منذ /03-29-2013, 12:00 AM
|
#1 |
موقوف
| ما تعاكسنيش حواريه زجليه غنائيه بين ابتسامة الزهر ونجم وزهره ومسافات فراق السلام عليكم ورحمة الله وبركاته
حبينا نغير الاطار شويه
حبينا نخرج من الاشكال المكرره والمعلبه بفكره جديده
اتفضلوا ابتسامة الزهر
ما تعاكسنيش
في كل حته الاقيك
بجنون وكل الطيش
مش قلت مره ليك
اهدى وما تعاكسنيش
عامل زي الاطفال
وكل شويه بحال
وخنقتني كلام
اسكت ما تكلمنيش
بقى شكلك مش ولابد
وحقيقي ممل بجد
ما هو مش بالعافيه الود
وورايا ما تمشيش
اهدى على نفسك حبه
عامل م الحبه قبه
والله حالتك صعبه
يحنن ما تلاقيش رد النجم
ما تخفي شويه في هيصتك
وكفايه كلام تشويش
انا عمري ف يوم ما عاكستك
بالراحه وما تزوقيش
وخداني ف دوكه يا بنت
وانا منك جد تعبت
والله معاكي غلبت
لزعيقك والتهويش
يا ممله يا بارده اتهدي
عمرك ما تكوني ادي
انسي يبقى لك ودي
انا راضي بحالي اعيش
امشي يا خفه انا مش ناقص
ياللي بتتهميني بعاكس
من شكلك حابس حابس
اتكلي بقى بشويش
ههههههههههههههههه
طبعا في كلمات مستفزه شويه بس لزوم المعاني والتخديم
يارب الدويتوا يعجبكم
مع خالص تحيات
ابتسامة الزهر@ نجم وزهره ومسافات فراق |
التعديل الأخير تم بواسطة نجم وزهره ومسافات فراق ; 03-29-2013 الساعة 02:28 AM |
| |