعر وعاوز يخرجها مش بيكون قدامه طريق غير انو يحب طرف اخر ويديه كل الاهتمام والحب فا بيكون حب لمجرد الاحتياج بس مش مدروس فا بينتهى لان وقتها كل طرف بيكبر وبيفهم ان الحب دا مسؤليه وعطاء مش مجرد مشاعر لمجرد الترفيه عن النفس مرت بسلام وقفلى ههههههههه يرى البعص بان من لم يمر بتجربة حب فى هذه المرحلة لن يتمتع بحالة من النضج العاطفى فى المستقبل هل توافقين هذا الرأى ام ماذا ؟؟؟ يالا هول تلك الصاعقه مين قالك كدا ههههههه يعنى انا هضيع ولا ايه لا طبعا مافيش حاجه اسمها كدا هو ممكن يكون اتحرم من مشاعر صافيه بريئه وبتكون احساسها حلو بس بالعكس دا بيكون ليه فرصه الحب الحقيقى القوى الى بيقدر يفهمه وبيعرف يختار صح مش اى كلام حلو يأثر عليه انما بيكون هدفه يلاقى الحب الحقيقى والشخص الى يفهمه ويحتويه طبعا وجود الانترنت ووسائل الاتصال المتعددة بين الجنسين ساعدت على التهدئة من ثورة المراهق فى بعض الاحيان وسببت الضرر له فى احيان اخرى ممكن توضحلنا ازاى ؟؟ مش عارفه بالظبط بس يمكن لان فى ناس بئت بتخرج كل ماشاعرها ع النت ومن خلال شاشه وكي بورد فا بئو مش محتاجين للحب الحقيقى فى الحياه العاديه بس دا بيكون فتره محدده .. ولان فى ناس ولان فى ناس بتشوفها تسليه ومش مضره بس الحقيقى ان استهلاك مشاعرك فى تضيع الوقت وانك كل ما تكلم شخص تحبه شويه تعيش دور الحب معاه بيفقدك طعم الحب الحقيقى وبيخليك تشوف ان كله زى بعضه وان الحب دا كلام فاضى من كتر ما استهلكت قيمه الحب فى افعالك الغير مدروسه ايه رأيك فى طريقة التعامل بين المراهقين هنا فى بنات مصر؟؟ والله اوقات بشوفها لمجرد ان يكون فى اتنين ليهم قصه والكل يتكلم عنها واوقات بتكون حقيقه ماتقدريش تنكريها لان كل تجربه زى ما بيكون ليها طريق فشل بردوا ممكن تلاقيها طريق للنجاح ولكن عن راى الحب مش مجرد انى اعلن للناس كلها انى مرتبطه ومعرفش ايه الحب معنى وقيمه ما ينفعش نستهلكها غير فى الطريق الصح ومع الشخص الصح طبعا الاباء هم اكثر الاشخاص المسؤلون عن توجيه المراهق وتحديد طريقة التعامل معه فما هى مقتراحاتك للاباء لطريقة التعامل مع المراهق ؟؟ بس محاولتهم انهم يسمعوهم ويفكروا فى رد الفعل منهم قبل ما يعملوا دا اول طريق لنجاح الاهل مع الاولاد فى الفتره دى يدوهم حريه الاختيار مع النصيحه الغير مقترنه بانك لسه صغير ومش بتفهم اكيد الاولاد هيستوعبوا وهيفهموا وهيبئه اول ناس يالجأو ليهم هما اهلهم تقدرى تقوللنا ايه هى سلبيات وايجابيات المراهقة من خلال تخطيكى لهذه المرحلة ؟؟ انهم بيشوفوا اى راى من الاهل لمجرد انو رايهم يعنى كدا ببيفرضوا عليهم شئ معين او انهم بيقهروا شخصيتهم او انو اتضهاد ليهم .. وبردوا بيشوفوا انهم عشان يكونوا مستقلين ذاتهم بيزعقوا بئه ويتخانقوا ويعمل عكس كل شئ بس لو الاهل اتعاملوا بحكمه هيقدروا يحدوا من كل دا فى النهاية كلمة اخيرة لكل مراهق ؟؟؟ برغم كل شئ وبرغم احتاجهم الشديد فى المرحله دى لناس تفهمهم وتستوعبهم بس لازم مش تخرج برا ديره اهلك عشان تحس بزاتك مش لازم عشان تفكر انك بئيت حر تعمل كل الغلط وكل السئ وبكده هتحس انك كبرت بالعكس دا بيفقدك جمال سنك وحياتك الجايه lميرسى اوى اوى يا حنون وبجد استضافة رائعة جدا بتدل على فكرك المتحضر وبجد ياريت الكل يستفيد من كلامك ودلوقت مع الفقرة التانية واستضافة لعضوة رائعة جدا جدا مازالت تمر بتجربة المراهقة مشرفتنا الرائعة والمتألقة دايما طمطم اهلا بيكى يا طمطم منورانا احبى وميرسى على قبول الاستضافة ؟؟ ^^ ثانكس ي هآآرتى .. ده نورك فى البداية حابة تعرفينا بنفسك وسنك ؟؟ ميرنا عندى 17 سنة و3 شهور ^^.. طبعا كثير منا مر بمرحلة المراهقة والكثير مازالوا يعيشون هذه المرحلة ممكن تقوليلنا ايه هو مفهوم المرحلة دى من وجهة نظرك ؟؟ بما انى لسه فيها .. انا شايفة انها اصعب مرحلة ممكن تمر ع الانسان .. كلها اضطرابات وتناقضات .. وده طبيعى لاننا ف المرحلة دى بنكون شخصيتنا لسه ,, ممكن نعرف ازاى بتمرى بمرحلة المراهقة ؟؟ امممم .. بصى ف حياتى الدراسية ^^ ف ده الى حد ما تمام ,,, مشكلتى دايما ف " المود " وده حساه طبيعى خصوصا لما بيكون عليا stress ,, يعنى ف اليوم الواحد تلاقينى ساعة مبسوطة وساعتين مدايقة وارجع افك تانى واقفش تانى ...حاجة متعبة "البركان الثائر" هذا التعبير افضل ما يمكن ان نصف به المراهق ما رأيك به ؟؟ هو صح الى حد ما .. لو هطبق الكلام عليا .. بحاول ع اد م اقدر مفقدش اعصابى بسهولة .. لكن لما بتعصب ,, اانا نفسى بدايق منى ,, ف علشان كده حاسة ان التعبير صح .. كثير من المراهقين لا يحبون اطلاق هذا اللقب عليهم فما رأيك فى ذلك وهل كنتى انتى ممن لا يحبون ذلك ؟؟ لا بالعكس التعبير عجبنى .. كل واحد ليه تفكير معين وتفسير مختلف من وجهة نظره للتعبير ده الخجل والانطواء و العصبية والتمرد وكثير من الصفات المتناقدة يتصف بها المراهقون ممكن نعرف من وجهة نظرك ايه السبب فى كدا وانتى تعتبرى نفسك من اى نوع منهم ؟؟ انا اجتماعية جدا .. لابعد درجة ..والحمد لله دى صفة كتير مفتقدينها خصوصا ف المرحلة دى ,, وف رايى ان ده راجع لثقة كل واحد ف نفسه وقدرته ع التكيف مع اللى حواليه ,, العصبية والتمرد = العند عندى^^ ,, ودى من الصفات اللى بحاول بقدر الامكان اتخلص منها , وف العموم هى صفات مش مكتسبة دى موجوده فيا من ساعة م اتولدت ^^.. يعنى مش بايدى رغم ان المراهق فى هذه المرحلة يميل الى الاستقلال والانفراد بنفسه الا انه على النقيد يحتاج الى التقرب الى الاهل ممكن نعرف رأيك وازأى بتتعاملى مع هذا اثناء مراهقتك ؟؟ هو فعلا بحب اقعد مع نفسى كتير ,, بس ده ميمنعش انى مش بقعد م ماما واخواتى .. ماما بصراحة عملت مجهود كبير ف الموضوع ده انها من زمان وهى بتتعامل معايا ع اننا صحاب ,, ف قدرت تكسر اى حاجز ممكن يكون بينا وده اللى خلانى اقدر احكيلها ع كل حاجة بتحصلى من غير خوف او كسوف ,, ربنا يخليهالى بجد طبعا فى اختلاف كبير بين حياة المراهق فى مجتمعنا وبين حياته فى معظم المجتمعات الغربية وبالتالى بيأثر دا بينعكس على شخصية المراهق ممكن توضحلنا الفرق ؟ المشكلة ف طريقة تعامل المجتمع مع المراهق ,, المجتمعات الغربية بتحترمه وبتحسسه انه مهم وليه دور فيها وبتوصله انى قادر ع تحديد شكل حياته ومستقبله بعد كده انما للاسف ف بعض المجتمعات العربية لغاية دلوقتى بتعتبر المراهق " عيل" مالوش غير ف الحب والتزويغ م المدارس وهو ده اللى بيسبب مشاكل منيلة بستين نيلة بعد كده ^^ قى الغالب المراهق بيميل للظهور والتقليد ومن الواضح ان كتير من مراهقين المجتمع الشرقى يحاولون تقليد المجتمعات الغربية ايه رأيك فى ذلك ؟؟ اه ده واضح وضوح المكسرات ف الجيلى =)) وخصوصا ف طريقة لبسنا و كلامنا ,, كنت اتكلمت عن الموضوع ده ف حلقة ع الراديو - الله يمسيه بالخير^^- الموضوع بجد بئآ اوفر ,, بقيت بحس اننا مش هنا واننا هناك حب المراهقة يقول عليه البعض انه برئ وبداية لمعظم المراهقين فبالتالى يؤدى دائما الى الفشل ما رأيك وهل مر عليك هذا الحب ؟؟وان كان نعم فكيف ؟؟ هو نقى جدا ,, لسه ميعرفش شبكة ومهر وشقة وعربية وعلشان كده بنسبة 99% بيفشل ,, اها مريت بيه ,, بس مش هحكى تفاصيل ^^..بس هو زى م انتى قولتى فعلا ,, برئ يرى البعض بان من لم يمر بتجربة حب فى هذه المرحلة لن يتمتع بحالة من النضج العاطفى فى المستقبل هل توافقين هذا الرأى ام ماذا ؟؟؟ اوافقه جدا .. التجربة اللى مريت بيها خلتنى قادرة اسيطر ع مشاعرى بعد كده وحسيت انى كبرت , وان الموضوع ليه ابعاد اوسع بكتير من اللى انا كنت فاكراها .. بالبلدى كده خلتنى عارفة انفض طبعا وجود الانترنت ووسائل الاتصال المتعددة بين الجنسين ساعدت على التهدئة من ثورة المراهق فى بعض الاحيان وسببت الضرر له فى احيان اخرى ممكن توضحلنا ازاى ؟؟ النت ^^ ف رايى الشخصى ده من اكبر العوامل اللى اثرت ع شخصيتى ,, غير انى اتعرفت فيه عن ناس جدعة الا انه كمان ساعدنى ف تغيير تفكيرى 180 درجة عن حاجات كتير .. اه مش كل المراهقين بيعرفوا يستغلوه صح ,, وسواء كان تأثيره علينا بالايجاب او السلب ,, فهو بئآ حاجة اساسية لينا ايه رأيك فى طريقة التعامل بين المراهقين هنا فى بنات مصر؟؟ زى الفل ^^ معظم صحابى هنا بين 16- 24 سنة ,, يعنى فاهمين بعض ,, وده اللى مريحنى ف التعامل معاهم طبعا الاباء هم اكثر الاشخاص المسؤلون عن توجيه المراهق وتحديد طريقة التعامل معه فما هى مقتراحاتك للاباء لطريقة التعامل مع المراهق ؟؟ حلو اوى السؤال ده ,, ونفسى كل اب/ ام يساله لابنه/ بنته ,, مش عيب لما اسال ابنى ازاى اتعامل معاه واعرف ايه اللى بيدايقه وايه اللى بيفرحه واتعامل معاه ع انه انسان كبير ,, مش لسه عيل ,, الكلام ده بقوله من تجارب صحاب قريبين ليا,, للاسف مش كل الاباء عندهم فكرة " العيال كبرت " وان كل مرحلة وليها طريقة مختلفة ف التعامل ولازم اعرف الطريقة دى حسب شخصية ابنى / بنتى ,, مش كلنا بتعجبنا نفس الحاجات ولا بتدايقنا نفس الحاجات ,, وده مستحيل هعرفه لو مقربتش منه وفهمت دماغه وشوفت صحابه واتعرفت عليهم ^^ تقدرى تقوللنا ايه هى سلبيات وايجابيات المراهقة من خلال مرورك حاليا فى هذه المرحلة ؟؟ السلبيات .. تقدرى تقولى حالة المزاجية والاندفاع والعصبية ف اوقات كتير انما الايجابيات ,, هى مرحلة زيها زى اى مرحلة تانية والذكى هو اللى يقدر يستفيد من المرحلة دى ويطلع منها وهو محقق اللى هو عايزه ومن غير خساير فى النهاية كلمة اخيرة لكل مراهق ؟؟؟ حب نفسك زى م انت حدد هدفك ف حياتك وحاول توصله حتى ولو اللى حواليك ضدك ومش فاهمينك ,, ثانكس ع الاستضافة مرة تانية بجد اتبسطت جوديان ^^ ميرسى اوى يا طمطوم بجد اجاباتك عجابتنى كلها وتميزتى فيها وبكدا تكون انتهت حلقتنا مع ضيفين مميزين ومناظرة بينهم وحضراتكم عليكوا تحددوا فرق الاجابات بينهم تحييياتى