[Şα3Đ..♥]

فرامل قلبي اتفرملت واتلخبطت واتبهدلت لما الصفاره صفرت واللمبه الحمره نورت ف اشاره مرور والناس مرور واول عنيا ما اتلفتت لمحت عينين بتشب من فوق الازاز وسط ايدين مترسب ما بينهم رزاز وضفيره طايره ف الهوا وبتتفرد انا قلبي شاف ده كله اتلوي قلبي استوي لما الفرامل فرملت وسط الزحام اتفتحت بيبان نزلت صبيه وكــأنما ملاك وهربان مـ الســمآ ملاك وهربان جايلي انا بس الحقيقه اتغيرت لما الصبيه قربت واتكلمت وندهت وشاورت من سكات ندهت وماسكه الارشينات من فضلك هات مناديل ورق قلبي اتحرق تاه واتسرق حسيت ان عمري مرء لما البيبان اتقفلت وسابت فرامل ودورت وعليت اصوات الماتور والعجل بدأ يدور وهياخد معاه بدر البدور سامع انا صوت الماتور بيقولي غور إوعاك تكون فاكر ياواد ان اللي عدت من غير ميعاد هتفكر فيك او تتلفت انا قلبي سمع الكلمتين تــآهـ وسكــت وقال ياريت ما كانت الاشاره نورت ياريت الفرامل ما فرملت