[smsma666]

السلام عليكم ورحمة الله وبركاته يارب جميعا تكونوا بخير الموضوع ببساطه عن الناس اللى كانوا معانا فى المنتدى

نعم مازلنا نذكرهم .......... نذكر من كان يوما من اعمدة المنتدى وله فضل كبير فى ماوصل اليه المنتدى
ولكن دخول بعضهم قل والبعض الاخر الاخر قد انعدم تمام انهم كانوا نجوم حقا فى سماء بنات مصر
وساكتفى بذكر ببعض من الذين تعاملت معاهم وان كان الكل يستحق ان نذكره ................

abo adhem

Eye of the lion (الاداره) سابقا

ابو ادهم اللى اتعامل معاه بجد هيعرف قد ايه الشخصيه دى طيبه ومحترمه وبيعتبر الكل اخوات له كان المراقب الاول والمحافظ فعلا على النظام فى المنتدى ولكنه مش بيدخل حاليا ربنا يكرمه ويوفقه فى حياته


عاشق الأحزان

مدير عام سابق

عاشق الاحزان شخصيه مرحه جدا وجاده عند اللزوم كانت عمود مهم من اعمدة المنتدى وقدم للمنتدى كتيييير فعلا واللى كان موجود وقت ابو ادهم وعاشق الاحزان هيكون عارف انا بتكلم عن مين كويس جدا

doiss

اداري سابق

ضياء نقدر نقول زى ابوادهم وعاشق الاحزان بالظبط مراقب نشيط جدااااا الاعضاء فى الاول كانوا بيخافو منه هههههههههههه واللى من زمانن شويه هيفتكر موضوع اتكلم بصراحه العضو معظم الاراء عنه انهم كانوا خايفين منه بس الحقيقه انه شخصيه طيبه جدا وصريحه جدا ومجهود كان وضح جدا فى المنتدى

noona

|§| الـمــراقــبة الــعـــامة سابقا |§|
مشــرفة المنتدى العام سابقا

نهى دى بقى بجد ربنا يبارك لها من الناس اللى خلاص بقوا فعلا مليون فى الميه اخواتى هى بجد حد جميل جلدا المنتدى كان سبب فى انى عرفتها ومتواصله معاها لحد دلوقتى لانها تستاهل كل خير وكفايه انى اقولها 2 كيلو برتقال وهى تعرفنى حتى لو كنت متكلمه من رقم دولى

nooody

مشرفة يوميات الأعضاء سابقا

نودى عروستنا الحلوه دى بقى كانت قلب المنتدى واختى الكبيره اللى اتعلمت منها كتير ولسه بتعلم وبتمنى ان فعلا الايام تجمعنا ونتقابل بقى لاحسن خللنا كده بقى لنا اكتر من 3 سنين نفسى بجد انها ترجع المنتدى لانه كان له شكل تانى فعلا لما كانت موجوده من ردود ومواضيع حفرت فى قلب الكل احترام ليها ولشخصيتها المميزه وقلبها الطيب

DO3AA

مشرفة صفحات مكشوفة سابقا


^سائره على الطريق^

خفة الدم يعنى دودو مافيش وقت اتكلمنا فيه الا وكان الضحك والروح الحلوه عنوانه ومن احسن اوقاتى لما اتقابلنا انا وهى فى الجامعه اينعم كانت نص ساعه بس احلى نص ساعه فعلا وكل ما افتكر لما كنا بنتكلم ونقعد نتلامض على بعض فى الشات او فى المنتدى بدعى ربنا دايما اننا نفضل على طول مابعض

لوليتا المصريه

مشرفة النقاش العام سابقا
برنسيسة المنتدى

ايمى اللى اتعرفت عليها واكتشفت حد زى السكر بجد شخصيه مبسوطه جدا ان اللى خلانا نتعرف على بعض هى تدبيسه فى المنتدى هههههههه وكمان حكايات كتير عن الصومال ههههههههه انتى اكيد فاهمه يا ايمى وساعة ما اتقابلنا يااااه كان وقت حلو جدا جدا جدا هو اينعم صرفنا مصاريف والميزانيه اتخربت يومها بس يارب ربنا يعيده تانى يارب على خير

أنثـے مًنْ الّخٍـْيـِالْ→♀

ẲƒЯỗỘộḓễзэŧ

طمطومه يعنى اهل دمياط يعنى المشبك ^_^ بنوته عسوله عنيده مش سهل ان حد يجبرها على حاجه كان رايها واضح وكلامها فى الصميم دايما اتخرجت السنه دى على خير انا كنت عايزه بس اقولها انك حد جدع جدا ربنا يكرمك وتحققى كل احلامك وحقيقى ليكى مكانه فى قلبى كبيييره جداااااا وربنا يعلم وان شاء الله نتقابل على خير

A . y . a

بنت المنتدى

يويوووووووو ولماضتها وفرفشتها اختى الصغيره العنيده مافيش مره اقولها حاجه الا وتعاند ونقعد نتكلم بالايام وبرضه دماغها حجر ولا اجدعها صعيدىه هههههههههههههههههههه اكتشفت يا يويو ان كل الشات بتاعنا لازم لماضه وضحك ياريت ايام ما كنت بتدخلى على طول تتكرر تانى بجد لانها احلى ايام

yasmine refat

مميزة قسم الأقلام

ياسمين كلية الطب ياعينى حاساه تعبت من الطب هههههههههه شخصيه مثقفه جدا وطيبه وحبوبه من اهل المنوفيه الجدعان ليها مواضيع حلو جدا واستفدت منها كتير ومن طريقة تفكيرها ونصايحها بتمنى لها كل خيييير وتحقق كل احلامنا وتتخرجى من طب على خير اللهم امييييين

يارب ربنا يكرمكم جميعا ويوفقكم فى حياتكم وترجعوا تنوروا المنتدى تانى وباعتذر لو ماعرفتش اعبر عن مكانتكم فعلا ودى حاجه بسيطه عملتها ليكم


<<احم احم راعوا انى مابعرفش اعمل اصلا انا لسه منزله البرنامج النهارده >>