[نجم وزهره ومسافات فراق]

الدم ليه رخيص ؟ ومفيش أمان أصرخ بصوتي وصرختي بتهز أرجاء المكان بسأل ولسه سؤالي حاير فين حقوق الإنسان ؟ ببكي على ضياع العداله في زمان الامتهان معجون بخوفي والقلق توهني في الأحزان والدم ليه أصبح رخيص ومفيش امان وعملت ثوره هزت العالم بحالوا وعليت بصوتي ( ارحل ) للمخلوع أنا قلتهالوا واصحابي من مسلم مسيحي معايا قالوا كان حلمي القى وطني مخلوق من جديد وآهو دمي سال ورحلت وبقيت الشهيد آهو دمي حضن الأرض صان العرض كان المجد والعنوان ورجعت أسأل وانا حيران الدم ليه اصبح رخيص ومفيش امان بصرخ ومين يسمح لصوت واحد شهيد بصرخ على الحق اللي ضايع تاه بعيد بصرخ في السويس وطنطا واسماعيليه وبورسعيد بصرخ وزاد فيا الوجع والحلم جوايا طريد بصرخ ودمعي تاه في دمي في بحثي عن بكره الجديد بصرخ وفيا حزن اكبر م الحياه ورغم حبي ياوطن تمني يكون خالي وشريد آه ياوطن , آه يا وطن , آه ياوطن أبقى غبي أبقى بليد قول ياوطن مالك كده ساكت على الظلم الشديد وارميني في كل الهوان ورجعت اسال وانا غضبان الدم ليه اصبح رخيص ومفيش امان بخرج من اللي الغميق واسكن مع الدخان وابكي على حالي وامالي والليالي كلها اشجان آه يا الم زايد وعاود بالمزله وألف عله يعني اعيش ساكت جبان ! اعمل لك ايه قول ياوطن ليه ما تحس بالانسان ؟ هرحل خلاص ياوطن والدم اهو سايل ياللي انت غرقان في الفتن حالك بقا مايل شهيد انا عشقك يا وطن وف دمي آهو راحل على سواخل الغربه وهضيع مع النسيان ورجعت أسأل وانا دايب من الغليان الدم ليه اصبح رخيص ومفيش امان مفيش امان