عرض مشاركة واحدة
قديم منذ /01-28-2009, 06:19 AM   #9

ARAGON

إداري سابق

 

 رقم العضوية : 9097
 تاريخ التسجيل : Dec 2008
 الجنس : ~ رجل
 المكان : EGYPT
 المشاركات : 13,159
 الحكمة المفضلة : قوة السلسلة تقاس بقوة اضعف حلقاتها
 النقاط : ARAGON is just really niceARAGON is just really niceARAGON is just really niceARAGON is just really niceARAGON is just really nice
 درجة التقييم : 445
 قوة التقييم : 1

ARAGON غير متواجد حالياً

إرسال رسالة عبر Yahoo إلى ARAGON

أوسمة العضو

16 160 16 

حوار أهلاوي وزملكاوي للتضامن مع غزة

وبعد انتهاء مباراة مصر وكينيا الودية

الأهلاوي : إيه رأيك في الماتش.
الزملكاوي: والله كان كويس بس مش مهم النتيجة المهم الهدف من المباراة .
الأهلاوي : والله عندك حق فعلا المهم الهدف من المباراة إن شاء الله ربنا هايكرم الفلسطينيين ويرجعوا أحسن من الأول.
الزملكاوي: إن شاء الله.
الأهلاوي : بس إنت ناوي على إيه اليومين اللي جايين.
الزملكاوي: والله أنا هاشوف شغلي وأحاول أركز في الفترة اللي جاية.
الأهلاوي : بالتوفيق إن شاء الله.
الزملكاوي: متشكر جدا وإنت ناوي تعمل إيه الفترة اللي جاية.
الأهلاوي : إن شاء الله هاحاول أركز في الفترة اللي جاية في البيت والشغل وإنت عارف مشاغل الدنيا.
الزملكاوي:أه طبعا ربنا يهون علينا دنيتنا.
الأهلاوي : أمين.
الزملكاوي: بس انت تتوقع في الدور التاني للدوري.
الأهلاوي : والله أنا ملاحظ من الجدول إن المنافسة هاتبقى صعبة جدا على كل الفرق بمن فيهم الأهلي.
الزملكاوي: أيوة طبعا وأكيد بعد أما الفرق كلها بقت تتمسك باللاعبين وما تفرطش فيهم.
الأهلاوي : أنا معاك في النقطة دي لأن ده هايبقى كويس لكل الأندية وبالتحديد الكبيرة اللي من رأيي إنها لازم تعتمد على الناشئين مش على شراء اللاعبين.
الزملكاوي: مظبوط ولا زم الكل يسيب اللاعبين كلها تأخد فرصتها.
الأهلاوي : أكيد كل ده هايطلع مواهب كبيرة ذي أبو تريكة والنجوم الكبار دول ولا هما ماكنوش صغيرين.
الزملكاوي:أيوة طبعا ومصير الصغير يكبر.
الأهلاوي : صح وإن شاء الله نشوف دوري كويس السنة دي.
الزملكاوي: يارب ويوفق كل الفرق.
الأهلاوي :بس انت تتوقع مين يفوز بالدوري السنة دي.
الزملكاوي: بصراحة صعب جدا أنك تعرف دلوقتي بس أكيد النتائج هاتغير كتير في الترتيب.
الأهلاوي : طبعا.
الزملكاوي: بس إنت إيه أمنياتك في السنة الجديدة.
الأهلاوي :أمنية غالية جدا وهي الأول القضية الفلسطينية تتحل والعرب كلهم يبقوا إيد واحده وإننا نوصل لكأس العالم.
الزملكاوي: فعلا دي أمنية كل عربي بيحب العروبة وبيحب بلده وفعلا أمنية كل مصري أنه يشوف منخبنا في كأس العالم.
الأهلاوي : يا سلام لو مصر توصل يبقى حلم جميل .
الزملكاوي: فعلا هايبقى حلم جميل.
الأهلاوي : بس أن شاء الله كل الجماهيرتلتزم في التشجيع في الماتشات اللي جاية.
الزملكاوي: إنت فاكر طوبة زيمبابوي اللي طلعتنا من التصفيات بتاع كأس العالم ياريت ماتتكرش لأن ده ها يدي صورة كويسة عن بلدنا لكل العالم.
الأهلاوي : وأهم حاجة عندنا هي بلدنا وإننا نوصل لكأس العالم.
الزملكاوي: يارب نوصل.
الأهلاوي : يارب..... احنا هانتقابل اذاي المرة اللي جاية
الزملكاوي: سيبها للظروف والمناسبات والمباريات ههههه.
الأهلاوي : هههههههههه ........ بس أكيد هانتقابل.
الزملكاوي: إن شاء الله.
الأهلاوي : إن شاء الله نتقابل في الفترة اللي جاية.
الزملكاوي: إن شاء الله.
وافترقا الصديقين الجديدين وهما على وعد من اللقاء
هل يتقابلان في الفترة القادمة وماذا سيفعلان في الفترة القادمة.


يتبع







  رد مع اقتباس