[دمعه حائره]

أهلا وسهلا بأعضاء منتدانا الغالى وحلقه جديدة من برنامج اجدد عضو ومعانا عضوة جديدة جداجدا esra2 mohamed اهلا وسهلا نورتى المنتدى عاوزين نتعرف عليكى المنتدى منور بيكوا اسمك الحقيقى اسراء؟ ايون اسمى اسراء محمد عندك كام سنه 18 وداخله ف 19 بلدك؟ اسماعيليه بمصر وهل بتدرسي ولاخلصتى لا لسه بدرس اولى تجاره انجلش عندك كام اخ واخت 2 ولدين حكمتك المفضلة؟ بصى هى مش حكمه واحده بس اى حكمه تشجعك انك تكونى نفسك متكونيش حد تانى يعنى شخصيتك انتى طباعك انتى كاريرك انتى مبحبش اكون شبهه حد بحب اكون نفسى واى حكمه بردو بتدى امل وتفائل ان بكره احسن ان شاء الله ناويه تقضى الاجازة فين السنه دى امممم مفكرنيش انا قريبا اول يوم ده ف الاجازه مش بحب الاجازه اوى هقضيها مابين اسماعيليه واسكندريه فااسماعيليه نشاط الصيف بقى صناع الحياه واى حاجه تشغلى فيها وقتك وتكون مفيده واسكندريه مصيف بقى اتعرفتى على المنتدى ازاى كانت وحده صحبتى عندى وهى تقريبا عضوه هنا بس مش بتدخل ناو سابت المنتدى وسجلتى على طول؟ اها ايه اكتر حاجه عجبتك فى المنتدى وشجعتك تسجلى فيه كنوع من الفضول لقيتى ترحيب كويس من الاعضاء؟ بصراحه اها عجبنى الترحيب وبعتقد ان قسم الترحيب من الاقسام المهمه ف المنتدى بتدى اول انطباع للعضو عن شكل المنتدى ايه اكتر الاقسام عجبتك المنتدى ماشاء الله مليان اقسام كتير اووووى ودى حاجه جميله جدا مش قسم معين لفت نظرى كونتى صداقات ولالسه؟ لا لسه للاسف اشتركتى فى مسابقات؟ لا ايه رائيك فى نظام المنتدى فى حاجات معجبتنيش ف النظام زى بتنزلى موضوع والاداره بتحدد قسمه يعنى انا عايزه موضوع انا شايفه بالقسم ده وااتنقل قسم تانى ملوش دعوه بالمحتوى اصلا شوفى الحكايه تنظيميه اكتر وعشان التخصص وتسهل الطريق للاعضاءوالزوار للوصول للمعلومات اللى عاوزينا فممكن فعلا يكون اتنقل للقسم المناسب وهل عندك اقتراح تحبى تقدميه؟ مش عندى حاليا بس بالمستقبل ان شاء الله هل قابلتك اى صعوبه فى استخدام خواص المنتدى؟ لا حصلك اى مشكله او شكوة من وقت ماسجلتى؟ لا دى حاجه جميله وصوعوبه ولاشكوة واى مدايقه شوفتى منتدانا جميل ازاى فى رائيك ايه اكتر حاجه تشجع الاعضاءالجدد على الاستمرار فى المنتدى؟ دمجمهم وسط المنتدى بشكل اكبر بشكرك على قبول الدعوة واتمنالك التوفيق انا بشكرك اكتر على الدعوه وبكده تنتهى حلقتنا بشكركم على المتابعه