[sendy]

طبعا كلنا عارفين مين ابله فضيله
والا بش عرفها انا هقولكم مين
ديه كانت بتيجى فى الرديوا زمان وتحكى حودايت انا عن نفسى كنت لازم اسمعها كل يوم عشان كنت بحبها جدااا واكيد فى مننا كان بيحبها
انا هجبلكم حدوته من حواديتها

ياولاد ياولاد .... توت توت
تعالوا تعالوا
علشان نسمع ابله فضيله
راح تحكيلنا حكايه جميله
وتسلينا وتهنينا
وتذيع لينا كمان اسامينا
ابله ...ابله فضيله
واك ...واك وك

حبيابى الحلويين عشان خاطر احنا كبار بنصلى والصغيرين انتوا تشوفنا تسالونا نقولكم تتعلموا الصلاه نركع ونسجد ونمد ايدينا لسما ونقول يارب
والدعوه والسما والصلاه فكرونى بحدوته
ااقولكم ايه
كان فى رجل عجوز فلاح كل سنه يشق الارض يحرتها ويلم الحب فى جلايبتوا
ويرش الارض حب ويروح البير يملى الجردل الخشب ويسقى الارض ميه
الحب يطلع زرع والزرع يطلع قمح ودره وفول وشعير
الفلاح العجوز يطحن وياكل ويبيع ويشترى ويعيش
سنه من ذات السنين شق الفلاح الارض ورش الفلاح الحب وراح البير
بس لما جاه يملى الجردل الخشب مطلعش فى الجردل ميه
البير خلاص مفهوش ميه
والفلاح زعلان هيسقى الارض ايه مفيش ميه
الحب بش هيشرب وبش هيطلع زرع
وماهيبقاش فى قمح ولا دره
وماهيبقاش فى فول وشعير
الفلاح العجوز زعلان هيطحن ايه وهياكل ايه ويبيع ايه ويشترى ايه ده مفيش ميه
والفلاح جعان عايز اكل ياكل
والفلاح بردان عايز غطا يتغطا
وعايز حبه فلوس يبيع ويشترى ويصرف على اولادوا
الفلاح فكر وقال لو استنيت هموت افكر فى واحد كده يكون غنى وقلبوا فيه حبه رحمه يمكن يساعدنى
والفلاح راح لتاجر
الفلاح خبط على الباب محدش فتح
اصلى التاجر راح عند كبير التجار
يعمل ايه يطلب منوا مساعده صغيره ويرجع على طول
اقعد استناه
بس الفلاح يفكر اذا كان التاجر راح يطلب المساعده من كبير التجار
يبقى انا اطلب المساعده من التاجر
احسن مااطلب من التاجر اطلب على طول من كبير التجار
كبير التجار عندوا فلوس اكتر واغنى من التاجر ارحلوا يمكن يساعدنى
والفلاح راح لكبير التجار
خبط على الباب محدش فتح
اومال راح فين
اه قالوا ده راح للوزير يعمل ايه يطلب مساعده كده ويرجع على طول
خليك شويه استناه
بس الفلاح يفكر طيب بدام الوزير اكبر من كبير التجار
طيب مااروح اطلب من الوزير على طول مين عارف يمكن يساعدنى
والفلاح راح للوزير خبط محدش فتح
فين الوزير
اه ده الوزير عند السلطان بيعمل ايه راح يطلب منوا مساعده كده يرجع على طول
استنى زمانوا جاى
بس الفلاح يفكر ويقول اذا كان الوزير راح يطلب الساعده من السلطان
طيب مااروح مااطلب من السلطان على طول
والفلاح راح للسلطان
خبط على الباب فتح فتحولوا
فين السلطان
اه كان السلطان اقعد على السجاده بيصلى بيركع ويسجد
وبعد مالسلطان مخلص الصلاه اقعد على السجاده وشال ايده فوق
وقال
يارب ساعدنى
شاف الفلاح كده قال
سبحان الله
التاجر بيطلب المساعده من كبير التجار وكبير التجار بيطلب من الوزير والوزير بيطلب من السلطان
والسلطان السلطان بيطلب من ربنا اغنى من كل الناس وربنا ارحم من كل الناس
خلص السلطان صلاه
وبيسال الفلاح ها ياعمى اطلب الا تطلبوا منى جاى عايز ايه
ضحك الفلاح قال
مطلبش منك انت اطلب من الا اغنى ولاعظم وللارحم
اطلب من ربنا
والفلاح العجوز شال ايده لسما
وطلب وقال
يارب ساعدنى شقيت الارض ورشيت الحب وراحت البير لقيب البير ناشف مفهوش ميه
عملت كل الا عليا الباقى عليك يارب يارب ساعدنى
قال الفلاح كده وراح ماشى على غيطوا
والناس الا كانوا عايشين زمان قالوا
البرء برء والسحاب اتلم والمطره نزلت زى النهر تسقى الارض وحب الغيط طلع زرع
والزرع طلع قمح ودره وفول وشعير يطحن الفلاح وياكل ويبيع ويشترى ويعيش هو واولادوا
وعاش الفلاح على مااد ماعاش يتعب ويعمل الا عليه ولما يجى يطلب مساعده
لايروح لوزير ولا سلطان
لكن يشيل ايده لسما ويقول
يـــــــــا رب