 لســه زي مـــآ آنـــآ
 " لســه زي مـــآ آنـــآ "
انا لسه اهو زي ما انا
ومفيش ولا حاجه اتغيرت
والفرح لسه مجاش هنا
والحزن ساكن عندنا
ومشاعري بقت متلخفنه
وفي كام حاجه اتلخبطت
اي نعم انا بضحك وكدا
وبعيش حياتي وبنبسط
ومبيبانش عليا المسكنه
ولا اي حاجه محزنه
وبخليهاجوايا متخزنه
فتلاقيني ديما كده منبسط
ومبيبانش عليا الانكسار
ومعرفش شعور الانهيار
متصدقوش ده كلام هزار
كل الحجات اتغيرت
والحزن بقيت انا حافظه صم
ومبقتش اشيل للضحكه هم
وكان الفرح اعمي واصم
والضحكه حروفها اتبعترت
اما بالنسبه للحزنانيين
المكسورين المجروحين
فا دول بئه ليهم خواص
هسردهملك ف كام بند
الجرح بيهم يبقي خاص
وتجرحه يقولك خلاص
ويداري عنك من الاساس
ويكتم جواه ميقولشي لحد
اهو هما دول الكام بند
اللي احنا بيهم متلخبطين
بين الجريح وبين السليم
وتقاابل ميت واحد حزين
ويضحكوا كـ الفرحانيين
وكانهم سعداء بجد
وبالنسبه ليا انا هكتفي
بالفراغ اللي بقي ماليني
ما انا بقيت للوحده صديق وفي
بس اما بحتاجلها بتجيني
وبتبقي قدامي وبتختفي
اول ما بتفتح عيني
وكانها شمعه وبتنطفي
وقت اما احتاجلها تدفيني
فـ دول كانوا كام سطر
بوصف انا بيهم حالي
شوفوا قد ايه مالكني الصبر
علي كل اللي بيجرالي
وبحمده ع الحلو والمر
وعلي كل حاجه حاصلالي
|