[نجم وزهره ومسافات فراق]

صوت اليمام الصبح
بيقول لكم
ما توحدوا ياناس كده ربكم
تغريد بديع المعنى والألحان
الله عليه لو تسمعوه كلكم

صوت اليمام الصبح
معنى وسلام
بيقول لكل البشر ليه الخصام
ايامكم مهما تطول لها نهايه
وقصيره مهما تكون كده الايام

صوت اليمام الصبح
جاي من بعيد
بالحب والأحلام وبالشوق أكيد
يبني في كل الاذان أفراح
ويجدد الفرحه مع المواعيد

صوت اليمام الصبح
راجع بنور
بيهني كل البشر والشعور
بيقول لكم يا رافضين الخير
الخير هيكسب مهما الايام تدور

صوت اليمام الصبح
كتير تسابيح
راجع براحة بال
ومعناه صريح
بيقول لكم يابشر اهدوا كفا صراعات
وكفايه حرب وضرب مع تجريح

صوت اليمام الصبح
فيه أمنيات
بتجدد الفرحه مع البسمات
الله عليه وعلى شكلوا يسحر أكيد
سبحانوا المبدع في كل الآيات

صوت اليمام الصبح
بيقول لكم
اهدوا بئا ياناس على بعضكم
قوموا ارجعوا وحدوا ربكم
يالله بسرعه بئا
كفا حزنكم