[აα∂ Ԑγεა]

اممم ونقول مبروك وفي القلب " غصه " بما اني من مشجعين الروسونيري الميلاني
هقول رأيي في المباراة لكن من طرف واحد وهو الفريق اللي بشجعه والخاسر

بقول مدرب الميلان يتحمل النتيجة كلها
زي ما كان هو اللي يستحق الاشادة في مباراة الذهاب !
فهو الان يستحق النقد والهجوم في مباراة العودة والهزيمة المذلة

في البداية بيقولو لا يلدغ مؤمن من جحر مرتين !
لو كان اليجري مسلم كان لازم يشك في ايمانه او يشك في ذكائه !!
نفس غلطة الموسم الماضي اللي عملها قدام البارسا نفسه
بانه ميعملش حساب مباراة دوري الابطال ويغامر في الكالتشيو بالتيم الاساسي كله
نفس اللي عملة الموسم الماضي كررة السنه دي كمان
ودفع بمهاجمة الوحيد القادر علي اللعب في دوري الابطال في مباراه في الدوري !
مع انه كان يقدر يلعب المباراة من دونه اكيد !
وبالفعل الموسم الماضي اصابة نجم الدفاع تياغو سيلفا ,,
والموسم الحالي اصابة راس الحربة الوحيد والافضل في الفريق جيانباولو باتزيني ,,

الفريق يدخل المباراه بلا رأس حربة حقيقي وبلا مهاجم قناص ..
أثار غيابه واضحة جدا علي الهجمات المرتدة اللي اصبحت بلا عمق هجومي ابدا
هل دي الخطأ الوحيد لاليجري ؟ اكيد لا .

اعتمادة بشكل غريب جدا جدا علي الدفاع المتاخر علي حدود منطقة ال18
شيئ عجيب وغير مقبول قصاد فريق مثل البارسا اللي قادر علي استغلال دا جدا
الاولي كان يعتمد علي طريق الدفاع المتقدم من نص الملعب !
او عالاقل مساحة 15 متر بعيد عن ال18
لان دفاع الميلان ميخفيش علي احد انه اقرب لشوربة منه لدفاع فريق عملاق ,,
اين ايامك يا نيستا ويا مالديني ,,
ماكسيس او زاباتا اخطاءهم الدفاعيه كثيرة جداا جداا وقاتلة جدا
ودا اللي وضح النهاردة في الاهداف اللي بشكل كبير غلطة منهم الاثنين بالاخص ماكسيس !
مع الباك الغاني كوستنتانس اللي وضح انه متواضع المستوي جدااا
او عالاقل مهواش صاحب المستوي اللي يأهله انه يكون روي كوستا و لا كافو !
والهدف الثالث السبب الرئيسي فيه هو ,,

هل دي الاخطاء بس اللي ارتكبها اليغري في حق الميلان ! ؟ برضوة لا
في البداية ابرز نقط تميز البارسا هو وسط الميدان ,, واللي خلاك تفوقت عليه ذهابا
هو تفوق وسط الميدان الخاص بيك عليه
كان لابد من انه يلعب ب5 لاعيبين في منتصف الملعب !
مش هنحتاج لعبقري كيمياء وفيزياء علشان نعرف ان البارسا هيدخل مهاجم !!
لابد من انه يكون في 5 لاعيبة في خط الوسط !


ليه وليه وليه ملعبتش سولي علي مونتاري من اول المباراة !!
كان لازم يكون موجود بكل تاكيد
افشل مباراه كبيرة سبق ليا وشوفت فيها امبروزيني !!
مع كامل احترامي وعرفاني وتقديري لدورة الكبير في الميلان في السنين الماضية !
لكنه احد اسباب الهزيمة اليوم بكل تأكيد !
وماهو بقائد مثل مالديني او جاتوسو او نيستا او حتي تياغو !
وظهر الفارق الكبير في المباراه بعد نزول مونتاري الي ارضيه الملعب
وبدأ التفوق الميلاني يظهر واللي كان بالامكان انه يكون من البدايه !


خطا اخر !!
اتضح جدا من بداية الشوط الثاني وانه لابد من تغيير امبروزيني ونيانغ !
وان الاثنين خارج الخدمة تماما وانه هناك ضرر كبير للفريق بوجودهم
الاثنين خرجو نفسيا من المباراه تماما
وكان لازم يخرجو قبل الهدف الثالث موش بعد !
قبل موش بعد !
قبل مش بعد !
انتظر الكارثة علشان يحاول يتدارك !!
كان لازم تعديل في الفريق قبل الهدف موش بعد


خارج الملعب !
زي اي مباراة عامل الحظ له دور كبير جداا في الكورة
كورة نيانغ تترد بهدف للبارسا !
نيانغ احد اسباب الكارثة كذلك !
لا عذر له لا مهاجم 18 سنه ولا حتي كان عنده 10 سنين
هو والحارس وبس ويضيع كورة اقصد يضيع فريق باكملة !!
عجيبة كورة القدم من هدف قاتل للمنافس لهدف قاتل لك !!
بطريقة عجيبة جدا اهدر كورة لا يمكن يهدرها مهاجم حقيقي ابدااا !!
اين انت يا باتزيني !


,,


تمام الاقتناع بان الفرق حاليا في مرحلة انتقاليه كبيرة
وان اعمار اللاعبين صغيره جداا والهجوم هو عبارة عن 18 و 20 سنة
والونجين الاثنين 18 و 20 سنة كذلك
لكن لابد من لوم حد ان لم يكن اليغري لاخطاءه الفادحة
وان لم يكن امبروزيني و ماكسيس ونيانغ وكوستنانس ,,
فلا يخطر في بالي الا اسم واحد فقط لا غير ,, بخلسكوني !!
الفريق في حاجة لتدعيم كبير وكبير جدا وباسامي قادرة علي حمل الفريق
\باسامي ولاعيبه بجودة تستحق فانلة النادي الاكثر تتويجا في العالم !

...

بالنسبة للبارسا في الاخير بقول لمشجعي الفريق ميغركمش اداء اليوم
في انكم تظنو ان البارسا بخير ,,
لانه بكل تأكيد لا ,,
الميلان حاليا مهواش المنافس القادر علي تحقيق تاهل علي حساب البارسا .,
الميلان الحالي حقق مفاجاة في مباراة الذهاب , وهذا هو فقط لا غير
واتضح جدا نه يفتقر للعناصر القادرة علي حمل الفريق للادوار الكبيرة !
البارسا لو كان اتأهل فهو لضعف وتواضع وصغر سن الفريق المنافس لا لغيره من اسباب
ومع الاسباب السابقة كان بامكان الميلان التاهل
ووضحت اخطاء دفاع البارسا وكان بامكان نيانغ يضرب اخر مسمار في نعش الفريق ! ,,


بالنسبة للميلان ؟
هل هنتحتاج الانتظار للاعب اخر من عائلة مالديني لتحقيق اللقب !!
شكلها كدة فعلا !
فهقول
اين انت يا كرستيان مالديني !