 منذ /05-14-2013, 07:57 PM
|
#1 |
|  دآيبــــه دوووب
كتبت حاجه صغيره كدهـ
بس مختلفه
دي اول مره اكتب بلسان بناتي 
يارب تعجبكوا
دايبه دووووب
دايبه فيك انا دايبه دوب
وحبي ليك لبسته توب
وادمنتك ومش عارفه اتوب
وعشقي ليك شكله فظيع
وتبص عليا تشوف هيام
واتامل فيك انا بانسجام
وادوق منك طعم الكلام
كما الزهور يوم الربيع
وبغير عليك
ايوه انا بغير عليك
من البريق اللي ف عنيك
من النسيم الجاي عليك
من حجاتك والجميع
خلتني نسيت طعم الوحده
خليتني معاك اسعد واحده
ودعائي ف ركوعي والسجده
مبيخلاش ابدا من سيرتك
سبحان العاطي الوهاب
اداني اغلي الاحباب
وخلاني من غير اسباب
تبقي ف بالي ديما صورتك
فيارب فَرَّحه كتير
وارزقه راحه بضمير
واجمعنا ديما في الخير
وحياتنا ما تخلي من طاعتك |
|
|
|  |