[حلم عمري]

اهلا بيكم وحلقة جديدة وبرنامج رايك في ..........؟

انهاردة باذن الله هنستضيف عضوة رقييقة
اتعرفت عليها في موقف غريب الصراحة
لكنها قلم راقي ومميز جدا


معانا



Ļẻtסĩ√

AsEeL





اهلا بيكي اسيل
نورتي البرنامج اكيد

اهلا بكِ
وميرسى على الدعوة الجميلة دى

نبدا بالاسئلة ان شاء الله


رايك في ..........؟


1- رايك في مظاهرات 30/6

من حق كل مصرى الاعتراض أو التأييد
لكن المهم الطريقه اللى هيعترض بها
امبارح القوى الاسلامية كانت فى منتهى التحضر
اتمنى يوم 30/6 مش يكون اقل من كده
ولا يكون فيه تخريب


2- رايك في تصدير الغاز لاسرائيل ؟ وعدم منع الرئيس له لهذه اللحظة؟

صدر حكم بوقف تصدير الغاز لاسرائيل
وعدم منع الرئيس لتصديرة اللى اعرفه ان فى اتفاقيه اسمها الكويز
بين مصر وامريكا واسرائيل
وان عواقب الغاء تصدير الغاز هتكون الغاء الاتفاقيه
والاتفاقيه دى عبارة عن تصدير المنتجات المصرية وخصوصا الملابس فى الاسواق الامريكيه
والله اعلم اذا كان هو ده السبب اولا



3- رايك في حملة تمرد ؟

من ناحية التوقيعات مش قانونية
ومستحيل سحب الثقه من الرئيس
الا اذا هو تنحى
وطبعا دى بعيده اووووى
لكن من ناحية الاعتراض على حكم مرسى
والتظاهر ضده ده حق لهم
لكن المشكله اننا شعب فرعون
مرسى موجود مش عاجب
ولو جى غيره بردوا مش هيعجب وهيعترضوا
وهكذا
انا معترضه
لكن رأى اللى جى بصندوق يمشى بصندوق
عشان الشعب يحترم رأى الصندوق
ورأى الاغلبيه
سواء كان مؤيد او معارض


4- رايك في برنامج باسم يوسف ؟
بالنسبالى مجرد برنامج ساخر
مش بنطلع منه بفايده

ومن يومين كتبت رأى فى حرية التعبير

(يَا أَيُّهَا الَّذِينَ آمَنُوا لاَ يَسْخَرْ قَوْمٌ مِّن قَوْمٍ عَسَى أَن يَكُونُوا خَيْراً مِّنْهُمْ...)


ايه هى حرية التعبير ؟
لا يصح حرية التعبير بأى شىء
اذا كانت حرية التعبير بالسب والقذف والشتائم
فهذة ليست حرية تعبير
حريه التعبير
اما عن يكون التعبير عن قول الحق
والامر بالمعروف والنهى عن المنكر

عدا ذلك لا يكون للتعبير حرية




5- رايك في الفتوي اللي بتقول الخروج علي مرسي خروج عن الاسلام ؟

اكيد خاطئه
الاسلام مش مرسى

6- رايك في اخلاق الشباب والبنات حاليا ؟

بصى هى الاخلاق بتختلف من تربيه للتانية
اذا كانت التربيه على اساس ومبادىء الدين اكيد تصرف الشاب او البنت هيرجع لتعاليم دينه
اما اللى بنشوفه من البعض مفيش تربيه نهائى

7- رايك في الاطفال ؟

ملايكه

8- رايك في الحب ؟
الحب فطرة اتخلقنا بها
المهم ممارست الحب صح
وتتويجه بالزواج
قال
رسول الله صلى الله عليه وسلم ( لم ير للمتحابين مثل النكاح )

9- رايك في الرجل ؟

ليس كل مذكر رجل
اهم صفات التى من المفترض وجودها فى الرجل
عاقل صاحب فكر سليم
يراعى الله فى كل شىء يفعله
صادق حنون رحيم
حازم حتى مع نفسه
عدا ذلك
لا يسمى رجل هو بس مذكر




10- رايك في Ļẻtסĩ√؟

اممممممم
مش بحب اتكلم عن نفسى
اقدر اقولك انى راضيه عن افكارى ومبادئى



11- رايك في حلم عمري ؟

اممممممممم عسوله بجد
طيبه اوووى
ومميزة فى معظم ردودها

شرف لي والله انك تقولي الكلام دا في حقي

12- رايك في البرنامج ؟

جميل اووى وفكرته حلوة
دوام التميز


ودي كانت اراء ضيفتنا
وبكدة تكون انتهت حلقتنا انهاردة
نورتيني اسيل وشكرا علي قبول الدعوة

انا اللى بشكرك على الدعوة الجميله
من عضوه فعلا مميزة

بجد استمتعت جداا معاكي
ارائك جميلة واعجبت بيها جداا واتفق معاكي في كتير منها
اتمنلك التوفيق في حياتك ياااارب

اتمني الحلقة تكون عجبتكم ولو في حد عايز ينقد اي راي ممكن يتفضل
استنوني ان شاء الله في حلقة جديدة وضيف جديد وبرنامج
رايك في ............؟