[Lamees]

آه يا نفسي كتير بكرهك
ظلمتي قلبي وجنيتي عليه
وفي وسط النار بسهولة رمتيه
تعبتي قلبي وصحتيه
من حلم كان عايش عليه
مسكين يا قلبي حاسة بيك
حاسة بجراحك نفسي احتويك
شايفاك بتنزف وبناجيك
أصبر يا قلبي على الجراح
أصبر يا قلبي على الي راح
آه يا نفسي يا مغرورة
كل ده ومحستيش
بظلمك لقلبي لا متخافيش
ندمك خلاص ما يهمنيش
مش هيعوضني اكيد
لحظة دافية قرب الحبيب
يا نفسي ليكي عندي سؤال
نفعك غرورك شبعك؟
يا نفسي بقيتي مكسورة
فرحانة فيكي فرحانة بجد
تبعتي شطانك ومفكرتيش في حد

آه يا نفسي كتير بكرهك
يا نفس ضايعة في اوهامك
مشيتي ليه ورا السراب
وخلاص وصلتي للتراب
هو ده هدفك سعيتي ليه
وخلاص يا نفسي وصلتي ليه

آه يا نفسي كتير بكرهك
حبيتك يا نفسي وظلمتيني
دبحتي قلبي وتعبتيني
آه يا نفسي يا جبارة
بقيتي تايهة ومحتارة
عايشة في عذاب حاسة بكده
ظلمك يا نفسي كبيركبير
مش بس ليا لا للحبيب
ظلمتيني وخرجتيني
من قلب حبيبي وتعبتيني
يمكن يا نفسي اسامح في حقي
وجرح حبيبي مين يداويه

يا نفسي قولي ايه جرالك
كنتي دايما هادية وبسيطة
لبستي ليه توب مش بتاعك
عايزة ايه قولي فهميني
تثبتي ايه قولي تسمعيني
ياريت تكوني اتعلمتي الدرس
حاسة بيكي انكسرتي
واكيد يا نفسي انهزمتي
حاسة بعذابك بس اصبري
هتعودي تاني صافية وبريئة
تعالي يا نفسي نتصالح
تعالي يا نفسي ننسى امبارح
توبي يا نفسي وآطهري
حاولي يا نفسي وأقدري
عشان اسامحك وانسى الاهات
عشان اسامحك وانسى اللي فات


بـــدمـــعــــي
روني