بصراحه لقيت روحي مخنوق وقرفان وطهقان قلت ابحبح المسائل وادهلز الكلام واحنتش الدونيا اصل لما الامور تكون مهستكه ومبعككه بيكون لازم الواحد يبحبح ويفك ويديها بوح ونوح مع القلم
وعشان الحكايه أصلها طهق وزهق وملل
قلت امدد واخلي البساط احمدي واكتب باللغه الحنشكوريه دي ويومكن الموضوع ينجلي ويصبح هايص
وعشان لزوم الهيصه والتفاريح
كان ضروري أشوف الريس كفكف ولا مؤاخذه مسئول مجاري المنطقه
أصل بصراحه الجو حر والحياه مشعشعه ولعه بقى وكده
قوم ايه
لقيت روحي بمسك القلم وبهرتل الكلمات الانكشاريه في الأمور اللوزعيه لزوم الفنجوري المنحنح بعيد عن أي انشكاريات مصبحه التصابيح
ما هو أصل عشان الواحد يكح لازم يكح بمراحل لزوم الهيصه والانبساط وكده
وانا اتعودت بصراحه لما بكون متضايق احل الكيس واولع الفوانيس واقول بالصلاه على سيدنا النبي أحلى كلام من الحاج همام ويكون عال خالص وتمام التمام
قوم ايه
لما التقيت الحكيوه كده بقى
قلت لا
لازم اروح أشوف الريس طبلاوي أبو شفتوره مسئول الصرف الصحي ولا مؤاخذه
وعشان تكون المسأله مريحه وليها ريحه بقى وإشعاعات جويه ضوئيه في الحنجوري
حد فاهم أيتها شيئ عن ايتها حاجه
الموهم وخدوا بالكم المجمع اللغوي لو شاف بوظاني للغه العربيه شكلي هاخد منوا باحلى قبقاب ولا مؤاخذه عارفين القبقاب !
الموهم نرجع للموهم تاني عشان نعرف حصل ايه بين النهضه وعلوم الانشكاح وعم فرفور المنجد
النهضه راحت تدي عم فرفور المنجد درس في النهوض الانتهاضي المنتهض بس يكون مش مناهض قوم العم فرفور برق وتنح وشخط وزعق بالصوت الحياني وقال :
امشي يابت العبي بعيد بلا نهضه بلا دياولوا ومشي العم فرفور وهو لا ينوي على شيئ
والنبي الفاهم يفهمني واللي مش فاهم ييجي يدور معايا على حد فاهم يفهمنا سوى ولو لقينا حد فاهم ينوبوا ثواب يفهمنا عشان نفهم
اعدوا بالعافيه وانتظروني وتخريفات اخرى من نجم
تخاريف قلم مخنوق بجد وغضبان وطلعانه عنيه