[حلم عمري]

اهلا بيكم واولي حلقات برنامج رايك في ....؟

اهلا بيكى وسعيد انى اول ضيف

انهاردة باذن الله هنستضيف عضو نشيط جدا ومميز
صانع المقالب في المنتدي

العريس الجديد

morshooo

مشرف يوميات الأعضاء






اهلا بيك احمد نورت الحلقة
بالمناسبة الف مبروووووك وربنا يتمملك علي خير واكيد انا معزومة طبعا
بس مبدئيا في بوفيه

ربنا يخليكى وعقبال ما نفرح بيكى كدا
وانتى لبسه الفستان الاخضر

علي اساس ان العريس هليبس بدلة بينك

نبدا الاسئلة باذن الله

1- رايك في مظاهرات 30 يونيه؟

والله لو ليها فايدة اتمنى تستمر
النزول اكيد مطلوب بس التوقيت ياترى صح والا غلط دى المشكله الى هتقابلها الناس نازله اعتصامات ومش هنمشى وهو يمشى والكلام الى دائما بنسمعه فياترى هنقدر نخليه يتخلى عن الرئاسه خلال 10 ايام خاصه قبل رمضان والا لا لان اكيد فترة رمضان هنلاقى الاعداد قلت وبعدين اول يوم رمضان لازم كلنا نفطر فى بيوتنا مع اهلينا هههههههههه
لا بجد النزول مطلوب جدا والمهم ان طلبات الثوار تتحقق مع انى حاسس انه هيشيل الغلبان ( قطونيل ) سواء قبل يوم 30 او بعديها بيوم والا حاجا بس اول لما يعلن اقاله رئيس الوزراء اعتقد ان الثوار طموحاتهم مش هتقف لحد دا .

2- رايك في التعليم في مصر؟

لما يكون فى تعليم اقدر اقولك رئى ايه
المشكله ان معندناش تعليم فى مصر اساسا
انتى بتحطى منهج للطلاب غريب جدا
فى طلاب بتدرس مناهج اكبر من عقلها
خاصه فى الصفوف الابتدائيه فكدا كدا الطالب
ماشاء الله بيطلع فاشل من صغرة لو عايزين
التعليم يتعدل لازم يتم اعادة هيكله الكتاب المدرسى
ويكون مناسب للطالب فى المراحل الدراسيه .

معك شخص من قلب الاحداث

3- رايك في سد النهضة وموقف المسئولين في مصر منه ؟

موقف المسئؤلين وضحلنا فى الاجتماع ^_^
احنا نطلع طيرتين يا ريس يهددوهم
والتانى احنا نظبط اى عصابه من هناك وكله بيتراضا
والثالث كان هيقول سر خطير محدش هيعرفه يادوب كان هيعرفه العالم كله بس ^_^
هى دى الاجتماعات الى بتحل ازمات مصر
كلنا شوفنا الاسلوب العقيم الى كبار الدوله
بيحلو بيه ازماتنا .
بالمناسبه لو احنا حطينا نفسنا مكان اثيوبيا
اعتقد هنموت عشان نعمل السد دا .
طالما مشروع لصالح الدوله .

4- رايك في قسم صفحات مكشوفة؟

قسم مهم جدا وناجح جدا عيبه الوحيد
انه القسم الوحيد الى بيجمع الاعضاء الى اتشالو من الاشراف او من منصب ادارى
وكان كلهم بقو يسيبو المنتدى عشان يدخولو
يكتبو فى صفحاتهم ويشوفو الاعجابات
طبعا دا مش عيب فى القسم والا حاجا
ولكن بقى دا حال الصفحات

5- رايك في المسلسلات التركية ؟

مش بتفرج عليها خااااااالص ^_^
رغم البنات الى فيها زى الفل بصراحه

6- رايك في برنامج باسم يوسف؟

رغم اعتراضى على الاسلوب ولكن برنامج
مميز برنامج فى بدايته كان بيشوفه عدد كبير من المصريين ودا لان اول مرة نشوف برنامج ساخر بالشكل دا حاجا جديدة علينا بس مع الوقت والحلقات خلاص الامر بقى عادى يعنى اتشاف ماتشافش مش مشكله حتى دلوقتى الناس مبقتش تهتم بالكلام عن الحلقه ولكن يعتبر افضل برنامج حاليا .

7- رايك في برامج الاغاني التي احتلت الشاشة ؟

انا متابع جيد للبرامج دى خاصه
( عرب ايدل )
برامج رغم عدم اهميتها ولكن برامج
الواحد بيتفاعل معاها انا اكتر حاجا بستناها
بصراحه فى البرامج دى الضيوف المصريين وكنت مبسوط جدا بمنير وشيرين الواحد لما بيشوفهم بيحس ان فعلا مصر بلد مش صغيرة فى العالم والوطن العربى ومش صغيرة بفنها ومطربنها .
8- رايك في المراة ؟

نص المجتمع اكيد
انا مع المراة فى كل طلبتها
سواء العمل او احتلال الوظائف الهامه فى الدوله مبقاش فى فرق دلوقتى بين الرجل والمرأة ودا فى العالم كله دلوقتى شوفنا مراة بتحكم دول يعنى دا اعلا منصب فى المجتمع انك تكون رئيس دوله فاعتقد خلاص المراة الان اصبحت جزء مهم جدا فى المجتمع .

9- رايك في الحب ؟

محدش بيعيش من غير حب
اكيد كلنا فى حياتنا حب سواء
لاهل او اصدقاء او اشخاص .... الخ
المهم ان فى حب
لو كل واحد عاش مع الشخص المناسب ليه
الى بيحبه فعلا اعتقد مش هيكون فى
مشاكل مجتمعيه بين الرجل والمراة .

10- رايك في مورشو ؟


رد يا حسين

11- رايك في حلم عمري ؟

دى مين دى اصلا

واحدة بتزورنا في البيت كتير

لا من الشخصيات الجميله فى المنتدى
حد عارف هو عايز ايه يمكن بيضحك عليها
بسهوله بس عادى يعنى
اتمنالك التوفيق ان شاء الله
فى حياتك وفى دراستك

ميرسي جدااا علي كلامك الجميل في حقي

12- رايك في البرنامج ؟

برنامج جميل
وان شاء الله الاعضاء
تهتم بيه بس المهم الاستمراريه منك

ان شاء الله استمر فيه

وبكدة تكون خلصت حلقتنا انهاردة
اشكرك موروشو علي قبول الدعوة
نورت الحلقة

الحلقه منورة بيكى وبالاعضاء


اتمني الحلقة تكون عجبتكم ولو في حد عايز ينقد اي راي ممكن يتفضل
استنوني ان شاء الله في حلقة جديدة وضيف جديد وبرنامج
رايك في ............؟

في امان الله