[morshooo]

بسم الله الرحمن الرحيم

اهلا بيكم جميعا

وحلقه جديدة من برنامجكم

( أجمد عضو )




طبعا كلنا عارفين مين ضيف الحلقه النهاردة قبل ما اعرض الحوار هقول كلمتين

ويمكن قولتهم قبل كدا واحتمال كبير اقولهم تانى وتالت طول ما الاعضاء بتفهم

الحوارات الى بتتعمل فى ( اجمد عضو ) بشكل تانى .

حلقه ( واد حبيب ) حلقه عشان نكتشف الحقائق او الحقيقه الى هو كان مخبيها

سواء كان مخبيها لوحدة او هو ومعاة اعضاء تانيين .

لما فكرت استضيف ( واد حبيب ) كنت اعرف منين ان السر دا يعرفه لوحدة او هو وغيرة

( واد حبيب ) بعتله دعوة للاستضافه ووافق عليها واكلم فيها بكل صراحه ومخباش حاجا

ودا حقه اكيد انه يقول للاعضاء الى حصل بالظبط

فى توبيك اعلان الحلقه يمكن شوفنا

هجوم على الاسئله من الاعضاء وفى شاف ان مش من حقى اسئله الاسئله دى .

طيب سؤال ياترى مش من حقى اسئله الاسئله دى عشان اسم حد فيكم اتقال فى السؤال ؟ والا دا حق مشروع للجميع ؟




مش حابب اطول فى المقدمه ولكن .

ضيف الحلقه النهاردة

واد حبيب



تعالو نشوف قال ايه :

س / اهلا بيك فى اجمد عضو ؟

اهلا بيك يا عم احمد منور اجمد عضو بتاعك

س / منور ارمضان واستضافتك جت متاخرة شويه بس جت فى وقتها ؟

ما هوه لزم كل حاجه تكون في وقتها بس مين قالك انها متاخر ولا متاخرهولا حاجه هيه دلوقتي
في وقتها مظبوط علشان اوضح كل حاجه هنا

س / فى البدايه ايه اخبار قسم الخوأطر حاليا ؟

قسم الخواطر دلوقتي الي حد ما ماشي تمام في اقبال عليه من الاعضاء اللي رجعو بعد رجوع
القسم كقسم رائيسي وان شاء الله هيكون عليه اقبال زي الاول بفضل الاعضاء المتميزين في القسم
وبفضل الاعضاء الجدد اللي هيكون لهم بصمه كبيره جداااا في نشاط القسم
زي الاول واحسن ان شاء الله

س / شايف ان الاعضاء رجعتله تانى والا لسه متأثر بانه كان قسم فرعى ؟

في اعضاء كتير رجعو لقسم الشعر والخواطر بس برده في اعضاء كتير لسه
برده في اعضاء كتير غايبين من فتره وان شاء الله يرجعو باقلمهم الجميله
ونشطهم المتميز في القسم

س / من حوالى 5 شهور لقينا موضوع نازل عن وفأة خطيبتك ؟ وحتى مهنش عليك تدخل التوبيك تشكر الاعضاء الى سابولك رد ؟

اه فعلا حصل الموضوع وفعلا انا مردتش علي اي حد من الاعضاء علي الرغم
ان فيه 60 عضو ردو علي الموضوع ومردتش علي اي عضو فيهم ولا رديت علي
اي رساله جتلي بسبب الموضوع ده



س / مش غريبه انك تعيش فى الضحك على الاعضاء وتعيش فى وهم وفأة خطيبتك فعلا طوال حوالى 5 شهور ؟

شوف يا احمد
هيه غريبه فعلا اني اعمل موضوع زي ده واموت خطبتي بس كان لزم اعمل موضوع
علشان الاعضاء يعرفو اني مش خاطب بس في اعضاء كتير مكنوش مصدقين
الموضوع ده اصلا اني خطبتي ماتت ودي كان باين بعدم ردي علي الاعضاء
في الموضوع وعدم ردي علي الرسايل وكنت برد علي بعض الموضوع وبضحك
مع الاعضاء عادي مفيش حد خطبتو ماتت وبيدخل المنتدي اصلا
انا مش اقولك اني مزعلتش اني الموضوع ده اتعمل والله انا زعلت جامد اني عملت
موضوع زي ده واللي زعلني اكتر ردود الاعضاء علي الموضوع وكان فيهم
اعضاء زعلو عليه جامد وده اللي فعلا خلاني اضايق جداااا من نفسي

س / ايه الفائدة من اعلان خبر وفأة خطيبتك ؟

الفايده اني كان لزم اعرف حاجات كانت خاصه علي الاميل وكان لزم اعمل اي حاجه
بعد ما سبت خطبتي الاولي بسبب مكالمه من بنت في المنتدي هنا لولدي الله يرحمه
وساعة المكلمه دي كانت خطبتي الاولي في البيت عندنا
وحصل مشكله وبسببها سبت خطبتي الاولي
بس اقولك يا عم مروشو كان حصل مشكله كبيره قبل ما انزل اجازه في
مصرعبر الاميل وكان في المشكله دي 5 اصحاب وحولو يوقعوني
في بعضا وكان بيدخل عليه يشتم وعلي كبرياء رجل وعاشق ولهان وجراح المشاعر جبل الخير يشتم برده
لما رجعت من مصر لقيت اكتر من 6 او 7 بنات دخلو عليه علي الاميل
وكلهم بيقولو بحبك قولتلهم اني خطب برده بيقولو بحبك وكان لزم اعرف
مين دولت وعوزين مني ايه قولت لعاشق ولهان قالي لزم تعرفهم قولتلو
وانا عوز اعرفهم وتم عمل الموضوع ده علشان اعرف مين هما الناس دي
وعرفتهم فعلا وتم بعدها تغير الاميل

س / برضو مش فاهم الجزئيه دى ايه سبب ان بنت فى المنتدى معانا هتكلم والدك انتا مديها رقمك والا رقم والدك ؟

شوف يا مروشو انا اول مادخلت المنتدي كنت بكلم بنت هنا واديتها رقم اهلي
وكانت بيكلمهم كل فتره وهما بيكلموها بس في مكالمه فيهم اثناء وجود خطبتي الاولي
في البيت عندنا وقت المكالمه دي وده كانت سبب في انتهاء العلاقه بيني وبين خطبتي الاوله
ومن كتر زعل والدي الله يرحمه علشاني دخل المستشفي بعدها بشهر واتوفي دخل المستشفي

س / لو قولنا اوك ماشى بنت من المنتدى كلمته كان ايه سبب المكالمه ؟

سبب المكالمه كانت عادي جداااا كانت بتطمئن علي العائله بس وكلمت
اختي وولدتي وولدي وبعد المكلمه خطبتي بتسئل مين اللي كانت ببكلم
دي ولدي قالها بنت معرفت حماده ومن ساعتها حصل مشاكل في الخطوبه الاولي
وسبتها بسبب الموقف ده

س / يمكن انا واحد من ضمن الاعضاء الى مكنتش مصدق الخبر وكنت دائما بقول لنفسى طيب هو عمل كدا ليه وشكله من الاساس مش خاطب والا حاجا لانه مستحيل يتمنى دا لخطيبته ؟

ما انا بقولك في اعضاء كتير مكنوش مصدقين الخبر ومفيش حد في الدنيا
بيتمني ان خطبتو تموت بس انا قولت اكتر من مره في صفحتي الخاصه
في صفحات مكشوبه بعد الموضوع ده انا خطب وبحب خطبتي اوي واظن ان الاعضاء
اللي متابعين الصفحه بتاعتي عارفو اني خطب



س / ايه سبب انك اعترفت دلوقتى ان الخبر كان كاذب ؟

المفروض ان كان الموضوع هيتعمل من شهر فات ومكنتش انا اللي اعملو
كان جراح المشاعر اللي هيعملو بس انا قولت استني شويه انا اللي اعمل الموضوع
وفعلا اخد رابط الموضوع وحطيتو في المدونه بتاعتي وكتبت
تحت الرابط ما هو سر عمل هذا الموضوع
بس اللي خلاني اعمل الموضوع دلوقتي ان في اعضاء كتير عارفو
اني خطب وكان لزم اعترف امام كل الاعضاء
انا عارف ان في اعضاء كتير
زعلو مني وهيزعلو مني اكتر لما يعرفو ان الموضوع كان كذبه

س / على فكرة انا بعتب على الـ 9 اععضاء مهما كانو هم مين انهم سمحولك بانك تعيش فى الكذبه وتكملها واولهم ( صديقك المقرب ليك ) لانه دخل توبيك ( جراح ) وقدم التعازى هو كمان ؟

مفيش حد يقدر يعتب علي ال9 اعضاء اللي انا قولتلهم في الاول مفيش
حد كان يعرف الموضوع ده غير انا وعاشق ولهان بس انا قولت للاعضاء
اللي قريبين مني وفي منهم بنات دولت بجد اكتر من اخواتي هنا هما
كانو زعلانين علشاني لكن انا قولتلهم ان الموضوع كذبه علشان اعرف حاجه معينه
وفعلا هما عارفو الموضوع وساعدوني كتير في معرفت الاسباب دي
اما عن عاشق ولهان وده كان لزم يرد في الموضوع علشان اغلب الاعضاء
عارفين ان عاشق اقرب الناس ليه مش في المنتدي بس في ****************** كلها
ورده ده خالي اعضاء كتير صدقو ان الموضوع حقيقي

س / تفتكر بعد كلامك دا مستنى الاعضاء تقول عليك انك ( طيب وكويس ) والا تفتكر محدش هيصدقك تانى فى حاجا تقولها ؟

انا عارف ان في اعضاء كتير هيقولو عليه شرير ومفيش حد هيصدقني في حاجه
بعد كده بس انا عارف اني عملت حاجه غلط وقولتلها لناس كتير اني عملت
الحاجه دي ودلوقتي بقول لكل الاعضاء ان الموضوع كان كدبه

س / المشاركه الى فى صفحاتك الى شرحت فيها موضوع البنات والميل وتفكيرك انتا وعاشق مش شايف انها غريبه شويه ومش مفهومه ؟

شوف يا مروشو لو كنت شوفت اللي حصل قبل كده علي الاميل
معايا ومع عاشق وكبرياء وجراح وجبل الخير
مكنتش هتقول ده غريبه ولا حاجه
انا ممكن اكتبلك الاعضاء اللي دخلو عليه علي الاميل هنا واقولك كل حاجه
عنهم ومين فيهم قالي بحبك
لو انت هتجبلي موفقه من الاداره اني اكتب لك الاسماء ده واكتب كل حاجه
هما قالوها علي الاميل وعلي الرسايل الخاصه وفي التقيم عندي
هتعرف ان الموضوع مش غريب
بس برده اللي عوز يعرف حاجه
ممكن يعمل حاجه تانيه علشان يعرف اللي عوز يعرفو زي انا ما عملت كده ودلوقتي
بعترف لكل الاعضاء اني خطبتي عايشه وفرحي ان شاء الله في شهر 5 اول ما انزل مصر علطول

س / انا مش بحب الكلام المطلق انتا عندك الشجاعه تقول مين هم الاعضاء الى عملو كدا ؟

انا دايما عندي الشجاعه اني اقول كل حاجه وعمري ما خفت من حد بس بلاش امور الاستفزاز
ده علشان عمري ما اقول لحد علي اسم بنت فيهم مش خوف من حد لكن
احترام لنفسي الاول واحترام لحرمه الاعضاء ولبنات الناس



س/ بس انا عايز اعرف هم عملو معاك انتا كدا ليه ؟ اكيد كان فى حاجا حصلت ؟

انا من يوم ما خطبت قطعت علاقتي بكل البنات اللي كنت اعرفهم سوء
علي النت او خارج النت ولما رجعت من مصر غيرت الاميل بتاعي بس للاسف
كنت حطه فتره علي المنتدي
بس اللي هما كانو عوزينو مني اني اتعلق بيهم اكتر واتكلم معاهم علطول
وكانو عوزين رقم اهلي وده كانو بيطلبو علطول وانا كل مره يتكلمو معايا
في الموضوع ده لدرجه اني كنت بكلمهم مره وكان ولدتي تعبانه شويه وصممو
انهم ياخدو الرقم علشان يكلموها ساعتها انا قفلت الاميل ومكلمتش حد

س / بقالنا فترة كبيرة بنشوف واد حبيب بيهاجم الادارة فى بيقول عشان لم يتم تكريمك او منحك اوسمه ؟ الكلام دا صحيح ؟

بس برده بقالي فتره كبيره مش بهاجم الاداره في اي حاجه واعتقد مش
اني لوحدي اللي كنت بهاجم الاداره بسبب الموضوع ده
لان كان في اعضاء كتير
اتكرمو واخدو اوسمه وهما ليس لهم اي وجود معروف في المنتدي
وكان في اعضاء كتير يستحقو التكريم
لكن اخر خلاف كان بيني وبين الاداره
كان علشان عدم التقدير لوفاة عضو من اعضاء المنتدي المرحوم محمد

س / واد حبيب واصدقائه مش شايف انكم واخدين اتجاة ضد الادارة وبتحاولو تكسبو اعضاء مع العلم ان عندكم منتدى تانى وتقريبا اغلب الاعضاء من بنات مصر ؟

طيب واد حبيب كان واخد اتضاه ضد الاداره وفي الوقت دي مكنتش بدخل المنتدي
بتاع عاشق خالص طيب عاشق وجراح وخدين اتجاه ضد الاداره
من امته قولي لو كنت تعرف؟
بس لو انت متابع المنتدي بتاع عاشق كويس اني انا بقالي فتره كبيره
مش بدخل هناك خالص وانشلت من الاشراف هناك وكذلك جراح انشال من الاداره
بسبب عدم دخلو المنتدي
احنا اصحاب اه مش اصحاب بس احنا اكتر من الاخوات بس الاخويه حاجه
والمنتدي حاجه تانيه خالص كل واحد بيكون في المكان اللي بيكون مرتاح فيه



س/ واد حبيب بصراحه انتا كنت بتحب بنت من المنتدى وعملت كل الى حصل دا عشانها ؟

انا فعلا كنت بحب بنت من المنتدي بس الكلام ده قبل ما انزل مصر مش
اقولك مكلمتهاش وانا في مصر لا كلمتها ورحت شوفتها كمان بس من يوم
ما خطبت وانا قطعت علاقتي بيها تماما وهيه نفسها قالت انت اتغيرت من يوم ما خطبت
قولتلها اه اتغيرت وعوز اكون لخطبتي بس وفي ناس كتير حسو بتغير بتاعي
حتي اصحابو المقربين جدااا لي قالو مش انت محمد اللي كنا نعرفو انا فعلا اتغيرت
كتير من يوم ما خطبت لاني بجد بجد بحب خطبتي اوي وقولتها الف مره
مفيش بنت في الدنيا كلها تقدر تخلاني احبها غير خطبتي
وشوف التوقيع بتاعي كويس وانت تعرف

س / اخيرا تحب تقول ايه لاعضاء منتدى بنات ؟ ولادارة المنتدى ؟

انا بعتزر جدااا لاعضاء المنتدي واداره المنتدي علي هذا
الموضوع انا عارف ان في اعضاء كتير زعلو مني علشان كدبت عليهم
وفي اعضاء كتير فرحو علشان الموضوع كان كدبه
وان خطبتي عايشه مش ماتت
لكن بجد انا بعتزر لكل الاعضاء في المنتدي وللاداره كمان



وبكدا بتخلص حلقه النهاردة

من برنامجكم

( اجمد عضو )

انتظرونى الحلقه القادمه مع

( الرجل المتواضع )

الـ هيجاوب على الاسئله دى :




س / طيب كلنا بنشوف الرجل المتواضع فى اغلب المواضيع وردودك يمكن ليك شكل خاص بيك ؟ اية حكايتك مع الردود؟

س / شوفناك واخد حظر انتا و عضوة معانا فى يوم واحد تقريبا وانتو الاتنين كلنا استغربنا من حظركم ؟ الحظر ليه علاقه بخلاف بينكم والا لا ؟

س / ايه سبب الحظر ومين الى حظرك ؟

س / كان شعورك ايه وانتا بتفتح المنتدى وشايف انك محظور ؟

س / انتا بعد كلامك دا عايز تفهمنا انك بتدور على زوجه من المنتدى ؟

س / مش غريبه انك اعترفت بالكلام دا بعد الحظر خاصه انك عاطفى وبتاع نسوان رغم تحفظى على الكلمه الى وصفت نفسك بيها ؟

تحياتى