[نجم وزهره ومسافات فراق]

السلام عليكم ورحمة الله وبركاته في تجربه جديده بالمنتدى ويمكن مش هتكون بكل المنتديات وطبعا الفضل لله عز وجل فكرت في ان اعمل مقالات رياضيه هنا بشكل غير معلب وباسلوب سلس وبسيط ومش معقد وفي نفس الوقت بيحترم كل الالوان ليه ؟ لان الرياضه اخلاق وبدون الاخلاق الله الغني عن الرياضه زمان لما كنا مثلا نتعصب على بعض او نتهور كان يطلع اي حد ويقول ياعم خلي اخلاقك رياضيه دا معناه ايه ؟ ان الرياضه مشهوره بالاخلاق ولو بصينا بنظره سريعه كده لرياضيين حفروا اساميهم بحروف من نور نقول محمود الخطيب حسن شحاته هادي خشبه محمد ابو تريكه الناس دي الجماهير باختلاف الوانها لا يمكن تختلف على واحد فيهم وطبعا المواهب المحترمه كتير انما حبيت اتكلم على سبيل المثال نشجع فرقنا آه نحبها آه نهتم بيها آه انما نكسر ونخرب ونفسد ونشتم عيب مش اخلاق الرياضه كده مش كده ولا ايه ؟ يارب المقال يعجبكم تحيتي ,,